البدوي العاشق

25

#البدوي العاشق (٢٥)
#بقلمي: زينب امير
(الاخيييييييييره)

صوت ضحكات طفله صغيره . بتعاين يمين وشمال . وبترفع يديها ورجولها فوق  دليل ع انها مبسوطه . اتلعثمت في الحروف . با . بتشاغل ب يديها وبتجرو من شعرو . عاين ليها مسافه بتأمل في ملامحها زي كأنو اول مره يشوفها . بعد تعب ومحاولات من الصغيره عشان تنطق . اخيراً همست : بابا💗

على لسان الكاتبه :
م كل البدايات جميله والنهايات سعيده . بعد اجهاض اسلام المزيف . الخاله اماني في نفسها زعلت لكن راضت مرت ولدها واتمنت ربنا يجعلو ليها سلف ويبارك ليها من جديد .
الامور هدأت واستقرت عند ابطالنا ولسه مواصلين في رحله البحث عن العلاج . بعد فتره كم شهر . اسلام طلبت من عُمر الطلاق . الناس استغربت من طلبا . ومبررا كان انها م قادره تعيش معاهو لانو م شغال بيها ولا مهتم . وطبعا دي كلها خُطه من عُمر وزوجاتو الاتنين . فعلا اتطلقو وبعد تمت عدتها حسب اعتقاد اهلها . اتقدم ليها ود خالا . والاب طبعا م عندو حاجه اسمها مطلقه . خاصه وانو سنه م تمتا من اتزوجت . طوالي واقف ع ود الخال وبعد شهرين كان تم زواجهم .

#جانب عُمر :-
جيت داخل البيت ومن شافتني جاتني جاريه وهي بتبكي . وقفت وسألتها : بتبكي ليه ؟ في حاجه حصلت م كويسه . هزت راسها بالنفي ولسه دموعها جاريه . قربت اكتر وختيت يديني في اكتافها . وسألت تاني: مالك بتبكي طيب ؟ اتنهدت وبعد هدت شويه . قالت :
= وهي بتمسح في دموعا: عُمر . انا انا ( بقت تتمتم)
_باعصاب بايظه ومتوتره: انتي مالك ي لجين ؟ في حاجه حصلت ليك . حاسه ب حاجه انتي؟ (بعْد شويه بتأكد لو اتجرحت او حصل ليها شي .
= مشيت قبيل فحصتا لاني تعبت شويه وبعدها الدكتوره قالت لي انو .(قاطعا)
_تعبتي؟ واسي واقفه وكمان بتبكي. تعالي.( ساقا وقعدا في سرير الحوش)
= : انا م تعبانه . شوف . قامت من السرير وقومتو معاها . مسكت يدو وختتا في بطنها . ابتسمت: انا حامل .!

#الكاتبه بتواصل:-
في البيت الكبير اصوات الناس جايطه . صوت زغاريد مالي المكان .الباب الكبير مفتوح ضلفتين واهل البيت بستقبلو في الضيوف والاهل .
بعد مده من الزمن ولمن وقتو حان : واحد من الشباب مسك المسدس وفضى كل طِلقو في الهواء وبعدها اتعالت الاصوات ابشر ي عريس ابشر . انعقد حبال الوصل وتم عقد قرانهما .

جانب لينه:-
خالتي فاطمه جات داخله ومن الباب زغردت لي . حضنتني وقعدت تبكي . قلت ليها : حتى في يوم زي ده ح تبكي؟ معقوله ي خالتو ! مسحت دموعها ودموعي كمان ! وقالت : انتي زاتك قاعده تبكي! رديت ليها : انا مبسوطه عشان عقدو لي ودي دموع الفرح ساي . كتغيير للموضوع  قلت: وبعدين وينو راجلي م جا بارك لي؟
=جاها صوت من ورا الباب : جنبك . اصلا انا بقدر افوت واخليك وراي ؟!
_ابتسمت بخجل . الخاله فاطمه ضحكت . وفاتت.
=وقف قدامي وباسني في جبيني  : مبروك علينا . عارفاني بحبك صح ؟
_ عاينت ليهو في عيونو : صح . بحبك وح افضل اقولا ليك دائما . كرم انا بحبك شديدد.💗

امكن الحاجه الزعلتني في يوم زي ده انو امي وابوي م معاي . م عارفه افرح لانهم اهلي ولا ازعل عشان بسببي هم ماف .!

جيت بعد سنوات وبعد جيت واتولدت.
ماما لجين اثناء الولاده جاها نزيف . بس م هي براها الماتت . حتى ابوي في لحظتا مات معاها . كان عايش معانا جسد بدون روح . حمدت ربي انو ابوي ع الاقل عايش وموجود معاي . وكنت مبسوطه بيهو شديد . حتى خالتي فاطمه كانت بتحكي لي اني كل م اشوفو بلعب وبشاغب. ودي كانت حاجه نادرا طبعا الا معاهو هو البلعب.

ماف زول كان حاسس بشعور الوحده والفراق الخلفتو امي وراها اكتر منو هو . بعد تميت سنتين . كنت نايمه جنبو في السرير . صحيت وبقيت ابكي . حتى مع صوت بكاي وصريخي هو م قام . وبعدها عرفتا انو لحق امي.

عندي مذكرات ليهو كاتبا بخط يدو ليها . كل سطر وكل فراغ كان كاتب فيهو بحبك . كان كاتب في بدايه الدفتر بخط عريض : بحبك وح افضل اقولا ليك دائما 💗 . وفي نهايه الدفتر : حاسس اني ح الحقك ي لجين . انا تعبان شديد بدونك . مشيتي وين وخليتيني ؟ حاسس قلبي دقاتو ضعيفه (راسم ابتسامه) م تخافي لسه بحبك وضرباتو بتهتف باسمك.  حلمت بيك وانتي بتناديني للدرجه دي بتحبيني ؟
كاتب في نهايه السطر : بحبك.

من أجمل ما قيل عن الاشتياق :
" رأيته في المنام فتمنيت أن يحل بي ما حل باصحاب الكهف"🖤

مره من المرات ع لسان ابطالنا :
=عايز افهم انا مالك انتي؟
_م عارف يعني؟!
=ح اعرف بدون م تتكلمي؟
_مش قلت حافظني؟يلا اعرف براك!
=ضحك…غيرانه ؟
_ابدا .. من منو اغار! منها ؟ اصلا م فاضيه ليها انا ..
=اسمعيني 
_ها
=بحبك طيب
_ابتسمت .. وهي ؟
=ضحك..هي منو؟
_صرت وشها .. عارف انت!
=دي نفسيات حمل صح ؟
_صح
=حضنا.. مرتي المنفسنه!💗

قصه حب عظيمه نشأت بين لجين وعُمر وانتهت ب بتهم لينه . قصصهم وذكرياتهم . كلامو وافعالو . غيرتا وحبها ليهو. بتأكد لي لسه انو الحب عايش جوانا بس محتاجين الشخص المناسب . عُمر كان حبيب زوج . كان بدوي عاشق💗

النهايههه…