البدوي العاشق

2

#البدوي العاشق (2)
#بقلمي :زينب أمير

تاني يوم قمت زي سبعه كده،، عملت روتيني اليومي، وطلعت ليهم بره كانو قاعدين في الحوش وقدامهم صينيه شاي اللبن، صبحت عليهم وقعدت،، كبيت لي كبايه ومنتظراها تبرد شويه،، ابوي مد لي صندوق بسكويت وقال لي هاك اشربي بيهو الشاي،، "عبدالله" وامي اسمها "إحسان"،، ياهو بعد شويه قام ع حيلو شغال محاسب في بنك،،،وامي طلعت معاهو للباب، بقيت بعاين ليهم،، كانت بتوصي فيهو ينتبه ل نفسو وم يتأخر بعدين،،دخلت وقفلت الباب وراها،، ابتسمت وقلت ليها ح امش اعمل لي حاجه سريعه افطر بيها عندي محاضره الساعه عشره،، قالت لي سمح شوفي التلاجه انا داخله جوه ،، لقيت لي بيض عملتو سندوتش وخليتو جاهز بالجنبه،اخدت شور ولبست لي عبايه طلعت بعد م ودعت امي،، وانا بصلح في الطرحه، اتصلت لي رغد بتسألني طلعت ولا لسه قلت ليها جايه عليك خلاص، وصلتها واتحركنا سوا ع المواصلات.. .

كنا قاعدين في الكافتريا حقت الجامعه، وجنبي فاطمه بنتونس، قالت لي "بحماس" م بتصدقي ي لجين فرحانه قدر شنو، خلاص العرس قرب بعده،، والعجب عائشه دي "اختها" كل يوم موصياني ع حاجه جديده شي كريم وشي طرحه،، رديت ليها ب "ابتسامه" مبروك والله عائشه تستاهل اي حاجه وربنا يتم ليها ع خير قالت لي ي رب،، غايتو هي متحمسه وفرحانه مع اني قلت ليها لسه شويه بعد تكبري حبه لكن مصره انها تتزوج، قلت ليها هي صحي اختك دي عمرها كم؟ قالت لي 17 ياداب امتحنت ولسه نتيجتها م طلعت، قلت ليها صغيره والله م ح تقرأ الجامعه يعني؟ ردت لي م عارفه والله لسه م اتناقشت معاها،، قالت لي البنات ديل اتأخروا مالهم كده؟ عاينت مكان البوفيه "المقصف" كانت رغد ومعاها رقيه صاحبتنا برضو،، قلت ليهاا الليله مالو زحمه قال؟ قالت لي في تقريبا زي برنامج حق تبرعات ل ناس الميتم وكده عاملنو ناس اداره قلت ليها آها حلو طيب ربنا يبارك فيهم ويسهلها عليهم،، قالت لي ي رب،، ناس رغد جو وقعدنا نتونس مع بعض، فاطمه قالت ي بنات الامتحانات تخلص ب جاي بسوقكن معاي ب جاي لازم تمشو تحضرو معاي العرس والا بزعل منكن المره دي وبقطعها معاكن عديلل ردت ليها رقيه قدام ي زولهه معاك طوالي حتى بدون م تقولي، نفسي اشوف اعراسكم دي كيف،، انا كنت ساكته وبعاين ل رغد، هزت لي اكتافها زي الما عارفه تقول شنو،، رقيه قالت لينا وانتوا كيف المشي معاكم؟ هنا فاطمه عاينت ل رغد وعاينت لي، طوالي رغد ردت ليها وقالت،، تمام ي بنات  طوالي معاكم،، كانوا بعاينوا لي منتظرين مني رد،، "ابتسمت بتوتر " وقلت خلاص تمام كده اتفقنا،، معاكم معاكم..

يتبع...