صباح يوم متوتر ؛
(زواج خالد & فريده)
.
بيت العنود ؛
حور : وبعدين يعني؟ عريس ومنفس لا يرد علينا ولا هو معامل نفسه على انه عريس !
العنود : وبعدين مع لسانك ذا ؟
حور : يمه بالله ذا وضع؟
العنود : بيزين الوضع لا قصيت لسانك
حور : بدينا يعني بدينا؟
فيصل دخل : يالله صباح خير ، وش عندها ام العريس منفسه؟
حور : لك الله
العنود : ماني ناقصاكم والله
فيصل : كالعاده مافيه شي جديد ، الا وين العريس؟
حور : راقد ولا قام ولا دور ولا كن اليوم عرسه
فيصل باستغراب : غريبه؟
العنود : لا غريبه ولا شي عادي خلوه يرتاح
فيصل : ماقلنا شي ، بس لازم يقوم اذا ماوده يتزوج من البدايه ليش يظلم بنت الناس؟
العنود بعصبيه : والله والله يافيصل ان قلت ذا الكلام قدام اخوك لتندم تسمعني !
على دخول خالد
خالد باستهزاء : وش بتسوين؟ بتزوجينه غصب مثلًا؟
العنود ببرود عكس مافي داخلها : يمكن
فيصل : صارت عاده عندك يعني؟
سكتت العنود وطلعوا فيصل وخالد
.
بيت الجد عبدالله ؛
دخل عبدالرحمن بصوت عالي : عزوز وينك
عبدالعزيز وهو ينزل الجوال من اذنه : وش تبغى ؟
عبدالرحمن بضحكه : عقرك الحُب (ذبحك الحب)
عبدالعزيز : انقلع بلحقك
عبدالرحمن وهو ينادي سيف : سيوفي تعال ياحبي
سيف باستغراب : وش؟
عبدالرحمن اشر له على عبدالعزيز وغمز
عبدالرحمن بضحكه : سيوفي حبيبي لو انت عندي اليوم وش كنت بتسوي لي فطور؟
سيف وهو يتصنع : ابد حبيبي بس بقعد اشمشم فيك لين تعاف (ابوسك😭)
عبدالعزيز بفشله : اكلمك بعدين
سيف : ذا في البدايات صار له شهرين؟
عبدالعزيز : قول ماشاءالله لا تصكنا عين
سيف : يع
دق جوال عبدالرحمن : البيت البيت
سيف وهو يتكي على كتف عبدالرحمن : الله يرزقني مارزقكم
الجده سعاد : ووتين ماهي شابعتك؟
سيف وهو فهمها غلط لف عليها بصدمه : فجرتيها ياام احمد فجرتيها تكفين
عبدالعزيز بضحك : نيتها صافيه بس انت الله اعلم بنيتك
سيف : بحسب بعد
الجده سعاد : وش تقول انت
سيف بخرشه : ولا شي ولا شي
عبدالعزيز بغمزه : يقصد اشياء مالك بها يمه
سيف : الله لا يربحك ياعزوز
الجده سعاد : ياروحي على وتين مابتلقى خير
سيف بفشله : والله ياجده ان ولدك كذاب
الجده سعاد : ايه ايه الله يخلف علي بس ، اخرجوا
.
بيت سعود ؛
ناديه كانت تتجهز للزواج دخلت مها : وبعدين معك؟ طفي ذا الزفت ( الاستشوار) اشغلتينا
ناديه تنهدت وهي بدا ينفذ صبرها وحركات مها ماتخلص : يارب صبرك ، مها ماتملين؟ عمرك قرب الخمسين وذي حركاتك؟
مها شهقت : انا قرب الخمسين يال**** ؟
ناديه بصدمه : الحمدلله ربي مارزقك بعيال ولا كيف بتربينهم والفاضك قذره كذا !
مها انتبهت لسعود اللي جاي : حرام عليك
دخل سعود معصب وهو ماسمع الا اخر كلام ناديه : وش ذا الكلام اللي سمعته !
مها بكت : سمعت وش تقول؟ دايما تقول انا اغلط عليها واليوم سمعت باذنك
لف سعود لناديه بعصبيه : وش تفسيرك؟
ناديه ببرود عكس مافي داخلها : ماتعودت افسر ، ودك تصدق صدق
سعود : معناه كلام مها صح؟
ناديه وهي تعطيه ظهرها وتشغل الاستشوار : كلامي واضح
سعود بعصبيه فصل الاستشوار ورماه على ناديه : ورب الكعبه لتندمين !
ناديه بضحكه مع ان الاستشوار احرقها : ناديه بنت عايض ماتندم ياسعود !
سعود بصراخ هزهم : مها انقلعي وقفل الباب وراك
مها بفرح مُتلط بخوف : سم
طلعت مها ولف سعود على ناديه : ماتوقعتها منك
ناديه : وانا ماتوقعت تصدق فيني !
سعود مسك معصمها بقوه اردف بحده : اكذب اذني واصدقك مثلًا؟
ناديه بحده مماثله : زي ماكذبت الكل وصدقت انك تزوجتني تبغاني زوجه وحبيبه ماهو عشان العيال بس !
سعود بابتسامه تخفي عصبيته : اجل علمٍ يوصلك ويتعداك لو ابغاك زوجه وحبيبه على قولتك تزوجتك اول مانويت اتزوج ، ولا بالعقل كنت ادري انك تحبيني اكثر من كل شي وتركتك وتزوجت واضحه لاني ماابغاك وتزوجتك الحين عشان العيال لا اقل ولا اكثر مفهوم !
ناديه ببرود : ووش اخرتها؟
سعود ببرود مُماثل : تجيبين لي عيال وترجعين عند اخوك
ناديه بضحكه : تحسبها تنتهي كذا؟
سعود : ايه
ناديه : تخسي ، توقعتك رجال توقعت اني حبيت رجال بس للاسف مافيك من الرجوله شي وطلعت رخمه كلمه توديك وكلمه تجيبك !
سعود ثار غضبه وضربها كف
ناديه : هذا اللي ربي قدرك عليه؟
سعود مسكها بشعرها : تبغين زياده؟
ناديه بابتسامه : تحسبها بتوقف على كذا؟ تحسب ماوري رجال يكسرون خشمك؟
سعود وهو يشد من مسكته على شعرها : نشوف ياحبي
دفها وطلع لمها
