جمعتنا الصدف فكانت اجمل الصدف

بارت 39

غداً البارت الاخير ونختم الروايه  ومعد فيه سعود ونجد واستمتعوا ب البارت ذا 🫶🏻❤️❤️
تمنيت ان انهيها امس لكن بتعرفون ليش بكرا في الختام واذا تبون نتكلم عن الختام مافي مشكله

__________
| صباح اليوم التالي |
صحت وهي بالقوه تفتح عيونها و ناظرت فيه وهو يرتب ملابسه في الشنطه : سعودد
سعود ببتسامه : قونايدين
ضحكت هي : قونايدين
سعود: خذي لك شور و على بين اجيب الفطور
نجد: لا عادي اساسا بروح البيت
سعود ب اصرار: تفطرين عندي وتروحين مافي عناد
نجد: تمام بس من وين لي ملابس
سعود بتفكير : خذي بنطلون من عند اختي و تيشيرت من عندي سهله
نجد وهي تضحك : يشيخ كفايه ان جاكيتاتك عندي
سعود: تفداك
نجد ببتسامه : تمام
اخذت شور و اخذت تيشيرت من عنده و بنطلون من عند جنان و طلعت وشافت الفطور وهو جالس على الكنبه
نجد: ماشاء الله متى لحقت تسوي كل ذا
سعود: اروح اسوي الفطور وارتب شنطتي سهله
نجد: الله يقويك
سعود: اعطيني رأيك فيه لان انا سويته
اكلت اول لقمه و اندهشت: واووو مره يجنن ليكون ملعب علي ماخذه جاهز
سعود وهو يضحك : لا والله انا سويته
نجد: حلو متزوجه طباخ مدير شركه مصور
سعود وهو يفطس ضحك : كملي
نجد: كل يلا
اكل وهي اكلت وبعدها راحت ل بيت جدها في جناحها شافت الكل جالس يجهز وراحت ساعدتهم و شافتها سمو : شفيك ادق عليك باب غرفتك ما تفتحين
نجد بكذب : نايمه
سمو: تبين فطور
نجد: لا
-
عند معاذ واديم |
اديم وهي تلحق في توق : تعالي يا بنت معاذ
معاذ وهو يضحك عليها : شفيه ابوها
اديم: لو انه فيه خير كان رباها زين
معاذ: قويه
اديم: خذ جوالي من عندها وغير ملابسها
معاذ وهو يقوم من مكانه: سمي
اديم: سم الله عدوك
-
قبل المغرب ب ساعتين الكل ركب السيارات و نجد وجنان في سياره سعود مع تركي واللي يسوق تركي
و عبدالعزيز و سمو وام عبدالعزيز وبنتهم ورنيم
و معاذ معاه اخواته وزوجته والباقي نفس الشيء
-
تركي وهو يسوق : غريبه اللي ورى هاجدين
سعود: غريب انت مو مشخصنها
تركي: الله ذكرتني
جنان: يا ولد الناس سوق وانت ساكت
نجد: يعني انا بنت الناس
جنان: انت قلبي
عمر وهو يقلد امه : قلبي
سعود بفرحه : واه انت عيوني
تركي: يحبك اكثر مني علمني وش السر
سعود: السر بالمحبه يعني اذا حبيت اخلي الطرف الثاني يحبني فهمتني ولا اشرح
تركي: لا شكراً فهمت
سعود: صبو قهوه لي
تركي: حتى انا
جنان: لا السواق ممنوع يشرب
تركي توسعت عيونه : شفيك علي امسك اختك عني
سعود وهو يضحك: مع الاسف بروح انا
تركي بصدمه: لا تقول
جنان: تكفى خذه معك
نجد: الله وناسه لو راحو كلهم
لف سعود عليهم : شقصدكم
نجد: قصدنا ما نبيكم
جنان: كفو عليك
تركي: اتمنى تتخطى ولا بعد الكلمه جات على وجهك
جنان وهي تقلده ب نبره الصوت : اسكت
عمر: اص
نجد: فديتك
راح عمر ل حضن سعود وانصدمت نجد: اوريك ترجع لي يا ولد القرد وعم القرد
سعود: انا مش عمه انا خاله
نجد: بس يعتبر انك عمه و يناديك عم
عمر: عم
سعود: عيوني
جنان: كلهم قرود
نجد: مره
تركي: اتمنى نتخطى
جنان: مع الاسف يا حبيبي ما راح تتحق امنيتك
سعود: عيب يا بنت
جنان: ترا اخليك تزعل
سعود: محد يقدر يزعلني
نجد: جنو شرايك نروح مع سمو ونخلي عبدالعزيز يجي مكاننا اساسا اشتقت ل سمو و مغامراتنا
سعود: اهجدو
نجد بعصبيه: مالك دخل
سعود: ليش تعصبين
نجد: كله بسببك
تركي: اي خذلك اتحدا تسكتون فيهم
سعود: انت اسكت ولا اذكرك قبل كنتم تتهاوشون محد يقدر فيكم الا احنا
جنان: برافو حسدتهم
تركي: شدخلني انا
سعود: ليش العصبيه ذي ابي افهم
نجد: عصبيتي مالك دخل فيها
عمر قرر يتدخل بالموضوع وصفق جبهه سعود: اص
كلهم ضحكو و سعود اخذ عمر وحطه عند ابوه
تركي: الغدره
سعود: طالع على ابوه الاب ما نقدر نثق فيه عشان نقدر نثق في ولده
نجد: كم باقي ونوصل ي السواقين
سعود: لنا اسم
نجد: تبيني اقول خروف
سعود بصدمه : الله يسامحك
نجد: خلاص طفشت
سعود وهو يضحك : انتبهي لا تضيعين
جنان : معليك فيه البطل خالد و عبدالعزيز
رفع حواجبه تركي: البطل خالد وعبدالعزيز !!
