🌸 නිදහස් හදවත් 🌸 [COMPLETED]

08

Wedding night
" මේ තමුසෙ සිරාවටම මාව බැන්දා එහෙනම් නේද?"

" බැන්දා නෙවෙයි, බැන්දෙව්වනෙ." සංසලා එහෙම කිව්වෙ වැඩිය ගණන් ගන්නෙ නැතුව, ඔලුවේ ගහලා තිබුණ කොණ්ඩ කටු එක්ක ඔට්ටු වෙන ගමන්.

" මම කිව්වනෙ මම කිසිම ගේම් එකකින් දිනලා මිසක් නතර වෙන්නෙ නෑ කියලා."

" ඔව් ඔව් දැන් හරිනෙ අමාරුව"

" නෑ සම්පූර්ණයෙන් දිනන්න ඕනෙ. තාම දිනන ලයින් එක පැන්නෙ නෑ මම. I am almost there."

" මේ පණ්ඩිත කතා කියන්නෙ නැතුව මේ අටමගල් ටික ඔලුවෙන් අයින් කරලා දෙනවකෝ"

" ඕවා විතරක් නෙවෙයි, තව ගොඩක් ඒවා තියෙනවා අයින් කරනවා නම්"

" What are u talking about?" සංසලා එහෙම ඇහුවෙ හිරණ්‍ය දිහා පුදුමයෙන් වගේ බලාගෙන.

" ආ දැන් බැන්දෙ සෙල්ලම් බත් උයන්න කියලද හිතාගෙන ඉන්නෙ?" හිරණ්‍ය ඇහුවේ දඩබ්බර හිනාවක් එක්ක.

"බැන්දෙ දේපළ වෙනුවෙන් නේ. මට නම් වෙන කිසිම දෙයක් අවශ්‍ය නෑ"

හිරණ්‍ය සංසලාගෙ හිස සැරසිලිවලට වලට පාවිච්චි කරලා තිබුණ කොණ්ඩ කටු එකින් එක ඉවත් කළා. සංසලා එකට එක කියනවා හැරෙන්න අද වගේ ආදරණීය වෙන්න ඕනෙ දවසකත් මෙහෙම හැසිරෙන එක ගැන හිරණ්‍යට තිබුණේ නොරිස්සුම් හැඟීමක්.

අවසානයේ සංසලා නානකාමරයට රිංග ගත්තේ ඇය පසුපසින් වැටුණ හිරණ්‍යව බලෙන් එළියට තල්ලු කරලා.

" හිරණ්‍ය ඔයා ඉන්නවා නේද ඔතන" ටික වෙලාවකින් සංසලා කතා කරනවා හිරණ්‍යට ඇහුනා.

" ආ මාව ඕනෙද?"

" මේ මගෙ bathroom bag එක වාහනේ දාලා ඇවිත් නේ. කොණ්ඩේ ගැට කඩන්න බෑ මේකෙ තියෙන කන්ඩිෂනර් එක දාලා. මේ ඒක ගෙනත් දෙනවකෝ"

" මම සර්වන්ට් නෙවෙයි. ඕනෙ නම් ගිහින් ගන්නවා."

" මට වතුර පෙරාගෙන යන්න බෑ මනුස්සයෝ"

" හා හා මම ඒක අරගෙන ඇතුළටම එනවා." හිරණ්‍ය එහෙම කියලා ෆෝන් එකත් අරගෙනම.

සංසලාට හිතින් බැන බැන බිම් මහලේ ලොබී එකට එන අතරෙ හිරණ්‍යගෙ නෙත ගැටුණේ ෆයිල් කීපයක් අරගෙන ලිෆ්ට් එකේ යන්න බලාගෙන ඉන්න හෝටලයේ සේවිකාවක්. ඇය වෙනම කල්පනාවක ඉන්න බව ඔහුට තේරුණා.