بيت احمد ؛
اثير : يبه ساره ماتبغى خالد
احمد : وليش؟
اثير : تبغى تكمل دراستها اذا بيصبر لبعد سنتين لين تتخرج بتفكر
احمد : وش فيها طيب تدرس وتتزوج عادي؟
اثير : ماتبغى تلهى بشي وتهمل شي
احمد : وهي ماعندها لسان؟
اثير بارتباك : الا بس تخاف تزعلون عليها
احمد : اجل تجبر نفسها عشاننا؟
ساره : ايه يبه ماابغاه ولا ودي اضيقكم ولا ودي اجبر نفسي واعيش حياه ماهي برضاي
احمد : طيب وش السبب؟
ساره بارتباك : دراستي
احمد عقد حواجبه : وش دخلها ببعض؟
اثير : قصدها ماتقدر على الحياه الزوجيه والدراسه مع بعض وتعرفها هي دراستها فوق كل شي
احمد : اها ، طيب بكلمهم اذا بينتظرون لين تتخرجين يكون احسن واذا مستعجلين الله يوفقه يدور غيرك
ارتاحت ساره وهي تتذكر كلام جدتها ( خالد مستعجل بياخذ زوجته ويرجع بريطانيا )
.
بيت ابو سيف ؛
عهود : ابو سيف بكلمك بموضوع تعال
قام ابو سيف : خير اللهم اجعله خير؟
عهود : اختي العنود خطبت رشا لولدها فيصل
ابو سيف : فيصل والنعم فيه رجالٍ كفو وقد المسؤولية بس ..
عهود : بس وش؟
ابو سيف : ماودي ازوج رشا قبل عهد
عهود بعصبيه : توقف نصيبها عشان اختها !
ابو سيف بهدوء : وليش ماطلبوا عهد؟ ليش رشا؟
عهود : لا بالله؟ افلح اسألهم ليه طلبتوا رشا وخليتوا عهد؟ اعرض بنتي على الناس؟
ابو سيف : بسأل رشا واشوف وش رايها
.
عند احمد ؛
دق على اخته العنود
احمد : سلام عليكم
العنود : هلا ، وعليكم السلام
احمد : كيفك وانا اخوك؟ وكيف عوالك؟
العنود : بخير ماعلينا خلاف ، كيفكم انتوا؟
احمد : في احسن حال نحمدالله
العنود بهدوء : وش راي ساره؟
احمد بهدوء مماثل : خويلد ونعم فيه بس البنت حاليا ماتبغى الزواج ، اذا بتنتظرون لين تتخرج يصير خير !
العنود : اجل الله يستر عليكم ولا لنا نصيب عندكم
احمد : فمان الله
العنود : بحفظه !
.
عند فيصل ؛
دخلت العنود : فيصل
فيصل : هلا؟
العنود : ماعاد هي لاخوك
فيصل نط بفرحه : كيف؟
العنود بابتسامه : رفضته ، عشانك !
قرب منها فيصل وهو يضمها ونسي كل العتاب والزعل الي بقلبه عليها : الحمدلله الحمدلله
ضحكت العنود وهي تطلع
نط وهو يرسل لصالح :
الي جرحنا بـ الغـياب
اذا رجع .. نستقبله او نردّه ؟
صالح رد :
الي نسى قدر المحبه نسيناه
والله يسامحنا ويخلف تعبنا
حبه ذنب ومن الذنب تبنا !
فيصل :
مــا بين متردد .. ومــا بين مـرتـاب
ما عدت أعيش من الشعور الرحابـه
ما والله أنسى والهوى ما بعد .. تـاب
صالح :
الله يبيـح الي يقولون :( وإن غاب ؟
تنسى طـاريّه لـيـا أقفت .. ركـابه )
فيصل : الهرج متراكم ياصويلح
صالح : انتظر هرجك ياالعضيد !
.
عند ابو سيف ؛
ابو سيف : رشا يبه تعالي
رشا عرفت انه بيكلمها بموضوع فيصل : جايه
دخلت رشا ورا ابوها : هلا يبه؟
ابو سيف : اسمعيني يابنيتي ، فيصل خاطبك وانا ماني براده والله انه كفو ونعم وينشد فيه الظهر بس ماودي ازوجك قبل عهد وش قولك؟
رشا : اولًا انا الآن ماافكر بالزواج ابدًا ، ثانيًا وانت صادق يبه وانا ماودي اتزوج قبل عهد ، فانا ماني موافقه
ابو سيف : طيب بكلمه
رشا : تمام !