جنان: ايوا ينقذونا
نجد: احس اخو لين طيب وحنون صدق زي اخته
جنان: من برا تحسينهم غرباء لكن لما تكتشفينهم يطلعون افضل ناس ب الاسلوب و العقل
نجد: صدقي
ناظرو سعود وتركي في بعض ونطق سعود : لو سمحتو ممكن تسكتون
نجد بحقد: تعالي نكمل سالفتنا ب السناب
لف سعود عليهم واخذ الجوالات : مافي سالفه
نجد: شوضعك شوف لا تخليني اعلم جدي
سعود: من وين لك جوال
نجد: لا تحسبون ان نجوته
سعود وهو يشغل اغنيه
 
ابتسمت هي رغم انها زعلانه ولكن ما ردت عليه
جنان: تعلم منه
تركي: باخذ دورات من عندك لا تزعلين بشغل بعده
نجد: وش تقصدين اصلا
جنان: حنون اخوي فديته
نجد: بالنسبه لك
تركي وهو يناظر ب سعود : جدي قال لها اذا زعلك تعالي علميني وانا اعرف شغلي معه
سعود غمض عيونه: رحت فيها
نجد بزعل : بعلمه انتم الاثنين بعد وشوفو وش يجيكم
سعود: تكفين لا
نجد: فات الاوان
سعود: اسف والله
تركي: اذا ما رضيتها رحنا فيها
سعود وهو يفكر و جاته فكره وجلس يغني: هيلا يا زمانه هيلا يا رمانه
شاركه تركي وهو يضحك: الحلوه زعلانه الحلوه زعلانه
سعود: مين يراضيها انا اراضيها
تركي : انا اراضيها
جلس سعود يصفق وهي ضحكت لا اراديا وهي تقول: انقلعو مالت
جنان وين تفطس ضحك: بطنييي
تركي وقف ل مكان قهوه واخذ قهوه ونجد كانت عنيده كالعاده ولكن سعود اشترى لها بحاسبه: خذي
نجد : مابي
سعود: والله ل تاخذينها
نجد: لولا
سعود : العناد ما تغير نفسه
نجد: ايوا نفسه وبعد زاد
سعود: تركي نزلهم وبعدها باخذ السياره بروح قبل طيارتي افضل عشان ارتاح
تركي وهو فاهم عليه: ابد والله فكره
نجد وهي تاخذ القهوه : حسابك عندي والله ل تندم
جنان: يويلك تكفين وريني وش بتسوين فيه
سعود بخوف: الله يستر
نجد: بتشوف نجد اللي كنت تعرفها وانت صغير
سعود فز وهو يضحك: ادعولي بالرحمه
تركي: انا المصور
جنان: وانا التعزيز
سعود: صار فلم والله
نجد: اوريك يا ولد
سعود: سمي
_
معاذ: لجين
لجين: عيوني
معاذ: فديت عيونك
اديم: ويعع
سما: الغيره وما تفعل
معاذ: اول مره تجين الديره حبيبتها
سما: اشتري لي بيت
معاذ: طفرت
لجين: زوجها واحد من الديره
ضربتها سما : يالكلبه
لجين وهي تضحك: البدائل افضل
معاذ: ليش ما رحتي مع زوجك
لجين: متزاعلين
اديم: اجل انا بتزاعل معاه ونكون متساوين
ناظر فيها معاذ : يعني فله بالله
اديم : شفيك زعلت حبيبي
معاذ: مني زعلان
توق وهي تبوس ابوها: بابا
معاذ وه ويبتسم : عيون بابا فديتك
اديم: بنتي ذي
معاذ: انا ابوها
لجين: لو اني رايحه من كلبي افضل
سما: لو اني رايحه مع عبدالعزيز احسن
اديم: خير ما تبونا
معاذ: هذولا ما يبوننا
اديم: عادي اصلا
لجين: انتم قبل شوي متهاوشين كيف
اديم: تعودي
معاذ: نتصالح ونتهاوش في ثواني
سما: غريبان
—
سمو وعبدالعزيز |
عبدالعزيز : رنيم وسمو
رنيم:خير
عبدالعزيز : ايش اللي خير
سمو: ما ارضى زوجي
رنيم: تكفين لا
ام عبدالعزيز : ايوا كفو عليك
رنيم: اتمنى اتخطى انا شكو
-
وصلو للمكان وجلسو يرتبون في الخيم و قررو يسوون تركي وسعود وجنان ونجد خيمه بعيده لانهم جو اول ناس ويروحون فيها باليل ويكذبون على الكل ان نسو الخيمه ، جات العائله و كان فيه مساحه بين الرجال والحريم و قبل اذان المغرب سوو الخيم و اللي جابو حطب و الى ذالك
تركي: الحمدلله خلصنا
الجد نايف: الحمدلله
سعود وهو يبدل التيشيرت اللي لابسه و يلبس بلوفر و قدام الكل ونطق تركي: مالقيت الا هنا
سعود: شفيها وين تبيني اروح برا
خالد: لو دخلت داخل
سعود: نسيت يهو
الجد نايف: نجد مع مين جات
سعود: معي انا وتركي
الجد نايف : مين كان يسوق
تركي:انا
الجد نايف: زين
عبدالعزيز : نسوي العشا
تركي: يلا تم
خالد: ذوقو طبخ سعود ي انه فنان
سعود: تشوف
ابو فهد: يلا ورينا مهاراتك
سعود: جهزو القدر والبصل
جلس يطبخ وتركي يراقب فيه : كم ملعقه فلفل احط
