بعد اسبوع
تتأمل نفسها بحزن
مو مصدقه جاء اليوم اللي تمنته من كم شهر
بس مو سعيده
ابوها قتل فرحتها قبل تبدا
داخلها شيء انكسر
كل شيء صار بسرعة
حتى تحاليلهم طلعت بسرعة بفضل واسطة مراد القوية
المفترض في اسبوع الى عشرة ايام بس طلعها في يومين وكانت النتيجة متطابقة وهالشيء ما تنكر اسعدها كثير قدرهم متوافق ليه ابوها بيخالف هالقدر !!
شعور انك تحاربين اعز أشخاص على قلبك عشان تحصلين على سعادتك شعور يؤلم الروح
وكأنك حصلتي على شيء وفقدتي أشياء بالمقابل
بس مو لكل شيء ثمن ؟
هي مستعده لهذا الشيء عشانه
وتدعي من كل قلبها ما يخليها تندم أبدًا
تدري كل شيء صار بسرعة واختصار وبطلب منها هي
بس راح يسوي لها حفلة كبيره كتعويض عن الملكة المختصره
مع انها قالت ما يحتاج بس كالعاده عنيد ولا يغير رأيه
ما تنكر ان هالشيء اسعدها لانه يفكر فيها اكثر من نفسه
هو مر بهذي التجارب ومو بحاجتها
بس كونه احترم انها أول فرحة لها وأول تجربة
كبر كثير بعينها وعشقته أضعاف عشقها له
..
رغم انعدام الحماس من اللي حوله
لكن ما اهتم يكفي فرحته هو
دايم يهتم لفرحتهم
حان الوقت لفرحته
ومصيرهم يعرفون انه اتخذ القرار الصح
يمكن الوحيده اللي مبسوطه له وتعبر عن فرحتها بكل براءه هي بنته ودلوعته رفيف
اما حبيبته
ما ينسى مكالمته معها
وهواشه لها على موضوع الحفلة
يدري انها متضايقه ومتاكد السبب ابوها
لانه قريب منها اكثر من امها اللي ما ارتاح لها
ورغم تحفظه على شخصية ابوها ورايه فيه
بس ما ينكر انه لمس فيه الاب الحقيقي وغيرته على بنته
وخوفه على مصلحتها
كان يبغى اكبر حفلة عقد قرآن وبعدها حفلة زفاف تليق فيها وتليق فيه
بالاخير احترم رغبتها في عقد قرآن مختصر
لكن الزفاف ما غير رأيه بيسوي اكبر حفلة
ويعيش كل شيء من جديد
هالمره تجربة مميزه بدون ما يحس أنه يأدي واجب لبنت عمه
بدون ضغط من جده
يمكن الشيء الوحيد اللي خلى جده يطيعه هالمره وحتى يسكر الموضوع بدون زعل كبير هو إحساسه بتأنيب الضمير تجاه زواجه الاول
ونتيجة ضغطه
لكن كل مخاوفه حول تقبلهم لياسيمين
يدري انها انسانه حساسه وكبريائها عندها بالدنيا
إذا حست ان وجودها غير مرحب فيه
راح تترك المكان وتمشي من غير تردد
بعد مرور بعض الوقت
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
