بيت الجد احمد ؛
الكل متواجد والكل يشتغل ومتحمسين وفرحانين ومن ضمنهم عبدالعزيز عكس اماني الي تعيش اقصى مراحل التوتر !
عند البنات ؛
رشا وهي تغمز لاماني الي جالسه وبكامل اناقتها : اثاري صدفة المطبخ ولدت ذا كله؟
اماني بخجل : انقلعي
معالي : يوه ماعلمتوني وش سالفة المطبخ؟
رشا : ابد والله خالك الخفيف شاف اماني ووقع في الغرام
اماني : رشا تكفين
معالي : والله مالومه لو انا رجال تزوجت اماني
الجده سعاد بنقد : استغفرالله العظيم بس ، قومي اسألي اخوك المأذون جاء ولا باقي
سند بركض : جاء تجهزي يااماني
قاموا كلهم والبنات جالسين حول اماني .
.
عند الرجال ؛
دخل المأذون
المأذون : نبدأ؟
الجد عبدالله : بسم الله
المأذون : هت بطاقة العريس والشهود
تقدم عبدالعزيز وهو يعطيه بطاقته وتقدموا الشهود
( زايد ، عبدالرحمن ) واعطوه بطايقهم
المأذون وهو يلف على سعد : ردد معي ، إني استخرت الله العظيم وزوجتك موكلتي وابنتي اماني على كتاب الله وعلى سنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين .
سعد بفرحه : إني استخرت الله العظيم وزوجتك موكلتي وابنتي اماني على كتاب الله وعلى سنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين
المأذون لف لعبدالعزيز : ردد ياعريس ، إني استخرت الله العظيم وقبلت زواج موكلتك اماني على كتاب الله وسنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين
عبدالعزيز بارتباك : إني استخرت الله العظيم وقبلت زواج موكلتك اماني على كتاب الله وسنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين
بصموا وطلبوا بصمة العروس واخذها فهد بيوديها لاماني .
.
عند الحريم ؛
الجده شريفه للبنات : اطلعوا فهد بيدخل لاخته
طلعوا البنات
ملاك لحور : حبيبك جاء ، اعترفي فز قلبك؟
حور بعدم اهتمام : حبيب ايش؟
ملاك : الله نسينا فهد؟
حور بعصبيه : اسمه لا اسمعه مره ثانيه خلاص
ملاك باستغراب : والله ان معك علوم طلعيها بعدين
حور : قبل كل شي نتفق موضوع فهد يتقفل من اليوم !
ملاك : يوه غريبه وش جاك؟
حور : بعدين
.
عند فهد ؛
دخل عند اماني
فهد بابتسامه : تعالي بصمي ياعروسة قلبي
قربت اماني وبصمت
فهد : مبروك
اماني : الله يبارك فيك
فهد : من الحين احس بفقدك
اماني ببكيه : خلاص ببكي
فهد بضحكه : قدها نزلت
.
عند الرجال ؛
باركوا لعبدالعزيز ولسعد
عبدالعزيز بهمس لعبدالرحمن : متى بشوفها؟
عبدالرحمن بضحكه : اهجد لا يسمعك جدي بس
عبدالعزيز : خلاص صارت زوجتي عادي
سيف : الله يعينها يوم صارت زوجتك
عبدالرحمن : ايه والله صادق
قاطعهم الجد احمد : وانت ياسيف متى دورك؟ عبدالرحمن وعبدالعزيز تزوجوا باقي انت
عبدالرحمن : صح لازم الثلاثي يصيرون نفس الشي
سيف : ماودي بالهم والغم
الجد عبدالله : نفس كلام عبدالعزيز بس فتره وتقتنع لا سحبوا عليك
سيف : الله يكتب الي فيه الخير
قاطعهم الجد احمد : هيا عبدالعزيز ادخل عند عروستك
فز عبدالعزيز وكلهم ضحكوا
.
عند اماني وعبدالعزيز ؛
دخل عبدالعزيز : سلام عليكم
الكل رد السلام الا اماني من الخرشه
وقف جنب اماني وبهمس : مبروك لنا
اماني بخفوت : امين
عبدالعزيز بضحكه : امين على وش؟
اماني : مدري
عبدالعزيز : والله انك اجمل من شفت
بعد شوي حس بتوترها : مااكل ترا
اماني : دريت
عبدالعزيز : خايفه ليه؟
قاطعتهم الجده سعاد : طولتوا هيا لبسوا الدبل
قرب عبدالعزيز وهو يسمك يد اماني الي ترتجف بقوه
عبدالعزيز : الله معنا ومعك هدي
لبسها الدبله وجاء دورها ولبسته
الجازي : تعالوا نطلع نخليهم لحالهم شوي
طلعوا
عبدالعزيز وهو يلف لاماني : ايوه اخبار علوم
اماني ضحكت على اسلوبه : ذا اسلوب عريس مع العروس في اول حوار لهم؟
عبدالعزيز : تحمليني عاد انا اسلوبي زفت ولا اعرف امدح ولا اتغزل ولا شي
جلس يسولف عبدالعزيز واماني ترد مره وتسكت عشر
.
عند البنات ؛
ملاك ووسن سحبوا حور
ملاك : تكلمي
حور : عن وش؟
ملاك بعصبيه : وش عن وش؟ عن موضوع فهد
وسن : ليه وش صار؟
ملاك : الاخت كرهته وتقول لا نطريه عندها
وسن : غريبه؟
حور ببرود : الموضوع ومافيه اني عفته وكرهته حتى اسمه يجيب لي سوبه
ملاك : بدون سبب؟
حور : ايه
راحت حور
ملاك : والله ان معها شي
وسن : ماهي عاجبتني الايام ذي بس خليها لا تضغطين عليها اذا بغت تتكلم تتكلم واضح متضايقه خلقه
ملاك : طيب
.
عند الرجال ؛
الجد عبدالله : متى ودكم العرس؟
سعد : ماودنا نفوت ، شهرين ثلاثه كذا
الجد احمد : خلوه بعد العيد احسن
سعد : عاد بنشوف لعبدالعزيز وش يقرر
دخل عبدالعزيز
سيف : هذا هو جاء
عبدالعزيز : وش
الجد احمد : جيت والله جابك ياالنسيب
ابتسم عبدالعزيز لكلمة " النسيب " : وش
الجد عبدالله : متى ودك العرس؟
عبدالعزيز : باقي عندي اشغال بخلصها والبيت ماهو جاهز تقريبًا بعد سبع شهور
الجد احمد : اجل تمام بنشوف راي العروس ونرد لكم خبر .
.
" مر ست شهور "
( ساره وفيصل كل واحد يقول المكابر اهم ، سعود تزوج ناديه ومشغول بمشاكل مها الي ماتخلص ، عبدالعزيز واماني كل مالهم يحبون بعض اكثر ، سيف ملك على وتين ، حور وفهد انقطعوا عن بعض تمامًا ، خالد خطب فريده وحددوا الملكه مع الزواج بنفس اليوم بعد اسبوعين من الخطبه وفريده مستغربه من استعجال خالد بس عاذرته بحكم دراسته )