سعود بصدمه بحطك بدال الفلفل
خالد: مالك بالطبخ انت
تركي: مع الاسف لا مو كثير
معاذ: زيك
طبخ لهم كبسه و تنهد: قرب تستوي
تركي بحماس: متحمس ل طبخك لا تخرب حماسي
سعود: معليك
استوت الكبسه و حطها على الصحن ولان العدد كبير سو ثلاث قدور و تكلم الجد نايف بذهول: والله انك فنان
سعود: شفت يوم سفرتني تركيا طلع لي فايده
الجد نايف: نقول بنت محظوظه
سعود ببتسامه : كثير
تركي: احسد اختي
سعود: اعلم زوجتك
تركي: امزح شفيك
الجد ساعد: تسلم يدك يا ولدي
سعود ببتسامه : بالعافية
_
عند الحريم ،
ام فهد : خلي شوي يا نجد مو ذحين تسوين
جنان: بنطلع انا وياها نمشي
ام فهد: بعد المره ذيك مافي
نجد: انا وتركي
جنان: اي
ام فهد: زين انتبهوا ل نفسكم
اتفقو الساعه عشره بالليل يروحون وفعلاً لبست بلوفرها نجد وجنان و انصدموا انه نفس الشيء : من وين اشتريته
جنان: مدري لقيته في دولابي وعجبني واخذته
نجد بكذب: انا طلبته
سمو: واو صدفه حلوه حبيت
جنان: خذي الدله وانا باخذ الاكواب والحلا
نجد: سمي
اخذت عبايتها و جنان كنت وراها و جاء من وراها وهي يقول: هووووو
فزت هي : بسم الله
سعود: شفيك خفتي
نجد وهي تناظر في بلوفره : خير نفسي
سعود: انا اللي اشتريته لك ويوم قلتي ليه كذا طقم حتى ذول القرود اللي ورى نفسنا
جنان: كنت حاسه
تركي: احساسك صح هاتي الكيس اشيله عنك
جنان وهي تمده له : انتبه على الحلا
سعود وهو يناظر ب توق : ليه ماخذتها معك توني انتبه لها
نجد : بنتي ذي
سعود: والله وين ابوها
نجد: هرب
سعود: مع السلامه خليه
نجد: ما اهتميت له اصلا
تركي: الخيمه قربنا احس تعبت
سعود: احد شك فيكم
نجد: امي تقول انتبهي تضيعين
تركي: معليكم انا المنقذ
جنان: اسكت
سعود: محد يعوض مكاني
نجد: الجو يجنن وبرد
سعود: اي
تركي: سعودي
سعود: قول
تركي: تحس اني نشبه
سعود: انا ما احس انا أتأكد
ضحكو جنان ونجد: من اليوم يقول احس تحسين
سعود: علمتي جدي
نجد وهو تبتسم : ذكرتني
سعود: تكفين لا
وصلو للخيمه وكانت في حضن نجد توق وسعود اخذ البطانيه من سيارته و و لحفها فيه هي وتوق و جلس يشغل النار هو وتركي
توق: نجد
نجد وهي تبتسم : عيوني
توق: ابي حلاوه
نجد: من عيوني
سعود: قوم جيب حلاوه و رتب الاغراض
تركي: سم
رمى تركي الحلاوه على نجد وهي اخذتها و تفكها ل توق وهي تتأملها : خذي يعيوني
اعطتها توق بسمه وسعود يناظر فيهم ويضحك وهي انصدمت وسألته : ليه تضحك
سعود وهو ماسك ضحكته : تصلحون ام وبنت
تركي: جداً لا يقين خذيها بس نسكت معاذ كيف
جنان: حط ولدك بدالها
جلس يصب القهوه و تركي يحط الحلا وجلسو يسولفون
توق وهي تنام في حضن نجد : يحياتي انتي
سعود وهو يناظر في تركي و جنان: شفيكم
تركي: لا ابد مافي شيء
جنان وهي تتأمل القمر والنجوم : القمر اليوم بدر
تركي وهو ياخذ جواله ويصورها : خليك ثابته
جلس يصور فيها وهي ملت : خلاص يهو
نجد: صوريني انا وتوق
سعود: دخليني واسطه
جنان : ابشر
توق وهي تقوم وفزت نجد : انتي مو نايمه
جنان وهي تضحك : على حضك صورت كم صوره
نجد وهي تعدل توق وجلسو المصورين تركي وجنان يصورون وسعود يتأملها وحنيتها على توق
تركي : شرايكم نضيع
نجد: شوفو حاطنا ب امانته واخر شيء يقول كذا
سعود: مو قد الثقه ابد
تركي: انتم اللي مو قد الثقه
جنان وهي تغمز ل سعود : تركي شرايك نمشي ما احب اجلس كثير
تركي ب موافقه الرأي : اوكي
سعود: لا تضيعون
تركي: ابشر
نجد كان الهوا يطير شعرها وجات بتلم شعرها وهو واخذ منها الربطه : خليه كذا حلو
نجد: يجي على عيوني
سعود وهو يلف عليها : اصبري ذحين اسويه لك
ربط نص شعرها وخلاه مفتوح : كذا يجنن
نجد ببتسامه : شكراً
توق وهي تعطي نجد بوسه على خدودها : احبك
نجد وهي تضمها : احبككك انا
سعود وهو يضحك : اغار ترا
نجد: كش
توق وهي تتأمل سعود واعطته بوسه وهو ضمها : حبيبتي
نجد: ليتها بنتي الله يحفظها
