صحى مراد وتوجه لشركته
بعد ما وصى الخدم يتركون ياسمين ترتاح والاهم يسوون لها اكل صحي بدون تعليماته يعرفها مستحيل تطلب منهم وخاصة اكل صحي !
قضى نصف يومه يشتغل في مكتبه
ومستغرب اختفاء وائل
بعد ساعات من العمل
اخيرًا وصل وائل
دخل مكتبه بابتسامه
: صباح الخير
مراد : مساء النور استاذ وائل وين كنت
وائل : اخاف اقولك وتزعل
مراد : لا شدعوه هو يجي منك اخبار تزعل هالفتره
وائل بتردد : امم كنت مع فهد
مراد بحده : ذي كاميرا خفيه صح ؟
سكت ينتظره يرد لكن نظراته المتوترة دليل على صدق كلامه
ضرب يده بالطاوله بقهر :انتم ناوين تترمل ياسمين هالفتره صح
جننتوني جبتوا لي الضغط
وش موديك للخاين ذا هاه ممكن تشرح لي
وائل بخوف : بسم الله عليك في عدوينك ان شاء شالله
بس الرجال صدق حزين وندمان ويبي تسامحه
هو مو طمعان نرجع العلاقه زي قبل بس يبي تسامحه
حتى انه قال عن مخططات الكلب بيتر
مراد بقسوه: ماني بحاجة مساعدته اعرف كيف اربح واخلي بيتر يتسول بعد
وانا لا صديقه ولا اعرفه بس انت بكيفك ماراح اجبرك اذا تبي تكون معه
مثل قبل
وائل بحزن: لهدرجه ؟
مراد بحزن : واكثر
فهد انهى كل شيء حلو بينا بكل قذاره ووقاحة حتى لو رجعنا مستحيل انسى
وائل
اجل لو عرفت سببه وش بتسوي
ااه ي فهد الله يصلحك على اللي سويته ويعينك ويريح قلبك مع اللي احسن منها عشان تنساها
غير الموضوع بهدوء : وش سويت بموضوع زهور
تكلمت معها ؟
مراد : اي وكالعاده بكل غباء عندت الا تبيه
وائل قاطعه بغيره وغضب: اختك انجنت
من جدها تبيه
ليكون انت موافق بعد
مراد بهدوء : لو خليتني اكمل كان قلت لك اني منعتها تشوفه او تطلع وجوالها مع جدي اللحين
لو اختارت شخص ثاني كنت بدعمها وافرح انها تزوجت الشخص المناسب بس ولد الكلب ذا مستحيل
وائل بلع ريقه بحزن يتخيلها لغيره
متاكد مراد كان بيوافق
بس من حسن حظه انه ولد عدوه
طيب اذا مو مروان بيكون في غيره
بتضيع منك البنت وانت تفرج
وراح تحضر زواجها وتوقف مع اخوها في فرحهم
نفض هالافكار المخيفه من راسه
وتكلم بتهور : مراد انا بتزوجها .
مراد بصدمة : وش تقول انت
وائل: اقولك بتزوجها
مراد :ماله داعي تضحي عشان تحميها من تهورها خليها تصحى على نفسها وتعرف انها على خطأ
وائل : لا مو عشان احميها انا فعلاً ابيها
مراد باستنكار : ي ابني اختي لها كم سنه قدامك
وما تفكر فيك كزوجها
أنت تقرأ
الياسمين
Romanceمحامية تتولى قضية قاصر تعرضت للاغتصاب فمن المسؤول وكيف ستغير هذه القصة حياة بطلتي ؟
