جمعتنا الصدف فكانت اجمل الصدف

بارت 5

عند اديم:

اتصل عليها عمها وردت
العم:الو اديم بنتي كيف حالك
اديم: هي يا عمي الحمدلله بخير انت
العم:الحمدلله بخير اشتقت لك شرايك تجينا اليوم
اديم: والله ياعم مضغوطه من المدرسه مو قادره اسوي شيء
العم: تمام اجي ف الاجازه تعالي
اديم: ابشر
العم: اذا احتجتي شيء لا تترددين
اديم: من عيوني
قفلت اديم من عمها وهي تعتبره مثل ابوها واكثر
تولين: وش فيك وين رحتي
اديم: ف الويكند بروح عند عمي
تولين: ليكون ابو ريهام ؟
اديم: ايوا هو
تولين: يا حسافه كنت ابي نروح الكوفي حقه
اديم: صامله ولو قابلنا اخوك
تولين: وقتها خليه علي
اديم: الله يستر منك تمام نروح بجيب وحده من بناته ونسولف وانتي تعالي بس مو مع اخوك
تولين: مايقدر يقول شيء
اديم: تولين والله ما لي خلق للمشاكل
تولين: تمام خلاص يروحي

مافي شيء ذي الايام روتين عادي
جاء الويكند واديم فيها الغصه والضيقه
اديم: استودعتك الله
تولين: استودعتك الله
ام محمد: بنشتاق لك
اديم: يهو كلها كم يوم حسستوني اني بتزوج ههههههههه
تولين: هي الله لا يقوله
ام محمد : يهو نشبه انتي خليها فحالها
تولين: مقدر على بعدها
اديم: شرايك تروحين معي
تولين: بنتقابل ف الكوفي معليك
ام محمد : بعد تمام بس محمد اذا قابلتيه معليك منه
راحت اديم عند عمها واستقبلها وكان مشتاق لها وسلمت عليه ودخلت وحضنت ريهام لانها اشتاقت لها

فالقروب حق العيال :

تركي: وش نسوي ف الويكند ؟
معاذ: نسافر
سعود: انا مو ف البيت عندي مشوار
معاذ: خير على وين
سعود: ياخي انتم نشبه
تركي: واذا قلنا اي وش بتسوي
سعود: بروح على مكان جديد يجنن
تركي: تمام انبسط فيه
سعود: يا زعول ياخي
تركي: ماني زعلان اوف منك
سعود: امزح معكم تمام بروح عند خيول خوالي
بدر: خيول الله احبها
سعود: من الحين تعالو كلكم مافيه احد
تركي: رضيت
معاذ: الاخ حساس ما يتحمل تقوله لا لازم تقول له حتى اسرار اسرارك والحين يقول انا وش سويت
تركي: انا وش سويت ههههههههه

عند جنان ونوف  كانو يكلمون بعض:

نوف: جنو اليوم خالاتي بيروح عند الخيول شرايك نروح
جنان: يوه مافي حالي
نوف:تكفين اليوم ويكند
جنان: تمام متى بتروحون
نوف: بعد ساعه زي كذا
جنان: اجل المره الثانيه
نوف: مابروح اجل
جنان: تمام بجي بس بتجهز يمكن أتأخر
نوف: تمام
قفلت جنان من عند نوف وراحت لبست جينز اسود و هودي اسود استشورت شعرها على السريع وحطت روج خفيف وبلشر خفيف و مسكارا خفيفه واخذت عبايتها وكانت طالعه شافها سعود اف اف وش ذا الجمال وين راحه
جنان: مالك دخل
سعود: يهو شفيك كذا بس سألتك
جنان: اجل لا تسأل
سعود: تمام انا طالع تبين شيء
جنان: سلامتك
اتصلت تنوف على جنان
نوف: خمس دقايق وبمرك
نوف: تمام جاهزه انا
جات نوف وراحو لبيت الخيول
وصلو ل بيت الخيول
نوف: الله يجنن
جنان: واو حبيت
جنان نزلت راحت للبيت للمعلوميه فيه بيت وفيه خيول وفيه عديه
نوف: ها ما كنتي تبين تجين
جنان: لو ادري انه كذا حلوو كذا جيت قبلك
ام فؤاد: اسمعو كل ثنتين ف غرفه وبعض الويكندات نجي هنا وراح يكون نفس الترتيب
ام جنان: ترا بنمشي قبل صلاه المغرب
جنان: انا وتوته
نوف: عيونهاا
جنان: ما احب عيونها
نوف: بس احب عيونك
طلعو للدور الثاني البيت كان دورين وفيه قسمين للعيال والبنات
جنان: الغرفه ذي حلوه وفيها دريشه ومنظرها حلو
نوف: اي تمام
بدو يرتبون اغراضهم ونزلو يتغدون