سعود: انتي بنتي
نجد وهي تبتسم : استحي ياخي
سعود وهو يطلع لعبه : تلعبين
نجد بفرحه : الله اعرفها تم
جلسو يلعبون وتوق كل شوي تخرب اللعبه و لكن بعدها نامت و كانت بالمنتصف وجلسو يتأملون القمر والنجوم وجو تركي وجنان وهم يصورون فيهم : الهواجيس وما تفعل
سعود: خربت علي
نجد: احس بنام
تركي: تكفين لا
سعود: نامي معليك
جنان وهي تنسدح قرب نجد: وانا بنام
تركي وهو ينسدح جنب سعود : وانا بعد
ناموا الكل و توق قامت وهي تشد شعر نجد وتحاول تقوم فيها : كلب هنا
فزت نجد بخوف من سمعت صوته وجلست تقوم في سعود : سعودددد
سعود بنعاس: هلا
نجد وهي تبكي: صوت كلب
قام هو و تفحص المكان ومالقى شيء : مافي شيء نامي
نجد بخوف : لا بنام بالسياره
سعود وهو يستوعب ويفتح جواله : مكالمات كثيره من الاهل يويلي
نجد وهي تستوعب وشافت جوالها اديم ارسل لها كل شوي وردت على اتصالها: هلا
اديم بخوف: وينك وين بنتي
توق اخذت الجوال من نجد وسمعت صوت امها : ماما
ارتاحت اديم من سمعت صوت بنتها : عيوني
توق وهي تسولف مع امها : كلب كان هنا
اديم : مافي كلب غير نجد
نجد: قويه
اديم: وينك ما تدرون انتي و جنان ولا احد
نجد وهي تهمس: بقولك بس لا تحاولين تبينين لا احد شيء تمام
اديم: تمام
نجد: سوينا خيمه يوم جينا بدري واتفقنا احنا الاربعه نجي ونمنا كلنا بدون لا نحس على انفسنا
اديم توسعت عيونها وهي تحاول ما تلفت النظر ل احد اللي بالخيمه : ايش طلعتو برا اخذته قهوه ماشاء الله عليكم وبنتي
نجد وهي ارتاحت : بجيبها لك
سعود: مشينا
قفلت نجد من عند اديم وناظروا سعود ونجد ب تركي و جنان : شنسوي لهم
سعود: احنا كذا ولا كذا مقفوطين يعني ما تمشي حيله معهم وبذات جدي
نجد: نقول ان عندك شغله كان او اي كذبه
سعود: نعترف افضل من الكذب
نجد: تكفى لا
سعود: هذا الافضل
نجد: قومو انت وهي
تركي: حتى النايم ما تخلونه بحاله
جنان: مابي اقوم
طلع تركي ورى هو وجنان و كانت نجد قدام مع سعود و بالمنتصف توق
سعود: هل انتي مستعده
نجد : مستعده للتصفيق
سعود وهي يضحك : كلنا
وصلو وكان الجد نايف منتظرهم وانصدم من شاف سياره سعود والبنت اللي معاه : سعود ونجد
نزلو من السياره وناظروا ب بعض و تكلم سعود: ممكن نتكلم
الجد نايف وهو يرفع حواجبه : ممكن طبعاً
راحو ل مكان شوي بعيد ومعهم نجد وتركي
الجد نايف: تكلم
سعود وهو يرفع راسه بثقه ويتكلم بطلاقه : اعترف اني ما كنت قد الاختبار يعني مستوعب بعد كل كذا بخذلك ابد لا ادري انها بنتك وتحبها كثير وتعزها ولكن ذحين هي زوجتي مو من حقك تمنعني عنها لك معزه ومحبه فقلبي ولكن
قاطعه الجد نايف وهو يضحك هم وتركي وانصدم هو و تكلم الجد نايف : اساساً كان الاختبار ذا ضده ونجحت فيه وكان هدفي اشوف اذا تسوي تضحيات من اجلها او لا وداري بكل مره قابلتها فيها وادري انك رحتو للمخيم
ناظر سعود في تركي وتوسعت عيونه بصدمه : لا تقولها
نجد: انا اوريك
تركي وهو يضحك : انا غدار
سعود وهو يرمي الحجر عليه ويلحقه : غدار زي ولده
الجد نايف وهو يضحك عليهم وهي ناظرت ب جدها: ليه يا جد كذا
الجد نايف: كذا من عندي
سعود وهو يمسك تركي من بلوفره : وان دفنك هنا
تركي وهو مكمل ضحك رغم عصبيه سعود : ادفني شسويت انا حشرني جدي لين ما قلت بس
سعود: اسكت
رجعو ل الجد نايف و تكلم سعود : يعني عادي اشوفها
تركي : لا
سعود: اسكت
الجد نايف: بكيفك
تركي وهو يناظر ب سعود بحقد: ترا زعلها اليوم
سعود بشهقه: يالكذاب
الجد نايف وهو يناظر ب نجد : زعلك اليوم
نجد وهي تهز براسها : ايوا وبعد الاخ الثاني اللي معه
توسعت عيونه وهو يناظر فيها : زعلتك ب وش
الجد نايف وهو يقاطعه : اسكت ولا كلمه
سعود: يا جدي تكفى اسمعني
الجد نايف: كله الا بنتي
سعود وهو يناظر فيها : اعتذر
نجد: مايكفي وبعد انا زعلانه منك يا جدي
الجد نايف: ما تزعلين انا موجود
