البدوي العاشق

15

#البدوي العاشق (15)
#بقلمي : زينب أمير

صباحيه اليوم التاني صحيت ع أصوات دقات ورا بعض وصوت من ورا الباب بنادي ب اسمي.. قمت ع حيلي ومشيت عليهو.. كان مقفول عادي لكن م بالمفتاح.. لقيتا إيلاف.. إيلاف دي عمرها تقريبا زي 16 17..صباح الخير.. رديت ليها وانا بزح ليها بالجنبه علشان تدخل : صباح النور اتفضلي.. قالت لي جيت اناديك بس للشاي.. كلنا قاعدين في الحوش التاني.. هزيت راسي بس .. وهي مشت فاتت.. ساعه عاينت للساعه لقيتا ماشه ل 8.. وبعد ده كلو لسه  نعسانه!.. رتبتا اموري سريع وطلعتا..

انا وماشه عليهم لمحتهم قاعدين تحت شجره في طرف الحوش.. كان في تلاته سراير وفي النص تربيزه فيها صينيه الشاي..
صبحت عليهم وانا بقعد جنب إيلاف زاتا..مد لي كبايه الشاي وهو مبتسم! قبلتا ع إيلاف اللي كانت خاته يدها في خشمها وبتحاول تكتم ضحكتا.. ابتسمتا ع ردت فعلها دي،، بقينا التلاته نوزع في الابتسامات ل بعض ساي!♡

مشيت بيتي ب هناك.. اخدت شور صليت الضهر.. لبست فستان  لونو بيجي تلتي ارباع ..طلعت لي توب نضيف من الدولاب ولبستو.. ومرقت ليهم ب هناك تاني.. البيت كان مليان خالاتهم وعماتهم وبناتهم.. جو زي 9 كده.. كنا لسه قاعدين نتونس ساعه وصلو .. عُمر سلم عليهم وطلع طوالي.. ومن وقتها م شوفتو تاني.. المهم لقيتهم خاتين صواني الشاي والقهوه.. زلابيه.. وحلاوه نعناع.. صحن كبير بسبوسه.. وريحه البخور فايحه في المكان.. ونستهم ظريفه شديد.. ناس بسيطين وروحهم حلوه.. طلعو مع أذان العصر... البنات قبلي م يمشو كان لملمو الحاجات ورتبو البيت..

قمت صليت وقعدت اتونس مع خالتي اماني.. تحكي لي عن اخواتا ساي.. مبسوطه بيهم جدا..

الاكل كان جاهز ف سخناهو وجهزنا الصينيه وعايزين نبدا ناكل ..جا داخل عُمر غسل يدو وجا قعد معانا.. بعدها إيلاف عملت شاي.. جابت صحن زلابيه وختتو قدامو.. شال منو قطعه وبقي يشرب..

المغرب لمن اذن طلع الجامع.. انا استأذنت منهم ومشيت حوشنا..

مرت اربعه يوم.. الشاي والفطور والغدا كلو ب هناك.. خالتي قالت الا أتم اسبوع علشان استلم مطبخي نظام عروسه لسه... عُمر بجي بعد العصر ومرات مع أذان المغرب..

مساء الأربعاء.. قفلنا لمبتنا وعايزين ننوم.. م كنت نعسانه لاني مسبقا كنت نايمه بالضهر معناها اكيد نووم بالليل ماف..نص ساعه كامله وانا بعاين بعيوني بس.. قبلت ع عُمر لقيتو نايم.. كان راقد ع ضهرو وخاتي يدو في جبينو.. عاينت ليهو مسافه.. بعدها شلت يدو وبتردد رقدتا فيها.. ختيت يدي في بطنو وغمضت عيوني سريع وقلبي بضرب!★

يوم الخميس بالليل الساعه كانت ماشه ل 9.. كنت قاعده في البيت التاني.. وتحديدا المطبخ.. كبيت لبن في كبايه وشلتو في صينيه صغيره.. قفلت باب حوشي الصغير.. وانا داخله ع الغرفه لمحتو تاكِل ضهرو في السرير وشغال ب تلفونو.. دخلت ولفيت قفلت وراي الباب.. رفع راسو وعاين باتجاهي.. كنت لسه واقفه في مكاني.. ماسكه الصينيه بيديني الاتنين.. وقف قدامي شالا مني وختاها في أقرب تربيزه.. رفع يدينو وبحركه بطيئه شديد نزل لي التوب من راسي.. بنبره صوت مهزوزه وصوت بالعافيه طالع.. قلت ليهو عايز حاجه؟! .. قرب شويه وهمس جنب اضاني..انتي..♡

# خاطره:
يحتضن يدي ب كلتا يداه وكأنه يخافُ ان تُسرقَ منه..يُقبلها مره ويلعبُ باناملها مره اخرى.. احتضنني كما تحتضن الام جنينها.. نظرت نحو نافذة غرفتي.. وكِدتُ اجزم ان تلك قطرات المطر.. بلا وكلا هي قطرات دمعي.. شددت ع قميصه عندما همس : أريدك وبشدة.. ♡

#يتبع...