في قصر مراد :
جالسين على طاولة الطعام
مراد يتأمل فراس بحزن
واضح عليه التعب والارهاق
اكيد بسبب انه ما اخذ جرعات
يحس بقهر وعجز لآنه فشل في علاجه
او حتى انه يمسك اللي كانوا السبب
فجأه
جاء آيدن
وعلامات التوتر بوجهه
: طال عمرك في شيء
قام مراد وتوجه له ببرود
: خير شيء يخصهم ؟
لا طال عمرك
الشرطة برا ومعهم بنت ماعرف وش سالفتها بس معصبه وتطلب فراس
رفع حاجبه باستغراب
ولف يناظر فراس اللي بردت اطرافه وهو يسمعه يقول الشرطة
رجع وجلس وحط رجل على رجل ببرود : خليهم يدخلون اشوف وش اخر تخبيصات الشيخ فراس
هند مسكت يد فراس بخوف : ماسوى شيء ولدي ليه تقول كذا
مراد بحده : هند اسكتي وخلي هالليلة تعدي على خير مع اني ما اظن
:فراس مراد
رفع نظراته مراد تجاه الصوت
ما ينكر انه تجمد من جمالها
سرعان ما عاتب نفسه مو وقتتته
مراد ببرود : هذا ولدي قدامك خير ؟
مو حلوه تهجمين على بيوت الناس بهالوقت ومعك شرطة بعد !!
ياسمين ناظرته بعصبية من بروده : اوه سوري كان لازم أستأذن منك قبل اجيب الشرطة لبيت مجرم واسلمه للعدالة
فز من مكانه بصراخ : مجرم ايششش يا روح امك احترمي نفسك
لا تنسين انتِ واقفه قدام مين
ياسمين باستفزاز: واقفه قدام ابو مجرم يحاول يحميه
ضحك بشر : لا تخليني اطلع لك المجرم الحقيقي اللحين
انقلعي برا قصري يلاااا
ياسمين ببرود مع انها خافت من شكله الغاضب ما تنكر : بطلع بس ولدك معنا
مسح على وجهه بعصبية : وممكن اعرف ولدي وش سوى عشان تاخذينه معك يا شاطره ؟؟
ياسمين بغضب : مغتصب قاصر
من كثر بلاويه ما صرت تعرف وش مسوي اي نوع من الاباء انت يا تحملوا مسؤولية عيالكم يا لا تجيبون
تجاهل كل كلامها وركز على التهمة اللي قالتها
تقدم منه والشرر يتطاير من عيونه
ومسكه مع قميصه بغضب : وش المصيبة الجديده ذي ؟أنت مغتصب احد تكلمممم
بلع ريقه بخوف : لا والله يبه صدقني ما سويتها والله
صار يهزه بجنون : وشلون بتدري انك ما سويتها انت طول وقتك معهم سكران ومنتشي بالسم ذا
يلا اللحين ورطوك بشيء جديد
اغتصاب يا فراس اغتصاب ؟؟
وقاصر ؟
يعني كبر اختك يا حقير
اعطاه كف من قوته كان بيطيح بس مسكه قبل يطيح بقرف
ووجه كلامه للشرطة : خذوه خلوه يتعفن بالسجون
انا بريء منه ليوم الدين
فراس بخوف وبكاء : لا يبه طلبتك لا تخلى عني
والله وراسك وغلاتك اني ما سويت شيء
هز رأسه بأسف وحزن : من اليوم ورايح ماعندي ولد بالاسم ذا
راح اعلن وفاتك عظم الله اجري فيك يا ولدي
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