نجد وهي تدمع : والزواج ذا ماراح يصير
سعود انصدم: لا عاد كذا كثير
الجد نايف: انا ما رضت يويلكم
ناظرو ببعض تركي وسعود:سم
—
| اليوم التالي |
كان الجو غيوم و قررو يجلسون ويروحون باليل الديره
جلس تركي جنب سعود : كيف اقنعها واراضيها
سعود فز بفكره: شرايك تروحون الرياض تجهزون امور الزواج وانا اكون ب تركيا
تركي ب اندهاش: حلوه الفكره لكن كيف بسياره
سعود: كل واحد بسيارته سهله واذا جيت انا الرياض تكونون بالديره مخلصين كل شيء واخلي سيارتي بالبيت واجي اخذها
تركي وهو معجب بتكفير سعود: اجل تم بس كيف اقنعها
سعود وهو يغمز : اختي فيه
جلست ترسل ل سعود ( تراها زعلانه )
سعود( اسمعي )
جنان( هلا )
سعود( تروحين مع تركي.....) وجلس ويقول كل شيء قاله ل تركي
جنان( تمم)
سعود ( كلميها )
جنان: نجد اسمعي شرايك تروحين معنا الرياض وتخلصين امور زواجك كلها هناك
نجد بعناد: ما بتزوج بتطلق
ام فهد: تخسين
ام ماجد: ولدي ما ينرفض مافي رفض
نجد: نشوف
سمو: استهدي بالله يا بنتي
ريناد: عجبني تفكير جنان
نجد: انا مو عاجبني
اديم: مو شرط يعجبك
نجد بزعل : عادي
جنان: يا بنتي تروحين معنا ونتمشى هناك لا تهتمين ل اخوي اساساً هو بيروح
نجد: احسن ليته يبقى بتركيا اكثر
كان هو يسمعها لان الخيمه كانت عند سيارته وهو عندها غمض عيونه وتركي يحاول يهدي فيه : تراها زعلانه عشان كذا ولا هي ما تقول كذا والله
سعود: بتروح معي الرياض غصب عنها
تركي وهو يضحك : اخطفها
ضحك سعود اللي كان متضايق : تخيل
تركي: سوها عادي
سعود: طيب فيه ناس
تركي: نخلي جنان تمشي معها وسمو تجهز الاغراض وانتهى سهله
سعود: اجل نقول تم
اتفقو كلهم مع سمو وجنان وفعلا وافقوا كلهم على الفكره
جنان: نجد شرايك نمشي المشي يفيد
نجد: صدقتي يلا
طلعت من المخيم و شافته طنشته وجلست تمشي و سمو اخدت تلم الاغراض و اعطتها ل سعود وحطها بالشنطه وجنان كانت مجهزه اغراضها وراح هو ل جهتهم وهي شافته وطنشته وضحك هو : افا مسوين مقاطعه لي
ضحكت بهدوء هي وجنان بالقوه ماسكه الضحكه : ها
سعود: تعالو اوصلك
نجد: مشكور ما يحتاج
وقف السياره و ضحك هو و جلس يمشي معهم وهي جلست تمشي بعيد وفجاة فز وهو يشيلها : انا اوريك خلي العناد ينفعك ذحين
نجد وهي تصارخ : نزلنيييي يا مجنون
سعود: اعترف مجنون انتي اللي جننتيني
ركبت جنان ورى هي ونجد وتركي يسوق و سعود يضحك وتكلمت هي : تضحك على ايش اوه نسيت اوريك
سعود: الحمدلله نسيتي
تركي: نروح بيت جدي تاخذون اغراضكم
نجد: تخسون
جنان: اعقلي
نجد وهي تعظ يد جنان : يحمارررره يدي
نجد: تستاهلين ي الخاينه
جنان: ترا سمو معي
وصلو ل بيت الجد نايف وهي راحت ل غرفتها وكان معها جنان وجلست على السرير : ماني رايحه
جنان: يا بنتي وش تبين عشان ترضين
نجد بعناد: مابي شيء
جنان: تكفين اجل انا بجهزها
اخذت الشنطه وحطت الاغراض والملابس و اتصلت على سعود : اسمع تعال خذ الشنط وانا برتب اغراضي
سعود: تمام
دخل سعود وضحك من شافها جالسه و مكشره و اخذ النشط وهي وقفت عند الباب و جاء ولبسها عبايتها بالغصب واخذها
نجد: نزلنييي يا كلب بفتح عليك قضيه خطف
سعود: افتحي بس ماراح تستفدين شيء
راحت تجهز اغراضها وجلست تضحك على شكلها
تركي: يشيخه احب نفسي وافكاري
جنان: اول مره تعجبني
اخذت ولدهم و تجهز اغراضه
في الطريق ،
سعود: اهجدي يا بنتي
نجد: وش بتستفيد
سعود: ما بروح تركيا الا وانتي راضيه
نجد وهي تهز راسها : لا
سعود: قولي وش يرضيك
نجد : مابي رضى
سعود: اذا خطفتك وش فيها تروحين الرياض تجهزين اغراضك و بعدين اجي ونتزوج خلاص
نجد وهي تضحك : اقبل فيك نو نو
سعود: غصب
نجد ب عصبيه : لا تستفزني
سعود وهو يغني: استفزك لاني احبك
نجد: يارب صبرني
سعود: وش تبين من تركيا
نجد: ابي تتزوج وحده ثانيه
سعود وهو يضحك : انتي تكفين و توفين
نجد: لا لا
