البدوي العاشق

20

#البدوي العاشق (٢٠)
#بقلمي : زينب امير

مرت فتره طويله شديده . تقريبا فتره حقت اربعه خمسه شهور . في خلالها حصلت حاجات كتيره . بدايتا من ايلاف الامتحنت الشهاده قبلي شهرين تقريبا  وحاليا منتظره النتيجه . وجايز تكون بكره او بعدو . وفاطمه الاتخطبت💗 ومنو الخطبا ؟ احمد ! هو لسه م رجع لكن بعد يجي طوالي ح يحددو العرس حسب م فطوم قالت لي . واختها عائشه الجابت ولد وسمتو كرم عمرو شهر ونص 💗وموضوعي اا خلوهو ل بعدين .

زي الساعه عشره صباحا . جهزت لي كيكه وبسبوسة شلتهم ومشيت بهناك . خالتي عازمه نسوان زي قعده حقت قهوه وكده وياهم اهلهم زاتهم والجيران القُراب شويه .

وصلتهم ودخلت حاجاتي الجبتها المطبخ . لقيت ايلاف بتعمل في القهوه . قالت لي تخيلي ي لجين . بكره النتيجه . م قادره نهائي خايفه اجيب نسبه بسيطه وامي تزعل مني والعجب ُعمر . خايفه والله . ختيت يدي في كتفها وقلت ليها م تتوتري انتي عملتي العليك وم قصرتي خلي ع ربنا . هزت راسا ورجعت ع شغلتا.

بعد فطرنا ورفعنا الصينيه . الباب ضرب مشيت فتحتا،  لقيت مرتين سلمت عليهم وفضلتهم ل جوه .لحدي م شويه شويه بدو يجو كلهم .

قامت معاي ايلاف المطبخ جهزنا صواني الشاي والقهوه وكبابي العصير .مشت تطلعهم بره . جات داخله فطوم مبسوطه وتتكشم ساي. ضحكت وقلت ليها معناها كنتي بتتكلمي مع نسيبنا صح . ابتسمت وردت: صح .تتذكري ي لجين . لمن رقيه سألتنا عن الحُب والكراش ! صديقيني وقتها م كان عندي حبيب زي م قلت ليكم .حتى لو بتتذكري قلت بعد القى الزول المناسب و . سكتت بعد دخلت ايلاف ، شالت السرامس وطلعت . ابتسمت وقلت ليها والحمدلله لقيتيهو. مبسوطه انتي ي فاطمه ؟ قالت لي جدا ي لجين جدا .رديت : وده المطلوب . ارح بره طيب . خلي بعد يمشو وتاني نتم ونستنا.

الونسه كانت عامه . كانو بتكلمو عن نتيجه الشهاده والتصحيح وغيرو وغيرو .

مسافه كم شارع من شارعنا . في بيت وتحديدا في غرفه . نفس البتين حقين المره الفاتت قالت ليها :
= ابكي واتحسري وغني ظلموني (ضربتها في راسا خفيف)
_زادت في البكى: اسكتي مني خلاص .والله م مستحمله انا .
= زاتي قايمه . ابكي ساي !
طلعت من الغرفه لقت باب الشارع بضرب فتحتو لقتها امها . سألتها وين اختك ي بت . ردت ليها بتبكي كالعاده !
=قولي ليها البكى م بفيدك في حاجه قشقشي دميعاتك ساي م يجي ابوك داخل اسي اسمعك .
_كلمتها م بتسمع الكلام . انسينا منها . لقيتي القعده كيف؟
=م ياها القعده البنقعدا دائما .الا شايفه بت اماني قالو خايفه من النتيجه ومرت اخوها تهدي فيها ساي ، اسي اختك بتبكي عشان جنس ده ؟ وبعدين زاتو القرايه ليها شنو وداخله ع ال 20 ؟
_عارفاها انتي ي امي نفسها تقرا وتتعلم كيف ! والمشكله عارفه ابوي م ح يوافق . هدي اسي انا قداما حدي تامن . بكيت ولا عملت حركاتا دي.؟
=خليها عويره ساي دي . ابوك حالف الا يزوجا.اسي لو بتوافق ع ود اختي ده مالا ؟اكون مطمئنه عليكن الاتنين سوا.
_اجي ي امي توافق عليهو كيف سمعتي قال. دايرا ؟ ولا عشان انا شلت واحد هي تشيل اخوهو التاني .(ضحكت)
=ي بت قومي شوفي اختك . وخلي الكلام الكتير ! مشت وهي بتضحك !!

-جانب عُمر :
جيت داخل البيت قبلي المغرب ب شويه وشايف ايلاف قاعده وسرحانه . مشيت عليها وقلت :
اطمني . البجي كلو سمح . والنسبه البتجيبها ديك بدخلك بيها الجامعه م تاخدي هم انتي.  وروقي بس.ابتسمت لي وقامت ع حيلا . مسكتني من يدي وقالت :
=شكرا ي عُمر . وان شاء الله م اخذلكم . كنت متوتره قبيل ولجين طمنتني ووقفت معاي ولمن جا دوري م وقفت معاها وطلعت مننا زعلانه.
_الحصل شنو  ؟
=سمعت كلام كلو مره .
_امي وين طيب؟
=راقده في الصاله جوه .

اتحركت ومشيت ليها :
= ي امي انا م قلت الموضوع ده م عايزين نتكلم فيهو تاني . بعدين ديل منو الاتكلمو معاها ديل . الموضوع ده شخصي . وكلو بجي من ربنا .
_ ي ولدي . انت قايلني سكت ليهن؟ كلمتهن والله . لكن بسمعن كلامي هن.! .اتكلمت مع لجين كتير . الا انو لسه زعلانه . امشي ي عمر راضي مرتك وقول ليها امي بتقول ليك م تزعلي وم تشتغلي بيهن .امشي الله يرضى عليك .
= تمام ي امي .

دخلت الحوش شوفتها تفرش في سرايرو:
ناديتا كم مره بس م ردت علي . وقفت قداما ومسكتها من يدها ..

-عندي:-
بالي كان في نقطه معينه غرقانه فيها وشايله كل تفكيري . حتى عُمر لمن كان بنادي لي م كنت منتبه معاهو . لمن جا ووقف قدامي .م قدرت اتكلم . ف بس لفيت يديني حولين خصرو وحضنتو .

يتبع ..