مراد وهو يفتح الباب: عمي محمود أنا بحب لارا وعايز اتجوزها.
سكت الجميع بصدمه وأولهم لارا.
السيد محمود: بسم الله الرحمٰن الرحيم بيطلعوا امتى دول.
مراد: قولت أي يا عمي.
نظر السيد محمود لِـلارا وجدها مصدومه ولكن على وجهها علامات الخجل فنزل بنظره ليد مراد الممسكة بيد لارا بقوة وتملك فقال: مبارك يابني.
نسمة بفرحه: مبارك يا لورا، والله ووقعتي وانضميتي لينا.
يزن بضحك: دا يوم الجواز العالمي بقى، مبروك يا لورا، مبروك يا ميرو.
مراد ولارا: الله يبارك فيكوا.
أسد بضحك: كدا الشله كلها وقعت.
مراد: طب هروح أنا أكتب الكتاب.
ثم ذهب مسرعًا وهو يسحب لارا،
يزن: استنى يا ابن الهبله خدني معاك أنا وأبوها حتى.
مراد: اللي عايز يحضر يحصلني بقى.
ركبوا السياره وانطلقوا بها، وذهب أسد وآسر ويزن والسيد محمود بالسياره خلفهم.
لارا بضحك: بتعمل أي، احنا هنكتب الكتاب بجد.
مراد: أيوا، لارا أنا فعلًا بحبك.
لارا: امتى بس.
مراد: من وانتِ 16سنة.
لارا بصدمة: نعم!
مراد: أيوا متستغربيش، أنا بحبك من وانتِ ثانوي لما كنت باجي عندكوا البيت.
لارا بخجل: تمام.
مراد: يعني انتِ موافقه.
لارا بتوتر: أيوا، بصراحة..
أنا بحبك.
مراد بفرحه: يالا خلي أمك بقى توريني هتجوزك لمين وانتِ،
(ثم غمز) وانتِ حرم مراد.
لارا: أيوا صح ماما، ماما عيزاها تحضر يا مراد.
مراد: ماما أي بقى تبقى تحضر الفرح احنا بس هنكتب الكتاب زيهم، الفرح آخر الشهر معاهم.
لارا: عبيط.
مراد: بنت عيب.
وصلت شهد المستشفى واخذت تنظر حولها ببرود،
شهد: فين لارا ويزن ومحمود؟
سيلا ببرود: بيكتبوا الكتاب.
شهد بتعجب: كِتاب مين!
هاجر: مراد و لارا.
شهد: نعم!
ثم أخرجت هاتفها واخذت ترن عليهم جميعًا ولكن دون جدوىٰ كان ذلك في نفس الوقت الذي تفوه المأذون قائلًا: بارك الله لكما وبارك عليكما وجمع بينكما في خير.
مراد وهو يحتضن لارا ويقبل رأسها قال بهمس: أحلى حجّه اتجوزتك بيها.
يزن وهو يمسك مراد من ملابسه: ابعد عن اختي ياض.
ثم قالوا جميعًا وهم يحتضنوا مراد(أسد،آسر،يزن): مبارك يا مرمور.
مراد: الله يقرفكوا في دلعكوا.
لارا: طب والله حلو،
(ثم اكملت بخبث): يا مرمور.
مراد: منكوا لله.
لارا وهي تمسك هاتفها: يلا علشان ماما مبطلتش رن.
عادوا جميعًا إلى المستشفى،
شهد بعصبيه: انتوا ازاي تعملوا كدا، من غير رأي.
السيد محمود: مالك يا شهد، الولاد بيحبوا بعض.
شهد وهي تنظر لِـلارا فأكدت لها ذلك وكأنها تقول لها لن أسمح لكِ بِأذية إخواتي،
ذهبت شهد إلى لارا بعصبيه وهي تنوي ضربها بالكف كي تعود لوقارها، ولكنها وجدت من يقف أمام لارا.
مراد بحده وقوه: مراتي محدش هيقرب منها، ولا ليه علاقه بيها من دلوقتي يا حماتي.
شهد بعصيبه: ومالو انتِ كمان، بس والله يا لارا لأنفذ برضو.
يزن: في أي يا ماما!
