🌸 නිදහස් හදවත් 🌸 [COMPLETED]

17

" හායි නිවර්තනා , මට ඔයා එක්ක කතා කරන්න බැරි වුණානෙ. ඒ නිසාමයි දුවගෙන ආවේ" දුලාන් එහෙම කිව්වෙ සෝපානයේ දොරවල් උදාසීනව ඔහු පිටුපසින් වැහිලා යද්දි.

" ඒ වෙලාවෙ කතා කරන්න තිබුණනෙ මිස්ට් දුලාන්, දැන් මම රූම් එකට යන්න හදන්නෙ. ඔයා මෙහෙම එන එක හරි නෑ නේද?"

" එහෙම එකක් නෑ, කවුරු දකින්නද? අද හැමෝම ඩෝප් නෙ"

" ඒ වුණාට මම කැමති නෑ මේ වැඩේට. කතා කරන්න ඕනෙ දෙයක් රාජකාරි වෙලාවෙ කියන්න පුලුවන් නෙ" ඒ වචන කියලා අවසාන වෙද්දිම සෝපානය තුන්වෙනි මහලෙන් විවෘත වුණා.

නිවර්තනා , දුලාන්ව පහුකරගෙනම සෝපානයෙන් පිටවෙන්න හැදුවත් දුලාන් ඇගේ අතින් අල්ලගත්තා. අතින් අල්ලගෙනම සෝපානයෙන් පිටවුණා.

" නිවර්තනා , ඇයි ඔච්චර ගණන්?"

" මම ගණන් නෙවෙයි දුලාන්, මට ඔයා ගැන කිසිම හැඟීමක් නෑ. මම කලිනුත් කිව්වනෙ. ඉතින් එහෙම නැතුව මට රිලේශන්ශිප් එක්කට යන්න බෑනෙ."

" හරි එහෙම එකකට බෑ කියමුකෝ, ඔන් නයිට්....." දුලාන් එහෙම කියද්දිම පඩිපෙළ තිබුණ පැත්තෙන් හිරණ්‍ය එනවා දැක්ක නිවර්තනාට එක පාරටම " හිරණ්‍ය" කියලා කෑ ගැස්සුනා.

" Hello Mr Dulan, May I" කියලා දුලාන් අල්ලගෙන හිටිය නිවර්තනාගෙ අත හිරණ්‍ය ආඩම්බරයෙන් නිදහස් කරගත්තා.

" I.... I am very sorry Mr....."  දුලාන්ට වචනත් පැටළුණා.

" Its ok, you can leave now. Thank you for taking her this far" එහෙම කියපු හිරණ්‍ය දුලාන්ගෙ පිටට තට්ටුවක් දාලා නිවර්තනා දිහා බලලා එයාගෙ නල දත් දෙක පෙන්නලා හිනා වුණා.

ඒ එක්කම දුලාන් ලිෆ්ට් එක එනකල්වත් පමා නොවී පඩිපෙලින්ම අතුරුදන් වුණා.

" හිරණ්‍ය, ඔයා මොකද මෙහෙ කරන්නෙ?" නිවර්තනා ඇහුවෙ පුදුම වෙලා.

" මට අද ලොකු වැඩක් තිබුණෙ නෑ. මම ඉතින් Coco beach resort එකේ පාටි එක ෆන් ද බලන්න මාත් ආවා" හිරණ්‍ය කිව්වෙ හිනා වෙවී. 

" අනේ යන්න, පිස්සුනෙ ඔයාටත්"

" පිස්සුවට හරි ආව එක හොඳයි, නැත්තම් අරූ අද වැඩේ දීලා ඔයාට."