سيلا وهي تحدث نفسها: مش عارفه لي خايفه افتحها، لو دي أسيل المفروض افرح لأنها كدا بعيده عن الزعيم ومعانا، دا غير إني حبيتها أنا وأسد،
فتحت سيلا الظرف ولكنها وقفت بصدمه وقالت في نفس وقت دخول أسد،
سيلا وأسد: أسيل!
سيلا: بتقول أي يا أسد.
أسد بفرحه: أسيل يا سيلا، دي أسيل.
سيلا: أيوا عرفت بس انت عرفت ازاي.
أسد وهو يبعد شعر الطفله،
أسد: من دي.
أسيل: أيوا، وهي بتاخد شاور بشوف العلامه دي.
أسد: أسيل، مولوده بالعلامه دي، حتى بصي (قال ذلك وهو يعطيها هاتفه): شوفي الفيديو دا.
سيلا باستغراب: دا الفيديو اللي المفروض دبحوها فيه.
أسد: اعملي زوم على رقبة أسيل.
فعلت سيلا زوم وجدت نفس العلامه،
أسد: صدقتي، بس انتِ لي قولتي أسيل وأنا داخل، وعرفتي منين إنها أسيل.
سيلا: من دا.
أسد: تحليل DNA!
سيلا: أيوا.
أسد: حللتيلي ازاي!
سيلا: هو دا اللي شاغل بالك؟
أسد: لأ بس انا فرحان.
سيلا بحنان وهي تأخذ منه الطفله: طلعتي أسيل يا صغنن، والله حتى لو ما كنتِ أسيل عمري ما كنت هسيبك.
أسد: بقولك أي سيبي بنتي.
سيلا: امشي ياض دي قعدت معايا أكتر منك.
أسد بحزن: بس هي لسه مش بتتكلم يا سيلا.
سيلا: صدقني هتتكلم دي فتره مؤقته.
أسد: طب هروح أنا أفرح اللي في البيت،
سيلا: لأ، متقولش لحد، خليها مفاجأه.
أسد: طب هاتي البت.
سيلا: انسى يا بابا، دي مش هتدخل البيت غير معايا.
أسد: طب أوريها لماما دي وحشاها.
سيلا: لأ بنتي هتدخل البيت معايا.
أسد وهو يتمتم وعلى وشك الخروج، أوقفه صوت سيلا،
سيلا: أسد.
أسد: ها يا أخرة صبري.
سيلا بتأكيد: متعرفش حد، أنا عايزه اعملها مفاجأة لماما فاطمة، وتبقى بدايتنا كلنا مع بعض.
أسد: عارف إن ورا كلامك هدف، فمش هخليكِ تقولي دلوقتي لاني متأكد إنك صح. (ثم غادر)
سيلا بحنان: دايمًا فاهمني يا أسدي.
ثم قبلت أسيل وعادت لتنهي عملها،
وبعد مرور بضع ساعات انهت سيلا عملها وعادت إلى منزلها...
********
آتى اليوم الموعود؛ يوم إكمال كل نص قلب بنصفه الآخر،
أسد: يزن ما ترن على يوسف يجي هنا معانا.
يزن: تمام.
مراد بشماته: والله يا أسد يا حبيبي انت صعبان عليا.
أسد وهو يرفع حاجبه: لي يا حبيب أخوك.
مراد: يعني هنتجوز كلنا وانت لأ.
أسد: ملكش فيه ياض.
يزن وهو ينهي محادثته: ماشي ي جو مستنينك ي برنس.
آثر: جاي؟
يزن بضحك: دا زمانه قرب، قالي إنه كان هيجي حتى لو مكلمتوش.
أسد بضحك: وماله، المشرحه لسه عايزه قُتله.
*******
هيا بنا؛ لنترك الشباب ونذهب إلى أميرات تلك الليله التي سيشهدها القدر ربما ليست لحفل الزفاف فقط!...
في غرفة سيلا،
سيلا وهي ممسكه بعصا طويله: خدي يا حنفي الكلب مش هسيبك،
هاجر ببكاء مصطنع: اعععععع، ارحمي أمي بقى وكفايه نصايح يا سيلا، ويلا علشان نلحق نروح البيوتي سنتر زمان نسمة ولارا خلّلوا من الإنتظار.
أنت تقرأ
الشيطان والأسد
Misterio / Suspensoالشيطان والأسد تعريف: وما كان قلبي إلا بصخرة، لتأتي انت من بين طلقات النيران، ومن بين الصعاب؛ لتخالف التوقعات؛ بفأس بطرز بعشقك، فتت الحجر إلى أشلاء صغيرة كل قطعة منها تحاول جاهدة؛ لوصف مقدار عشقك، واتفقوا جميعًا على أن الإبتسامة لم تعرف طريقها لشفت...