محصلش حاجه هما عايزين بعض ومراد متربي معانا يعني من بيتنا.
تركتهم شهد وذهبت وهي تتوعد بداخلها لتلك العائلة...
مراد يحدث لارا: متخافيش يا حبيبتي.
لارا: ماما هتزعل مني يا مراد.
يزن: لا يا لورا ماما بتحبك هي بس زعلت إننا كتبنا كتابك من غير حضورها.
السيد محمود: مبارك ليكِ يا قلب بابا، وبعدين لو مكنتش متأكد إنك موافقه مكنتش وافقت.
دخلوا إلى غرفة سيلا فقالت: أسد أنا عايزه أروح.
أسد: ماشي يا قلبي.
هاجر: استنى يا أسد، هكتبلها أنا الخروج.
دخلت السيدة رحمة بضحك: يا بت أنا اللي بقيت بجيلك وانتِ تعبانه، مين هيعالج مين ويطمن عليه.
سيلا: بتتريقي عليا يا خالتي،شكرًا شكرًا.
السيدة رحمة: أبدًا والله، أنا...
السيدة هند بصدمه: رحمة.
السيدة رحمة وهي تنظر بجوارها: نعم.. هند!
سيلا: انتوا تعرفوا بعض ولا أي.
السيدة هند ببكاء وهي تحتضن السيدة رحمة: سيلا دي خالتك رحمه.
سيلا: خالتي!
السيدة رحمة: انتِ بنت هند يا سيلا، ازاي عمري ما خت بالي.
السيدة هند: وحشاني. وحشاني يا رحمه.
السيدة رحمة: انتِ أكتر يا قلب رحمه.
السيدة هند: سيلا بتعالجك من أي.
السيدة رحمة بحزن : عندي مشكلة في القلب، بس انتِ رجلك مالها.
السيدة هند: لا دي إصابه خفيفه، بالعلاج الطبيعي هرجع امشي تاني.
السيدة رحمة: ربنا يشفيكي حبيبتي.
********
في مكان آخر،
شهد بعصبيه: مسابوش ليا غير الحل دا يا زعيم.
الزعيم: سيبك من كل دا دلوقتي، ازاي أسد وآسر يبقوا الأسد والذئب وانتِ متعرفيش.
شهد: محدش كان يعرف أصلًا غير مختار.
الزعيم: هموت وأعرف ازاي عرفوا ميعاد الشحنه، وازاي بيبوظوا عملياتي كلها، دا غير إنهم عرفوا شكلي خلاص.
شهد: أكيد في خاين هنا.
الزعيم بتفكير: لا أنا مش بثق في حد ولا حد يعرف أي حاجه عن الشغل، مفيش إلا حل واحد.
شهد: أي هو!
الزعيم: إن الشيطان لبسني طُعم، وخد الورق الأصلي، وأنا كنت مفكر نفسي ضحكت عليه ولو لمره.
شهد: بس الورق دا مكنش لكل العمليات اللي باظت.
الزعيم: ودا اللي مجنني.
شهد: طب أي رأيك لو عرفنا مين الشيطان.
الزعيم بسرعه: ازاي، دا أنا حتى حاولت أقتله من غير ما أعرف هو مين؛ قتل كل رجالتي ومتخدّش حتى.
شهد بخبث: شاهي.
الزعيم: شاهي!
شهد: شاهيناز لازم تظهر.
الزعيم بمكر: يبقى تظهر شاهي.
*****
يا ترى مين شاهي؟
وشهد والزعيم بيخططوا لأي؟
مستنيه توقعاتكوا🖤.
****
رواية الشيطان والأسد.
بقلمي: رحمة البيلي.
أنت تقرأ
الشيطان والأسد
Mistério / Suspenseالشيطان والأسد تعريف: وما كان قلبي إلا بصخرة، لتأتي انت من بين طلقات النيران، ومن بين الصعاب؛ لتخالف التوقعات؛ بفأس بطرز بعشقك، فتت الحجر إلى أشلاء صغيرة كل قطعة منها تحاول جاهدة؛ لوصف مقدار عشقك، واتفقوا جميعًا على أن الإبتسامة لم تعرف طريقها لشفت...
