صالح ؛
ماقدر ينام دق على فيصل اربع مرات جواله مقفل !
طلع يدور فيصل راح لمكان جلستهم وشاف فيصل جالس
صالح : وينك خوفتني !
فيصل رفع عينه في صالح ورجعها للارض وهذي عادته من ثلاث شهور وهو نادرًا مايسولف وبس يهوجس
تقدم صالح وهو يجلس جنبه : وش في قلبك اليوم؟
فيصل : فراغ
صالح تنهد : خلاص يافيصل ماشبعت حزن؟ لمتى بيدوم حزنك؟
فيصل بهدوء : لين ترجع لي
صالح بعصبيه : كل ذا عشانها وهي مااهتمت !
فيصل بعصبيه مُماثله : وش دراك انها م اهتمت؟
صالح : واضحه ترا بس انت حمار
ساد الصمت لدقايق
قطع صالح الصمت : خيرك الله بيني وبين حالتك ذي يااما تختار خويك واخوك ولا تختار حزنك وضيقتك
قام صالح وترك فيصل بحيرته
فتح جواله ودخل على حساب ساره وذي عادته كل يوم من ثلاث شهور بس المره ذي غير !
تشجع فيصل وهو يرسل لها رساله " ماهزك الشوق ولا ماجذبك الحنين ؟ انا ترا مابقى بي حيل وانا انتظرك مشتاق لك والشُوق سوا بيّ هُوايل متى بتحسين؟ "
.
ناديه وسعود ؛
ناديه بحده : مسرع نسيت !
تنهد سعود : اسف والله ماكنت ادري
ناديه : وين اصرف اسفك ذا؟ كلامك كان مثل السكاكين بقلبي جرحتني اكثر من مره وانا اسكت لمتى ياسعود لمتى؟
قاطعها سعود وهو يحضنها
استكنت ناديه بحظنه وهي ماتنكر انها تعشقه وتعشق حظنه وريحة عطره وكل تفاصيله
بعد دقايق دفته وهي تردف بحده : وش جابك؟
سعود : بفهمك كل شي وبعدين احكمي
ناديه وهي تتكتف : اسمعك قول
سعود وهو ينتبه لعساف اللي طلع : احس هنا ماهو لايق ولا؟
ناديه : عشان ارجع معك؟ انسى
سعود : خلاص جيبي عبايتك وتعالي
ناديه باستغراب : وين؟
سعود بابتسامه : بعدين بتعرفين
ناديه : طيب ولا تحسبني نسيت ! امشيها بمزاجي بس
سعود : يالبى المزاج وصاحبة المزاج بس
شمقت فيه ناديه ودخلت
سعود ماقدر يمسك ضحكته وضحك
عساف : مريض ي الطيب؟
سعود : مامرضني غير حب عمتك والله
عساف : ايه نسيت ، تضربها ليه؟ حتى ولو الحق عليها لا تمد ايدك
سعود باستغراب : الحق عليها؟
عساف : ايه هي تقول انت ضاربها عشانها قايله م انت برجال قلت لها اكيد م بتقولينها بدون سبب قالت لأنك رايح لزوجتك هذيك
سعود داخليًا : الله ياناديه مدري كيف اجازيك على عمايلك دايما تحطين الحق عليك عشان تطلعيني منها وين بلاقي مثلك وين؟
عساف وهو يلوح بيده : لا واضح غرقان تهوجس فيها وهي توها واقفه معك !
سعود : ادخل جيبها طيب
جت ناديه : مايحتاج ، جيت
عساف : احلى من يجي في ذمتي
سعود : اقول لا تحتك
عساف : دزوا تأخرت
طلع عساف
تقدم سعود وهو يمسك ايد ناديه : تعالي معي
وقفت ناديه وهي تلف وجهه ليتها : اليوم ياسعود اليوم نحط حد لذا الحياه وذا العيشه يانصمل سوا لآخر العمر او نفترق وننسى بعض !
سعود تقدم وهو يمسك ايدها : افضل الاختيار الاول
ناديه : وين بتوديني طيب؟
سعود : بعدين بتعرفين
.
الجده سعاد ؛
الجده سعاد وهي تلف طرحتها على راسها وتشدها : ياراسك ياسعاد
عبدالعزيز : هذا في زواج حفيدك بس اجل في زواجي كيف؟
الجد عبدالله : تحبي على ركبها
عبدالعزيز بضحكه : بشيلك فوق ظهري ماعليك
الجده سعاد : الله اكبر كانك باقي بتدور لي لا شفت اماني
عبدالعزيز : اسحب عليها واجيك حافي لو ودك
الجده سعاد : الله ياهب (يحط) سعه عن جيتك بس
عبدالعزيز : افا اجيك واجيب اماني معي
عبدالرحمن وهو داخل : ونطلع جدتي وجدي من غرفتهم وترقدون بدالهم؟
عبدالعزيز : يليل شرف النشبه
تقدم عبدالرحمن وهو يحضنه : روقنا
عبدالعزيز بضحكه : الله يشغلك في نفسك
