جمعتنا الصدف فكانت اجمل الصدف

بارت 9

عند نجد:
وصلت البيت اخذت لها شور ولبست لها بجامه ونزلت تاكل شافت تركي سرحان
نجد: هي وين رحت
تركي: ها انا وين
نجد: مدري والله شفيك سرحان كذا شسالفه
تركي بتصريفه: راسي مصدع عندك بندول
نجد: شايفني صيدليه
تركي: شايفك دكتوره
نجد: معك الدكتوره نجد اي خدمه
تركي: ابي بندول
نجد: انا طبيبه ولست صيدليه
تركي: شكراً لخدمتك
نجد: عفواً
تركي: سوي اندومي ثنين يا دكتوره اي قولي شايفني طباخه
نجد: شايفني طباخه والله لو اني زوجتك ما سويت لك
تركي: ابلش خير طول عمرك ما بتطبخين
نجد: اطبخ ل نفسي همي نفسي وبس اي مانع
تركي: لا ابد بس مساعده قدمي على الاقل
نجد: مع الاسف لا يوجد

عند اديم:

كانت ف بيت عمها تشكر ربها على ذا اليوم بسبب صاحباتها شافتها زوجه عمها كانت تكرها: خير تضحكين
اديم: يوم حلو
ام ريهام: يوم حلو اجل لا تجي من وراك مصايب
شافهم عمهم يتهاوشون : وش صاير
اديم بتصريفه : هلا يا عمي لا ولاشيء
ام ريهام: اسألها وش مسويه من مصايب
ابو ريهام: خير عسى ما شر الله لا يقوله احد يقولي وش يصير
اديم ماكانت تبي يصير مشاكل : تهاوشت مع الاستاذه
ابو ريهام: اي وش صار بس كذا
ام ريهام وهي مقهوره : ليش تتهاوشين معاها احترميها
اديم: والله يعني اسكت عن حقي
ام ريهام: ايوا اسكتي وش حقك اصلاً
اديم: كرامتي فوق كل شيء وبطلع فوق وبنام لان اليوم برجع عند خالتي
ام ريهام وهي ف داخلها احسن
ابو ريهام: والله جيتك اسعتدتنا نتمى تزورينا مره ثانيه
اديم: ان شاء الله
طلعت اديم غرفتها اخذت لها شور ونامت
صحت المغرب وهي راسها مصدع طلبت لها اكل وقامت حلت واجباتها ووصل الاكل واكلت وخلصت اشغالها وكانت رايحه ل خالتها قابلتها زوجه عمها
ام ريهام: فكه ما بغينا
اديم: افرحي او ازعلي ما همني
ام ريهام: وش قله التربيه ذي امك ما عرفت تربيك او نسيت ان امك ماتت ههههههههه
اديم انصدمت من حقارتها وكلامها واعطتها كف وبعصبيه:كل شيء عندي ف الحياه الا امي تفهمين اندمك على اليوم اللي جيتي فيه على الدنيا
دخلت ريهام على عصبيه اديم وانصدمت من ان امها حاطه يدها على خدها : شسالفه يمه شفيك
ام ريهام بكذب: قلت لها استودعتك الله واعطتني كف
اديم بصدمه: ريهام كذابه لا تصدقينها والله السالفه مب كذا
ريهام: اديم حدك لا تقولين على امي انها كذابه احترم العشره اللي بيننا واللي اعتبرتك اختي لكن مو لذي الدرجه
اديم: الله لا يسامحها والله ما اسامحك وخليها ف رقبتك وانتي يا ريهام عاد لا تحكمين على السالفه وانتي منتي داريه وش هي بالأساس
ريهام بضحكه : تبيني اصدقك امي اولا منك
اديم: مو كل ام تستحق مكانتها مع السلامه واقولك للمره الاخيره جعلها ف ذمنتك لين يوم الدين
ام ريهام : ما توقعت اللي اعتبرتك مثل بنتي تقولين كذا لي
اديم: اساساً ما اقبل ولا اتشرف اني اكون بنتك عندي ناس معوضيني عن كل شيء م احتاجك
ريهام : انقلعي يا اديم تماديتي تراك
اديم: والله واضح مين اللي مو محترم نفسه مع السلامه
طلعت اديم وهي البكيه فيها والغصه وهي تتذكر كلام زوجه عمها لها طنشت وسمعت جوالها يدق شافت انها خالتها حاولت تمسك نفسها ودموعها ردت : هلا خاله
ام تولين: اسمعي السواق مو راضي يرد علي ف خليت محمد يجيبك
اديم: تمام عادي يا خاله
ام تولين شكت ف صوتها : احد مضايقك شيء
اديم بغصه : لا يخاله ابد بس كرف اخر سنه
ام تولين: يلا هانت يا بنتي هنا اديم دمعت لا شعورياً من كلمه يا بنتي لانها فعلاً اللي تستحق تناديها يا بنتي هي
قفلت اديم من عند خالتها وكانت رايحه ل محمد ف السياره بس انصدمت ان فيه شخص معاه تنهدت وهي تقول ف نفسها ياربي بعد نزل محمد من السياره شال شنطتها وهمس لها : اركبي ورى هذا خوي بنزلك ل بيتنا و بروح
اديم وهي واضح عليها الحزن : تمام
انصدم محمد من صوتها وكان بيسألها وش فيك لكن صد
ركبت وحرك محمد وكانو يسولفون هو و معاذ
معاذ: باقي لي سنتين واتخرج
محمد: الله يعينك انا اخر سنه اللهم لا شماته
اديم كانت تبكي وتشاهق بصوت خفيف سمعها معاذ وهو وده يسألها وش فيك لكن بسبب ان محمد هنا ما قدر بس جات فكره ف باله يراضيها بدون قصد لان ما يحب يشوف احد زعلان حتى لو كان مو منه
معاذ شغل اغنيه وبدأ يردد كلام الاغنيه

ابتسمت اديم من كلمات الاغنيه وصوته الحلو مسحت دموعها وهي كانت تبتسم ما تدري تبتسم من صوته ولا من الاغنيه والاغنيه جات ب الوقت الصح كانه مبسوطه
نزلت بيت خالتها ونزل محمد الشنط دخلت البيت وهي مبسوطه ضمت خالتها وهي مشتاقه لها وحلفت ما ترجع عند عمها وجات تولين وحضنتها فعلاً كانت مشتاقه لهم لانهم تعتبرهم اهلها عاشت معهم سنوات وربوها
ام محمد: كيف بيت عمك وش سويتي
اديم رجعت لواقعها وتذكرت اللي صار ماكانت تبي تاخذ هم خالتها: بخير والكل طيب بس كنت مشتاقه تعودت عليكم
تولين: كيف ريهام
اديم بتصريفه: بخير قعدنا نسولف ونضحك هناك بعدين ودعتها
تولين: انا ولا هي ؟ اديم ف داخلها تقول ليه تقارنين نفسك فيها اعطتها نضرات عشان تصرفها
اديم: المهم بنام تعبانه مره وبالمناسبه يا تولين فاتك اليوم
تولين: وش صار وش اللي ماصار قوليي
اديم: وش اقول وش اخلي سوالف حريقه فاتك بكره تعرفين الحين ما بقولك
تولين وهي تزن عند راس اديم الا وتقولين لها : قولي يا ديمووو
اديم: بكره اقولك وانتهى