الشيطان والأسد

الفصل الحادي والعشرون

في منزل يزن وهاجر،

سيلا من الخارج وهي تطبل وترقص على الباب: طياره طارت طارت شوفوا شوفوا يا سلام.

أسد بمكر وهو يهمس في أذنها: آه لو المافيا تيجي تشوف الشيطان وهو بيغني أغنيه من طيور بيبي.
ياسين بضحك: لا اتعود على كدا دي هتأسسلك قناه في البيت.
سيلا بتكبر: ولا يتهزلي شعره، أنا دلوقتي سيلا مش الشيطان.

فتح يزن الباب سيلا وهي تدفع يزن وتدخل وهي ممسكه بأسيل وأيسل: أي يا خويا نموسيتك كحلي فين حنفي.
يزن وهو يفرق عينه: حنفي قصدي هاجر جوا.

دخلت سيلا والبنات إلى هاجر التي كانت غارقه في نومها، نظرت سيلا إلى هاجر ثم نظرت إلى الطفلتين وابتسموا بخبث،

************
في الخارج،

أسد: عامل أي يا يزن.
يزن: الحمد لله يا كبير.
ياسين بضحك: سبناكوا أسبوع كامل مكمل أهو من غير ما نرزل.
يزن: كويس انكوا جيتوا أصلًا كنّا مسافرين بكرا.
ياسين: مسافرين فين.

وما أنهى حديثه حتى سمعوا صوت صريخ هاجر،
يزن بخضه وهو يجري إلى الغرفه وخلفه ياسين،
يزن: في اي مالك يا...
ولكنه وقف بصدمه،
ياسين بضحك: الـ23.
أسد من الخارج: في حاجه يا ياسين.
ياسين: لا يا غالي بس حابب أقولك ربنا يقويك على أيامك اللي جايا.

قفزت هاجر من فوق السرير قفزة ثلاثية الأبعاد فوق سيلا التي كانت تقف بكل براءه هي والأطفال وأخذت تشتمها.

يزن بصدمه: أي اللي حصل يا هاجر.
ياسين وهو يسحبه خارج الغرفة: لا متاخدش في بالك تعال هنا وسيبهم يتصافوا.
أسد: يزن في أي.
ياسين بضحك: اقلكوا أنا، سيلا من أيام الملجأ وهي لما تحب تعمل مقلب في هاجر بتحط تحتيها صاروخ ولما يطرشق هاجر تصحى مخضوته تلاقي الميه في وشها تيجي تتكلم تاخد بالدقيق فقيهم وبكدا تكون جاهزه على القلي.
يزن بضحك: دي بتخليها حنفي بجد.

في غرفة هاجر،
سيلا: خلاص بقى يا جوجو دا الـ23 بس.
هاجر: بت هعضك يا بت متنرفزنيش.
أسيل وأيسل ببراءة مصطنعه: والله يا خالتو احنا محترمين اختك هي اللي جرجرتنا.
سيلا بشهقه : أنا! طب تعالوا هنا.

نتركهم في جوهم المرح ونذهب إلى مقر الزعيم،
الزعيم: ها فهمتي؟
شاهي: بس أنا خايفه أسد مش غبي.
شهد: متخافيش هبقى معاكِ، حاولي انتِ بس تنفذي في أقرب وقت وتخلصيني من اللي اسمها سيلا دي.
شاهي:Okay. don't worry.
(حسنًا لا تقلق)
*****

سيلا وهي توّدع هاجر بعدما قضت معهم اليوم،
سيلا: بت يا هاجر، لو يزن زعلك رنه وهاجي انفخه.
يزن : يا ساتر يا رب.
أسد بضحك: آه خلي بالك دي تقطعك هنا.
يزن بحب: دي في عنيا من جوا.

سيلا:  أسد.
أسد: نعم.
سيلا: يلا علشان الدلع دا بيعملي حموضه.
أسد: يلا نروح لنسمة والواد آسر،
سيلا بفرحة طفله: يلا علشان أرخم عليهم.
ياسين: طب همشي أنا.
سيلا: ياسين ادي لماما وخالتي الدوا في ميعاده لو مجيتش متنساش.
ياسين: متخافيش يا قلبي.