البدوي العاشق

24

#البدوي العاشق(٢٤)
#بقلمي : زينب امير

مشيت فتحت . لقيتا العروس زاتا بتقول لي:عايزه مفتاح الغرفه التانيه . اخدت لي وقفه كده عشان استوعب كلاما : عفوا ياتو مفتاح قصدك ؟ اشرت ع الغرفه الجنبنا: ديك! . عُمر جا داخل وقال ليها لسه م دخلتي. عاين لي وقال : جيبي المفتاح ي لجين، اتناولتو من ضلفه الدولاب واديتو ليها .شالتو مني فتحو الغرفه ودخلو .
براك العملتي في نفسك امسحي دموعك دي واستحملي . ح تشوفي كتير ي لجين . دي ياداب البدايه . قلت الكلام ده ل نفسي ودخلت وقفلت وراي الباب.

_جانب عُمر :-
بعد دخلنا اسلام قالت لي : بالمناسبه شنطتي في بيتكم بهناك . ممكن تجيبا لي ؟ بعد جبتها وجيت . قلت ليها : لو حابه تقعدي في الغرفه دي ع راحتك . ولا دايره تقعدي مع ناس امي م عندي مشكله. قالت لي اي ح امش ليهم . (ابتسمت) م شفتا ملامح مرتك ساعه قلت ليها عايزه المفتاح والله حسيت بيها شويه وتكفتني اخير لي ابقى بعيده . المهم زح لي دايره اخت الشنطه . طلعت ليها لبِس ومرقت بيهو .
لمن جات ١٠ . جيت رقدتا في السرير وبالي بعيد . جات داخله ومدت لي كبايه اللبن . شلتها وختيتا في التربيزه الجنبي.  طلعت ليها علبه وقعدت تتمسح . بعد انتهت جات رقدت في السرير وادتني ضهرا . بدون م تعاين لي قالت لي لو عايز تمشي ليها امش ساي . انا عايزه انوم تصبح ع خير .انت وطالع اقفل معاك اللمبه.

عديت نص ساعه لمن حسيتا نامت لمن شخرت ! قمت براحه قفلت اللمبه وداير اطلع كده .جاني صوتا بتقول : سلِم لي عليها . قامت قعدت ع حيلا وواصلت : هيي امشي ساي بهظر معاك وقعدت تضحك . قفلت الباب وم رديت عليها .
اها لقيت لجين زاتا قافله الباب دي مشكله شنو يجماعه !
بعد كم ضربه حتى فتحتو . عاينت لي مسافه وقالت لي : عايز حاجه ؟ قلت ليها صاحيه انتي ! ردت لي بمساخه : زي م شايف ! المهم داير شنو انت؟ قلت ليها : انتي! سكتت وبقت تعاين لي . واصلتا: عايز انوم ممكن ادخل ؟ وقفت لي بالجنبه . قمت دخلت ومشيت ع الدولاب طوالي . شلت غيار دخلت الحمام وخليتا واقفه في مكانا .

-جانبي:-
حاولت انوم م جاني نوم بقيت صاحيه واتقلب . لمن سمعت صوت الباب . نهائ م اتخيلتو يكون هو . بعد مشى الحمام . بقيت قاعده منتظراهو واهز في رجولي ساي . لمن حسيتو داير يطلع قمت ودخلت المطبخ . شربت مويه . وقعدت قبلي . لحقني وقف لي في الباب واتكل عليهو : م دايره تنومي انتي؟ الساعه ١١ . م قاعده تساهري للوكت ده !
اتخطيتو ومشيت قدامو . رقدت واتغطيت. طفى اللمبه وجا رقد جنبي . بعد مسافه قال لي : نومتي؟ م رديت .. قال لي : عارفه ! الايام الفاتت دي كانت اصعب ايام في حياتي . ح تشوفي الموضوع ساهل وتقولي لي . لو كان فعلا صعب م كان عملتو . بس صدقيني العملتو احسن بكتير من الكان ح يحصل . تتذكري لمن قلتي لي ح افضل كل يوم اقول ليك بحبك ؟ فاكره ليك كم م قلتيها ؟! لجين ! قرب اكتر . ختا يدو في خصري وهمس لي جنب اضاني : انا بحبك شديدد . بحبك لدرجه م ح تقدري تتخيليها . انا اشتقت ليك . اشتقت ليك شديدد💗.
هو سكت لكن دموعي انا منو البوقفا تاني؟! بعد مُده مديت يدي وختيتا فوق يدو . التفتا عليهو لقيتو نايم . رقدت وبقيت مُقابله ليهو عديل . عاينت ل ملامح وشو تفصيله تفصيله. طولت م شُفت الوش ده انا . قربت اكتر وطبعت ليهو قِبله وقلت : بحبك💗غمضت عيوني بارتياح ونمتاا ..