عند جلسة العيال :
عساف : فيصل سمعنا شي
فيصل بضحكه : حاليًا متبلد ماعندي شي
صالح : عادي اعطنا من القديم
فيصل وهو يتكي : هيا اسمع
عساف : غرد
فيصل : ياقطعةٍ فيني ومني
طيفك مع روحي ملازم !
مدري علامي احس اني
حبيتك اكثر من اللازم
صالح وهو يكمل : وشلون ما أحبك اكثر من اللازم؟
وانت القديم الي غلاك يتجدد
عساف وهو يصفق : الله عليكم لو ادري جلستكم كذا كل يوم بنقع معكم
صالح : لا دخيلك مانبغاك بس نسلك لك
طنشه عساف وهو يلف على فيصل : عندك شي ثاني؟
هز راسه فيصل بايه :
تبقين أغلى من عرفته ومن طرى
وتبقين شي فخاطري عيا يشين
وتبقين أكثر من أخذ حب وغلا
وتبقين أصدق شعر تقراه السنين .
صالح : بخرج منها المره ذي ماعندي رد
فيصل : الرد عندها هي وبس !
عساف بغمزه : اوف اوف من ذي الي عذبتك؟
فيصل : غايتي ومناي
عساف : مين هي غايتك ومناك؟
فيصل : غايتي ومناي وحدة وهي الي تسوى الدنيا
وأنا على رضاها ولا اطلب من الزمن شي .
كملوا سهرتهم بين السوالف والهواش وابيات الشعر وشاهي وبعدها كلن مشى بيته ..
عند مهند وفهد ؛
مهند بعصبيه : مين هي؟
فهد بضحك : حور حور !
مهند : احلف ردت؟
فهد : ايه والله
مهند : وش تقول؟
فهد : مااقدر اوصف شعوري الحين مشاعر ملخبطه مدري وش اقول بس مستحيل اصدك
مهند : قلت لك قلت لك تحبك تحبك
فهد : وش ارد الحين؟
مهند : اثقل لا ترد
فهد : مابقدر
مهند : ياخوي انت توك داخل ذا المجال انا خبره متعمق فيه اثقل اكثر تحبك اكثر
فهد بربكه : ابوي يدق مع السلامه
مهند وهو كاره سعد : الله يعينك
.
عند اماني واشواق ؛
اماني وهي تفكر في عبدالعزيز من يوم راحت
اشواق : فدوى زوجة متعب تجنن واسلوبها يجنن كل شي فيها حلو ، ولا بناتها يوه يابناتها ماشاءالله كل واحده تقول الزين عندي
لفت على اماني وهي تشوفها سرحانه : اماني عساك بالردى يرداك
اماني : خير؟
اشواق : صار لي ساعه اتكلم ماتسمعين؟
اماني : الا الا بس مصدعه بروح ارقد
اشواق : يوه ممداني احش طيب؟
اماني : ماهو لازم
.
عند سعود ؛
سعود : مها
مها : هاه
سعود : تعالي بقولك شي
مها قربت منه : وش؟
سعود : افكر اتزوج ، شرايك؟
مها بضحكه : وانت مين بيقبل فيك اصلا؟
سعود بصدمه : ذا ردك؟
مها : اي طبعا ادري ان مافيك قوه وتسويها
سعود فقد اعصابه وضربها كف : بشوف اخرتها يامها
وطلع
مها وقفت مصدومه اول مره يمد ايده عليها وهي دايما تتكلم عليه وتستفزه ويصبر شمعنى ذا المره !
.
عند حور :
توترت وهي تشوفه فتح رسالتها ولا رد راحت لقروب البنات : بنات صاحين؟
ملاك : ايوا وشبك؟
الماس : هلا؟
حور : فهد فتح رسالتي ولا رد !
ملاك : اكيد مشغول
الماس : عادي خليك عاقله لا يقول مشفوحه تنتظر دري
ملاك : يسعدلي تفكيرك يشيخه بس ههههههههههههههه
حور : طيب
.
عند بطلتنا ساره ؛
ساره وهي ترسل لرشا : تخيلي شفته اليوم
رشا : وين؟
ساره : يوم جاب امه شفته نزل سلم على جدي
رشا : مبققه عيونك عليه؟
ساره : جدًا هههههههههههههههههههه
رشا : الله يرزقك بعقل ولا مين يحب فيصل الطعس؟
ساره : حدك اقول فيصل اجمل ماخلق الله
رشا : يع يع والله لو مايبقى الا هو
ساره : هو في عيوني ملاك انتي شدخلك؟
رشا : ملاك ولا معالي ههههههههههههههههه
ساره : تكفين ارقدي
رشا : طيب مافيه تصبحين على خير؟
ساره : قلبي مايطاوعني اردك ، تصبحين على خير
رشا : وانتي مع اهله
طلعت ساره من المحادثه وهي تتصل على رقم تحبه جدًا ثواني وجاها الرد : هلا و غلا و صحن حلا يلي حبك بقلبي امتلا ياسيد الملا
ساره بضحكه : هلا بك !
فيصل : شالاخبار؟
ساره : على مايسرك
فيصل : مايسرني الا قربك !
ساره بابتسامه : قريب ان شاءالله
قفلت بدون ماتسمع رده كالعاده وراحت تنام