عند العيال :

سعود: شرايكم ف بيتنا حق الخيول
تركي: سجلوني ف كرت العائلة
معاذ: انت لو يحطونك الاب زعلت
تركي: يا فاهمني
سعود: ادخلو مافيه احد
تركي: متأكد
سعود: يهو محد فيه اتطمن
تركي من كثر الحماس دخل وبالغلط ل قسم البنات كانت جنان حاطه السماعات وتشرب قهوتها وتشوف مسلسلها كانت ف الصاله دخل وراح للصاله وشافها انصدم بغى يصارخ يحسبها جنيه تعوذ من ابليس وسمعت صوت وحده وتأكد انه في احد طلع تركي وهو متوعد ف سعود
تركي: انقلع تكذب علي وتقول مافي احد
سعود: هي ما كذبت مافيه احد
تركي: كذاب فيه ناس
معاذ: يهو شفيك انت يقول مافي احد ياخي يمكن فيك شيء
تركي: ادخلو داخل وشوفو
سعود: انا بدخل بتطمن دخل سعود دق الباب
جنان: مين
سعود: حس ان الصوت مو غريب عليه استغرب ان فيه احد تنهدت وقال يا جن اطلعو لا اطلع روحكم
جنان: فزت وقالت ف نفسها صوت سعود ذا طلعت له انا الجن ولا انت
سعود: يمه بسم الله جنان يعني طلع كلامه صح
جنان: كلام مين
سعود: استوعب كلامه و بتصريفه طلع كلام احساسي صح ان فيه جن
جنان: لا تحس تأكد
سعود: وش تسوين هنا
جنان: جينا هنا وانا وبنات خالاتي
سعود: هي البيت انا مو لكم
جنان: لا تخاف فيه قسمين
سعود: شكلي مني من القبليه
جنان: ومين قال انك منها اصلاً
دخلت نوف وكانت مفهيه :سعود الله جنان قولي ل سعود عن خطبته المزه
انصدم سعود من كلامها: دقيقه عن اي خطيبه
جنان وهي متوعده ف نوف وقررت تنتقم و تهجدها: يهو كيف تتكلمين عن نفسك و تمدحين نفسك
نوف بفهاوه: ها شقاعده تقولين
سعود فهم السالفه: اجل من الحين ماني موافق بالثلاث
نوف وهي صامله رغم فهاوتها: انت الخسران مب هي
سعود وهو منصدم : انتي بخير يهو شفيك
جنان: صدق انت الخسران
سعود بدأ يفهمها السالفه وش تقصد جنان: والله صدقو ان الصداقه الحقيقه وحده فاهيه وحده فاهمه
نوف: انت طالق مو بس بالثلاث ب العشر
جنان: حتى عشره قليله
سعود :اتفق ههههههههه
طلع سعود وجنان قعدت تصفق نوف : ياحماره وش سويت لك والا تعالي اليوم اللي غبتي فيه
نوف : ياخي ليه كذا انا ربي خالقني كذا لازم احمد ربي
جنان: واو التعزيز عندك لا يطاق

عند العيال:

جاء سعود: اهلي اجتمعو بدون لا احد يديني خبر
تركي كان يهوجس مادقق ف ملامحها كثير : سعود ترا ماني مسامحك
سعود: ياخي انا شكو
تركي: وانا كنت مدرعم وربي حسبت البيت مسكون
سعود: وهو صدق مسكون
تركي: ها يعني مافي احد
سعود: الا يا حمار فيه طلع فيه قسمين للبيت واحد حق البنات والحريم والثاني للعيال وانت دخلت حق البنات
تركي: اها طيب قولي كذا فيه قسمين
سعود: شدراني ياخي
تركي: يلا راضيني
سعود: انت اللي مدرعم مب انا
معاذ: يليل اللي صار صار احمد ربك محد لاحظ