جمعتنا الصدف فكانت اجمل الصدف

بارت 32

صباح اليوم التالي:

صحى وهو مروق نزل يفطر وقابل عمته احلام وهي انصدمت من جاء : سعودد!
سعود: هلا والله بعمتي
احلام: هلا فيك وش تسوي
سعود: جاي تهريب
احلام بضحكه خفيفه : انزل جدك نايف يبيك
سعود: من عنيا ليك تؤبريني
نزل ودخل الغرفه ولكن انصدم من شافتها هي واخوها وشهق : بسم الله ، معليش
تركي حس الصوت مو غريب : مين كأنه صوت سعود
الجد نايف: هو اساسا
تركي: يلهوي
' طلع من الغرفه تركي وانصدم ومن شافه وجلس يناظر فيه
سعود: شفيك شايف انس ولا جن
تركي : دقيقه دقيقه انت قلت بروح اريح راسي يومين والقاك جاي هنا
سعود: احمد ربك كنت بسافر ترا بس قلت ليه ما اروح الديره كذا
تركي: كذوب ادري ماتقدر تبعد عني
سعود: والله قادر بس نقول صدفه
الجد نايف : سعود تعال نجد راحت
سعود بفهاوه : مين نجد
الجد نايف: بنتي
تركي: افا نسيتني
سعود: يلا اجلس افطر
سعود وهو يشرب الشاهي : والله فنان مين سواه
تركي: انا
الجد نايف: لا تكذب نجد سوته
تركي: جدي صريح بزياده الله يحفظك
سعود: ماشاء الله
تركي: جيت لحالك ؟
سعود: ايه
تركي: ترا اهلك جو
سعود: كذوب
تركي: وربي
سعود: غريبه
الجد نايف: سالم بيجي الديره اليوم لان كان بالرياض
سعود وهو يحاول يخبي عصبيته: يوصل بالسلامه
خلصو فطور ونادى الجد نايف سعود بالمجلس
سعود: هلا
الجد نايف: شغل سيارتك بروح معك مكان نتكلم فيه
سعود: ابشر

| في فرنسا عند معاذ واديم |

معاذ: صباح الخير
اديم: صباح النور غيبوبه ولا نومه
معاذ: ههههههههه قومي نفطر
اديم: دقيقه بتصل على تولين واقول لها بجي عندهم
معاذ بضحكه : والله احنا وين
اديم وهي تناظر : نسيت ها اسمع ترا نبي نطول شهر شهرين
معاذ: ابشري يخوفي تنادين البنات
اديم: شدعوه اساسا ذحين اجازه خلاص مافي دراسه
معاذ: يلا قومي
اخذت شور ولبست بنطلون اسود وبلوزه سوداء وجاكيت طويل وحطت مناكير حمراء ونزلو يفطرون
معاذ بهمس: كل الانظار عليك شسالفه
اديم: من الجمال طبعا
معاذ: اغار
اديم: ههههههههه واه يعزتي مين باقي يغار

طلعو لحديقه ويشربون قهوه وكان فيه مرجيحه طويله وكان الوقت برد و ثلج اديم : ابي العبها
معاذ: من عيوني كم ديمو عندي
اديم بخجل : يحظي بس
جلست تلعب وهي تصوره وجاء موقف ابتسمت لا شعوريا منه كان في بنت معاها ورد احمر ولابسه نفس لبسها وتكلمت: خذي هذي لك يا حلوه
ابتسمت وانصدمت انها تتكلم عربي وضمتها اديم لا شعوريا وراحت اشترت لها حلاوه ومعاذ كان معها
اديم: وش اسمك
توق: اسمي توق
اديم: يا حلوك وياحلو اسمك
توق: باي احبك
اديم بضحكه وحب : انا اللي احبك باي
جات ام الطفله : تبين تلعبين معها في مدينه الالعاب؟
اديم وهي الدنيا كلها فراشات : والله عادي
ام توق: اي والله عادي واضح حبتك
اديم: انا الي حبيتها الله يحفظها لك
ام توق: امين ويارب تجيك بنت ولا تنسين سميها توق
اديم: من عيوني توني متزوجه
ام توق: والله مبروك يروحي الله يسعدك
اديم: الله يبارك فيك
راحو يلعبون ومعاذ مبسوط كثير كان يبي يعوضها عن كل شيء ومايبي يشوف دمعتها بس يبي يشوف ضحكتها