A Thing Called Love(ချစ်ခြင်းမေတ္တာဟူသည်)

အမှာစာ

အမှာစာဆိုသည်ထက် စာရေးသူ၏မှတ်စုဟုဆိုနိုင်သည်ပေါ့။ဒီ ဝတ္ထုကိုရေးဖြစ်ရသည့်အကြောင်းအရင်းနဲ့ ဖြစ်ပေါ်လာရသည့် အကြောင်းအရင်းကို အကျဉ်းချုပ်ရှင်းပြထားခြင်းပါ။သင်ဟာ စာအုပ်တစ်အုပ်မှာ အမှာစာကို ကျော်ဖတ်ရတာကြိုက်သည်ဆိုရင်တော့ ဒီဟာလေးကိုကျော်ကာ အပိုင်း(၁)မှစပြီး လိုက်ပါစီးမြောနိုင်ပါကြောင်း။ကိုယ်လည်း အမှာစာဖတ်ရတာ မကြိုက်သူပါ><

ဒီဝတ္ထုလေးကိုရေးဖြစ်တာက ဘယ်သူဘယ်ဝါကြောင့်ရယ်လည်းမဟုတ်ဘူး။ဘယ်သူ့ရဲ့ဖြစ်ရပ်မှန်ရယ်လို့လည်းမဟုတ်ဘူး။ဒီအတိုင်း စာရေးသူ အိမ်မက်တစ်ခုကို ထူးဆန်းစွာမက်ခဲ့ပြီး အဲ့ဒီအိမ်မက်လေးဟာ ဝတ္ထုတစ်ပုဒ်လို ဇာတ်လမ်းဇာတ်အိမ်ကောင်းကောင်းဖြစ်နေသည်မလို့ ဝါသနာထုံရာ စာရေးခြင်းနှင့်ပေါင်းစပ်လို့ အခုလိုရေးဖြစ်ခဲ့ခြင်းပါ။စာရေးသူ စဉ်းစားခဲ့သည်က ဒီ့ထက်မက ကောင်းကောင်းလေးထွက်လာဖို့။သို့သော် ‌ကိုယ်ဟာတက်သစ်စဖြစ်တာကတစ်ကြောင်း၊ဝေါဟာရ မကြွယ်ဝသည်ကတစ်ကြောင်း၊ဆေးတက္ကသိုလ်အကြောင်း ရေးတော့ ဆေးတက္ကသိုလ် ဘယ်လိုရှိမှန်းတောင်မသိသည်က တစ်ကြောင်း အတော်လေးကို အားမလို၊အားမရဖြစ်ခဲ့ပါတယ်။နောက်တစ်ချက်က ရောဂါတွေအကြောင်းပေါ့နော်။ကိုယ်တိုင်က ဆရာဝန်လည်းမဟုတ်တာကြောင့် အကယ်လို့ ရောဂါနာမည်မှားတာတွေ၊ဆေးနာမည်မှားတာတွေရှိခဲ့ရင်လည်း ကြိုတောင်းပန်ပါရစေ။နောက်ဆုံးနှစ် အလုပ်သင်ဆရာဝန်ပုံစံမျိုး လက်တွေ့ဆင်းရတဲ့အခါ ဘယ်လိုပုံစံသင်ပြီး ဘယ်လိုပုံစံ အလုပ်ဆင်းရသလဲဆိုတာ မသိတာကြောင့် ကိုယ်က ဒီအထဲမှာတော့ အုပ်စုသဘောမျိုးခွဲပစ်ခဲ့ပါတယ်။တကယ်လို့ လွဲမှားခဲ့တယ်ဆိုရင်တော့တောင်းပန်ပါတယ်။ကိုယ့်ရဲ့သူငယ်ချင်း အမာခံ ပရိသတ်နှစ်ယောက်၏ အားတွန်း၊အားတိုက်ပြုမှုကြောင့်သာ သည်လို ‌သေသပ်သည်ဟုထင်မြင်နိုင်သည့် ဝတ္ထုတစ်ပုဒ်ထွက်လာရခြင်းပါ။မိုတီလိုပြီဟေ့ဆို ဘယ်စာအုပ်မှလည်းပြေးမရှာနဲ့ ဘာမှလည်းပြေးမရှာနဲ့ သူတို့နှစ်ယောက်ပဲ။အတင်းရေးခိုင်းကြတာပေါ့။

ဒါ့ကြောင့် စာဖတ်သူတို့အနေနဲ့ စာလုံးထောက်တာ၊အပြင်လောကရဲ့ အကြောင်းအရာတစ်ခုခုနဲ့ မတိုက်ဆိုင်တာမျိုးရှိခဲ့မယ်ဆိုရင် စာရေးသူက အနူးအညွှတ်တောင်းပန်ပါတယ်။