سعود: الا
وصلو الرياض بعد مناقرات واخر شيء رضت هي و وصلو تركي وجنان
سعود وهو يضمها : بشتاق لك
نجد وهي تبادله الحضن : بفتك منك
وخر عنها وتوسعت عيونه: كلها كم شهر وبتروحين معي
نجد وهي تناظره بلطف: خذني معك
سعود وهو يضحك: قبل شوي ما تبين تروحين معي وش صار ذحين
نجد: لو تركيا بتلقاني انا اللي اسوق
سعود وهو يرفع حواجبه ويبتسم : اي تمام بالاساس بتروحين لها
تركي: خلاص يهو روح
جنان وهي تضم اخوها: انتبه ل نفسك
سعود: اب تم
تركي وهو يحضنه : احبك سعودي
سعود وهو يضحك : تجنني وتقول احبك اسمع زوجتي و اختي في امانتك
تركي: يوصل
نجد: بكرفك كرف
سعود: الله يعينك
نجد وهي تناظر فيه : حتى انت خير
سعود: سمي اللي تبينه
جنان: حتى انا
سعود: ابشرو استودعكم الله خالد ينتظرني
نجد: انتبه ل نفسك
سعود وهو يضحك : لا توصين ابد
نجد: كلمي يوم توصل
سعود: من عيوني
طلع هو و فزت وهي تناديه : سعود
سعود: عيوني
نجد: تعال بتكلم معك بالصاله شيء ضروري
سعود قلبه ما ارتاح وراح معاه وهي ابتسمت ونظراتها كانت تخوفه وفجاءه جلست تصفق فيه : هذي عشان سحبت جوالي
وضربته مره ثانيه اقوى : وذي عشان زعلني
والثالثه كان مؤلمة : وذي عشان خطفتني
تركي : اوههه سعود
جنان: هالمره الحظ ما حالفك
سعود بألم: اخخخخخ خلاص فكيني
نجد: ذحين تقدر تروح
كان بيقوم وجرح يده لان كان فيه قزاز وفزت هي بخوف وتبكي: سعودددد اسفه
سعود وهو يقوم: وخري عني كليني احسن
نجد بزعل : اعتذر والله بس عصبتني
سعود وهو يتألم: صندوق الادويه في الدرج
راحت للدرج بخوف واخذ الادويه و شافت كتفه ينزف بكت : اسفه والله
سعود وهو يفسخ بلوزته : اعطيني الصندوق
نجد: لا انا
سعود: طيب بسرعه
حاولت تداويه وكان هو يعلمها الخطوات : كذا تمام
سعود: تمام شكراً
جاء بيطلع ولكن وقفت بطريقه : لا تزعل مني
سعود وهو يبتسم : مني زعلان ولكن فجعتيني
نجد: تألمت ؟
سعود: شوي طيارتي بتروح علي ممكن
نجد بزعل : ممكن طبعاً
سعود: لا تزعلين
نجد: مني زعلانه
تركي: عندي انا اراضيها
نجد: بكلم اخوي يرجعني
سعود: لا ماتروحين
حضنها وهي بكت وهو يواسيها : يا بنتي يا نجدي خلاص والله ما زعلت استاهل
نجد: قول والله
سعود وهو يضحك : والله
نجد: تمام نقدر تروح
سعود وهو يمسح دموعها : كذا تمام اضحكي
ماكنت تبي تضحك ولكن ضحكت
راح هو وهي جلست مع جنان و تركي
—
طلع طيارته وكان مع لين و خالد
خالد: انت بخير
سعود وهو يضحك : بخير بخير
لين: اهنئك على حركتك
سعود: شكراً
بعد ساعات وصلو تركيا و راح نام هو
____
في الديره ،
طبعا سمو قالت للكل ان نجد راحت الرياض
اديم: تمنيت اروح بس الجامعة
لجين: تتخطين
اديم: اتمنى
نوف: معليك تهون
سمو: انا برجع الرياض اساعد نجد
رنيم: وانا بجلس مع اديم
ريناد: بروح معك
سمو: تمام
جهزت اغراضها واغراض بنتها و مسكو خط للرياض
عبدالعزيز وهو يضحك: سعود حركته بطله
سمو : ليت بعض الناس مثله
عبدالعزيز توسعت عيونه: شتقصدين
سمو: ولا شيء ابد
-
طلعت نجد للسوق وجلست تكمل التجهيزات واخذوا كم شيء ورجعو البيت
شافت اتصال وفزت بفرحه ودرت : سعود
سعود: عيوني
نجد: زعلان
سعود: يا بنتي مني زعلان
نجد بتفكير : طيب شرايك تشتري لي فستان العرس من تركيا
سعود ب اندهاش : حبيت الفكره سمي
نجد: لا انت تدفعه وانا اكلم لين
سعود وهو يبتسم : شقصدك يعني ماتبين اشوفه
نجد: ايه وانت تجيبه معك
سعود: وخذي اغراض العرس مع الفستان معها
نجد: اوكي
سعود: كيفك
نجد: الحمدلله بخير انت
سعود: بخير الحمدلله دامني شفتك
نجد ببتسامه : مطول الزواج
سعود: وانتي ما خلصتي اغراضك
نجد: طيب شرايك نطقم كذا لبس
سعود بتأييد : تمام خليها عندي
نجد: وباقي البناطيل والبجايم وغيرو
سعود: وانا عشان كذا اقولك
نجد: واضح اني مطوله طيب كيف انقل اغراضي ل تركيا
