عند فيصل ؛
دخل فيصل وهو يشوف امه جالسه : يمه
العنود بهدوء : هلا؟
فيصل بهدوء مماثل : اخطبي لي رشا بنت خالتي عهود
العنود بصدمه : من جدك انت؟
فيصل وهو يطلع : ايه
فكرت العنود انها تخطب له رشا لعل وعسى ينسى ساره
.
عند خالد ؛
دخل البيت وهو يشوف فيصل يطلع : في ..
سكت وهو يشوف فيصل يدف كتفه ويطلع
دخل عند امه : وش فيه ولدك؟
العنود بارتباك : تعال ابغاك في موضوع
خالد : اذا موضوع الزواج قفليه
العنود : الموضوع مايتأجل
جلس خالد
العنود : خطبت لك ساره بنت خالك والظاهر انهم موافقين
خالد بذهول : تمزحين يمه؟
العنود : لا ، خطبتها وانا متأكده مابلاقي لك خير منها
خالد بضحك : ماشاءالله تخططين وتخطبين وانا اخر من يعلم؟
العنود : اذا ماتممت الموضوع انا متبريه منك ليوم الدين ياخالد !
خالد : لا والله الا استخفيتي
طلع وهو يدعي من كل قلبه ان ساره ترفض
.
بيت سعد ؛
دخلت اماني عند ابوها وجدها : سلام عليكم
رحبوا فيها وجلست
الجد احمد : هاه يابنتي موافقه على عبدالعزيز؟
اماني بخجل : ايه
الجد احمد بابتسامه : الله يوفقك ويسعدك
سعد : الله يتمم لك على خير يابوك
اماني ضحكت وهي تطلع
.
عند سعود ؛
جاه خبر موافقة ناديه عليه مايدري ليه حس بفرح وهو كان رافض فكرة الزواج اصلا !
دخل البيت وهو يتوجه لغرفته ومطنش مها
مها : سعود خلاص انا آسفه
سعود بنبرة فرح : خطبت
مها بغصه : مين
سعود : ناديه اخت متعب
مها بصراخ : مالقيت الا هي !
تقدم سعود وهو يمسك فكها : ايه ، عندك اعتراض؟
دفها وهو الفتره ذي كارهها وكاره وجودها
سعود : نسيت اقولك ، ملكتي بعد اسبوعين
مها : اوف كنك مبطي
سعود : لازم وقت للحُب تخلص امورها
صدت مها وهي تدعي عليه وعلى امه وابوه .
.
بيت سعد ؛
اعتلت نبرة سعد وهو يكلم اجتمعوا حوله
سعد : ايش؟
المتصل : فهد بن سعد آل فايد ومهند بن ساعد آل فايد صار عليهم حادث
سعد بصراخ : في اي مستشفى؟
المتصل : مستشفى ....
الجده شريفه : وش صاير؟
سعد : ولدي ولدي صار علاهو حادث
صرخت الجازي والباقي مصدومين
طلعوا سعد والجد احمد ودقوا على سالم ولحقهم للمستشفى .
.
عند العنود وعهود :
العنود : ودنا بالقرب منكم يااختي واني ابغى رشا لفيصل
عهود : وكيف ازوج بنتي لواحد ادري انه مايحبها؟
العنود : بيحبها مع الوقت
عهود : أسألك بالله فيصل طلبك ولا زي خالد مايدري؟
العنود : والله الي خلقني وخلقك انه طلب فيصل
تنهدت عهود : بكلم ابو سيف ويصير خير
.
بيت احمد ؛
الجده سعاد : عاد عزوز خطب اماني وتوهم اعطونا الموافقه وسعود بعد وافقت ناديه وعقبال سوير وخالد ورشا وفيصل ان شاءالله لاحقين
غاده : فيصل خطب رشا؟
سعاد : ايه توها كلمتني عهود تقول العنود خطبت بنتها رشا لولدها فيصل والله يكتب الي فيه الخير
نوره : هي وافقه رشا؟
سعاد : اكيد بتوافق ولا ماوافقت بكسر راسها ولا مين يرفض فيصل؟
قامت ساره وهي تحس الدنيا تسكرت في وجهها كيف لا تتسكر؟ وحبيبها بيتزوج صديقة عمرها وبنت عمتها واقرب الناس لها واكثر من اختها !
