عند ساره ؛
طلعت غرفتها وهي ترسل له : ليه ماقلت لي كان جهزت ردة الفعل على الاقل؟
فيصل : اقول لك وش؟
ساره : قول قسم؟
فيصل : قسم بالله مدري وش تقولين !
ساره : ابوي يقول لي عمتك العنود خطبتك لولدها
فيصل : ولدها مين !
ساره : ماهو انت؟
فيصل مارد وهو يحس بصدمه اخوه خطب حبيبته وروحه وكل شي بالنسبه له !
توجه للبيت بسرعه وهو يدخل : يمه
العنود : هلا؟
فيصل بغصه : ليه يمه؟ ليه؟
العنود باستغراب : شفيك؟
فيصل : خطبتيها لخالد؟
العنود : خطبت ساره لخالد
فيصل : ليه ليه؟ وانا يمه وانا؟ انا الي حبها طول السنين انا الي كنت اموت عشان المحها انا الي بنيت احلامي ومستقبلي كلها معها انا الي لا مرني طيفها ابتسم انا ..
قاطعته العنود بكف : وتفتخر بسواد وجهك ياالردي؟ والله لو يدري خالك ليدفنك حي !
فيصل : بتزرعين الفتنه بين ولادك ياالعنود
العنود : اذا وافقت على اخوك انساها تسمع؟
فيصل : ماعاش من ينسيني غايتي ومناي ، طلع وهو ضايع ، متضايق ، دق على صالح يجيه
.
عند العنود ؛
خذاها التفكير لوقت طويل لفت وهي تبغى تشوف كم الساعه لقت جوال حور فتحته
انصدمت ! بنتها اخر العنقود الي تفضلها على عيالها تخون ثقتها فيها ! ومع مين؟ مع فهد !
حور قربت وهي تشوف ملامح الصدمه على وجه امها : يمه وش فيه؟
صُعقت بكف من امها وهي نادر تضربها : وش قصرت معك فيه؟ اعطيتك الحب والحنان ليش تروحين تدورينه عند الغريب؟ وش يضمن لك بكره مايهددك برسالتك؟ وش يضمن لك بكره مايقول بنت العنود كانت تكلمني !! مافكرتي في امك؟ امك الي انحرمت من شبابها وهي تخاف عليكم وتحرص انها تعطيكم الحب والحنان؟ مافكرتي في اخوانك؟ وش بيقولون الناس عنهم؟
حور وعيونها امتلت دموع : وش؟
العنود وهي تمسك شعرها وتقربها من الجوال : انا الي المفروض اسأل ذيه وش ماهو انتي
بكت حور وهي تشوف رساله من فهد " احبك طيب " : يمه والله ..
سكتت وهي تشوف امها تبكي : ماعرفت اربي والله ماعرفت اربي انا الي كنت رافعه راسي فيكم ومفتخره اخرتها كذا؟ مااقول الا حسبي الله عليكم من عيال
راحت وخلت حور تبكي بندم وتلعن فهد واليوم الي عرفته فيه
عند ساره ؛
وهي تكلم رشا وتبكي : اخوه اخوه خطبني !
رشا : اهدي اهدي
ساره : صعبه ارفضه وش اقول لابوي؟
رشا : كيف خالد خطبك وهو يدري ان اخوه يحبك !
ساره : ماعلمه فيصل ماعلمه
رشا : الا اكيد يدري الكل يدري ان فيصل يحبك وش معنى خالد مايدري؟
ساره : تتوقعين تخلى عني؟
رشا بهدوء : الظاهر كذا
قفلت ساره وهي تبكي معقول ! معقول فيصل حبيبها يتخلى عنها !
.
عند ناديه ؛
كلمتها فدوى عن خطبة سعود لها وقالت بتفكر
ناديه وهي تفكر : معقول بعد كل ذا السنين تجتمع هي وحُب طفولتها !
.
عند صالح وفيصل ؛
علمه فيصل بكل شي
صالح بذهول : بتتزوج اخوك !
فيصل بغصه : ايه
صالح : هي تحبك صح؟
فيصل : ايه
صالح : خلاص واضحه اجل مابتوافق
فيصل : قولك كذا؟
صالح : ايه ، تبغى تتأكد؟
فيصل : ايه والله
صالح : اذا عندك رقمها كلمها
فيصل : طيب
راح بعيد وهو يدخل على رقمها ويدق اندهش وهو يشوفها مبلكته ! طاح على ركبه وهو منهار
تقدم صالح : ولد وش قالت؟
فيصل : حرقت قلبي ياصالح حرقتني كلي ياخوي
صالح : موافقه على خالد !
فيصل : ايه وبلكتني تخلت عني بكل سهوله كني عله على قلبها وافتكت منها !
صالح : مالك الا تحرقها زي ماحرقتك
فيصل وهو يأشر على قلبه : مايطاوعني مايطاوعني
صالح : قم ورد لها الصاع صاعين ، ماهو فيصل الي يسكت عن حقه ، مشاعرك طول السنين ضربت بها اقرب جدار وهي توافق على اول الخطاب لا ومين؟ اخوك !
.
عند الماس ؛
وهي تكلم وسن : ماهي من عادة حور تختفي اكيد صار شي
وسن : وش بيصير يعني؟
الماس : مدري قلبي حاس ان فيه شي
وسن : مافيه شي بس اخوها جاء اليوم من بريطانيا اكيد بتقعد معه شتبي فيك؟
الماس : الله يستر !
.
بيت عهود ؛
معالي بطفش : يمه هيا نروح عند جدتي؟
ملاك : ايه يمه تكفين وكلمي العنود تجي
عهود : العنود اصغر عيالك؟ لا احترام ولا تقدير
ملاك : خلاص قصدي خالتي العنود
رشا : خالتي العنود الفتره ذي مدري كيف تفكر
عهود بحده : وش قصدك؟
رشا : كيف تخطب ساره لخالد والكل يدري ان فيصل يحبها؟
عهود بعصبيه وهي تقوم : مالك دخل ولادها وكيفها واياني واياك الخبر ذا يطلع مفهوم؟
قربت ملاك من رشا : اخبار ناريه وانا اخر من يعلم؟
معالي : اسدحي العلم بسرعه
دفتهم رشا وهي تطلع وشايله هم ساره
.
عند مهند وفهد ؛
مهند : اليوم جوي قفحيط وسرعه معي ياالخوي؟
فهد بحماس : ايه بالله معك معك
مهند : لبى الخوي
راحوا يفحطون وفجاه طلع في وجيههم سياره مسرعه و ..
خلصنا .