سعود: معليك انا اضبط الاوضاع بس خلصي ولا تشترين كثير لان هناك اكيد تاخذين اغراض
نجد: اي باخذ خفيفه
سعود: اي اعرفك اخر شيء القاك ماخذه بلوفرات بس
نجد ضحكت : يخي لا تحطمني
سعود: اعطيك الصراحه انا
نجد: يلا بقفل عشان بنام
سعود: استودعك الله
نجد: باي
قفلت ونامت هي
___
| تركيا |
قام وهو نشيط شاف خالد : صباح الخير
خالد وهو يشرب قهوته : صباح النور
سعود: تدري اول مره ما اخذ هم يعني مو زي قبل
خالد: فاهمك انا
سعود: يزين اللي يفهمني
خالد: انا برجع ل بيتي يعني بعد ما تجهز المكان ذا
سعود: بفقدك
خالد: جهزها بعدين قول بفقدك
سعود: ابشر
طلع ل دوامه وارسل لها فيديو وهو يتكلم : شوفي قد ايش منضغط و ما غيرت الاثاث حق البيت
ردت عليه ب وساله ( معليك في وقت )
سعود( كل واحد عنده هم )
نجد( انتظر ابداعك )
سعود وهو يضحك ( يلا حمستيني )
___
طبعا مرت الايام و سعود اثث بيته وهي تقريباً خلصت اغراضها
| قبل الزواج ب اسبوع |
كان وصوله قبل الفجر و نجد وتركي وجنان رجعو الديره يرتبون كل شيء و سعود راح للرياض ومسك خط للديره
سمو: بيوصل الظهر يمكن
نجد: حلو
جنان: نرتب التوزيعات حقت الزواج ولا الحنا
نجد: الزواج طلبناها تقريباً
جنان: طيب الحنا
سمو: خليها بعد يومين قبل الحنا بيوم
اديم: ايوا
___
وصل هو و كانت نايمه هي وكان معه باقه ورد و دخل غرفتها وحطها وباس راسها : يحلوك
فتحت عيونها من سمعت صوته وفزت : سعودد!
سعود ببتسامه : ايوا
قامت من سريرها وحضنته : فجعتني
سعود وهو يضحك : بسم الله عليك جبت فستانك
نجد: طيب الدبش وينه
سعود: كله في البيت ولين رتبته ما قصرت
نجد: بشوف فستاني
مسكها قبل لا تروح : ما شفته البسيه و وريني
نجد وهي ترفع حواجبها : لا لا
سعود: ترا محد يدري عني
نجد: اجل اطلع قبل لاحد يشوفك
سعود وهو ينسدح في السري اللي جنبها : لا تعبان بنام
نجد وهي مصدومه وتناظر فيه : سعود تكفى
سعود: تصبحين على خير
نجد وهي تنط فوقه : لا تعاند
سعود: شسويت لك ابي انام
نجد: روح بيتكم نام
سعود وهو يهز راسه : لا مافيني
نجد: اعلم جدي
فز هو : ابشري بروح
نجد: ايوا كذا
طلع هو وهي وصلته لين الباب : تفضل
سعود: مشكوره على الطرده
راحت لغرفتها وشافت باقه الورد وصورت معها وهو راح ينام في غرفته
صحى على اذان العصر وهو يقومه تركي : قوم الصلاه
سعود وهو يتثاوب: قمت خلاص
تركي: اشتقت لك
سعود: وانا بعد
طلع يصلي ورجع ل بيت جده نايف وجلس يراقب المكان وراح ل حوشها ولقى باب الحوش مفتوح وشاف خواته وهي جالسين وناظرت فيه سمو : سعودد متى جيت
سعود وهو يحضنها : جيت الظهر
جنان: كش عليك
سعود: شسويت انا
جنان وهي تمسك في نجد : ماراح تاخذها
سعود: ما باخذها باخذك انتي شرايك
جنان: تخسي
سمو: خذني انا
سعود: يا بنتي عندك سبع ايام تسولفين معها
جنان: قليله ذي
سعود: هذا الي عندك ارضي بالواقع
جنان: بنط في سيارتك ما تاخذها
سعود: علمتيني خطتك
جنان: عادي بس بتنجح
سمو: ذحين يا نجد لازم ترتاحين و بعدها الحنا ولازم تاخذين راحتك بالنوم
نجد وهي تتثاوب : ابشري اي تعليمات
سمو: جربتي فستانك
نجد وهي تهز راسها : لا
سمو: واذا طلع قصير او ضيق
نجد: عادي
سعود: جربيه
نجد: لا
سعود: تفضل العناد جاء
سمو: اسمعيني
نجد: اسمعك يروحي
سمو: روحي جربيه
نجد: سمي
راحت تجربه و ساعدتها جنان و شافته سمو عليها ودمعت : طالعه تهبلين ويجنن
جنان: هو يجن ولما لبسته اكتملت
نجد وهي تشوف الفستان عليها في المرايه : الله يهبل بنات ابي الزواج بكره
جنان وهي تضربها : خير ما تروحين عني
نجد: يارب صبرك
فسخت الفستان و راحت ل جدها وشافته عند جدها
سعود: اهلا
نجد وهي تسلم على جدها وجلست جنبه
الجد نايف: لا تخلينهم يتعبونك
نجد: سم
الجد نايف: ولا يضايقونك
سعود: باقي اسبوع
نجد: قليله
سعود: اشوفها عاديه
الجد نايف: وانت حافظ على بنتي
سعود: احطها بعيوني
نجد: معليك انا انتبه ل نفسي
سعود: كذوب واذا شافت كلب فزت
ضحكت هي لا ارادياً وتكلمت : طيب كيف تروح تشتغل وانا اجلس في البيت كذا لا معليش
الجد نايف: معليك ما تجلسين لحالك
سعود: معليك خلها علي
طلعت هي وهو لحقها وشاف كوره : تلعبين
نجد وهي تلف عليه: يلا تم
جلسو يلعبون و انضموا لهم جنان وتركي
سعود: نشوف مين يفوز
نجد: بكسرهم
سعود وهو يغمز : كفو ذي زوجتي
تركي: اختي
نجد: بس مو نفس الفريق
سعود: جيبي الكوره
نجد وهي ترميها عليه : خذها
جلسو يلعبون و اللي فازو نجد وسعود
تركي: اخخخ
نجد : كفك
سعود: كفووو
جنان: ما تعرف تلعب
تركي: انتي مسجله هدف لهم وتقولين ما تعرف
جنان: يشيخ كذاب
سعود: ههههههههه يضحكون
نجد: جداً حالتهم مزريه
| يوم الحنا |
كان عندهم بالديره يوم الحنا في بيت الجد نايف و هي تحنت خفيف بطلب من امها وما حبت ترفض وشافت توق : تعالي
توق : ها
نجد: تعالي تحني
توق بحماس : اوكي
حنتها واديم انصدمت : انا جالسه ادور عليها
نجد: بحسابي
اديم: والله بتفقدك
نجد: بحللها يوم زواجي
اديم: وبكره بعد
طلعت للحوش لان ما جو المعازيم لسى وهو دخل وجلس يضحك على شكلها وعلى شكل توق : واو الان وبنتها
نجد: فديت بنتي اللي بتحضر زواجي
سعود وهو يجلس جنبها : حاطه حرفي
نجد: يس و حطيت تي
سعود: مين تي
نجد: توقي
سعود: كش
نجد: احمد ربك بغيت انساك
سعود: الصراحه حالتك اضحك
نجد: تحت تهديد امي
سعود: باقي يومين
نجد: و اودع اهلي
سعود: معليك نجيهم ب الاجازات
طلع هو و بدأو يجون المعازيم وهي كانت ب غرفتها تلبس لها فستان ناعم وكانو طقم هي وتوق ودخل الغرفه هي وفزت : دق الباب على الاقل
سعود وهو يشيل توق : حبيبه زوجتي
نجد وهي تضحك : اطلع
سعود: لا
نجد: ترا كلها يومين
سعود: حتى ولو
حط لها ورده و اعطاها بوسه على خدودها : يحلوك ذحين اقدر اطلع
نجد: يلا اطلع اجل
طلع هو وجلست تضحك و توق اعطتنا بوسه و نزلت وقفلت باب الحوش حقها لان كان فيه معازيم و صوت الاغاني يوصلها وجلست ترقص و دخل هو وضحك على رقصها : عاشووو
جنان: فديتك
نجد: ارقص على احزاني
تركي: شدعوه
نجد: بتفقدني
تركي وهو يدمع : كثير
جلسو يرقصون ودخل سعود ورقص معهم
جنان: اتدرب على الزواج
سعود وهو يرقص مع نجد : عااااشووو
دخلت ام ماجد وام فهد وضحكوا من شافوهم وتقدم سعود نحوهم وهو يرقص معهم : خير ياخي ام العرسان خلو فيكم طاقه شوي
جنان: يويلهم اذا ما تقصر
سعود وهو يهز كتوفه هو وتركي : مضبطها اكثر مني
سعود: تشوف
تركي : علمني
سعود: اصبر تشوف رقصي التركي
تركي: يلا ورنا
جلسو يرقصون وبعدين طلعو تركي وسعود وهو يضحكون
| صباح اليوم التالي |
صحت قبل الظهر وسوت فطور لها و راحت ل جدها بعده
الجد نايف: يا هلا
نجد ببتسامه : جايه اودعك
الجد نايف وهو يبتسم : باقي بكره وي
نجد: تعرف بكره الاشغال كثيره
الجد نايف: صبي قهوه لي ونتكلم
نجد: ابشري سم
الجد نايف: يا بنتي الحياه الزوجيه هي صح متعبه لكن مع الشخص الصح بتكون حلوه وصح بتشتاقين ل اهلك كثير لكن اللي يهم الشخص الصح
نجد ببتسامه من كلام جدها : بس انتم تعالو عندي
الجد نايف: معليك نحنا نجي و انتي تجين
نجد: معليه انا بعد الزواج بجي وبعدين بروح
الجد نايف: حلو تمام
دخلو سعود وتركي وجلس يدمع تركي: نجدي
نجد: ها
تركي: بشتاق لك
نجد: بفتك منك
سعود: المشاعر مختلفه
نجد: خير انت وش جابك
سعود: ها
الجد نايف: اطلع اساسا بكره بتشوفها
سعود وهو مصدوم : يخي عادي
الجد نايف: لا اطلع
طلع و وتركي يطقطق عليه وطلعت هي من بعد ماطلع
جلست تودع اهلها والبنات
سمو: بنشتاق لك صدق
اديم: اي والله
لجين: بنفقدك
نجد: لا تبكوني ياخي
سمو وهي تضمها : يروحي انتي
جاء الليل وسو البنات توديع العزوبية ل نجد وجلسو يبكون وهي تودعهم وتضمهم وتودع اهلها وجدها اللي تحبه وبعدها نامت

( انتهى البارت )