جمعتنا الصدف فكانت اجمل الصدف

بارت 6

جاء العصر وسوت قهوه كوبين لها ول نوف
جنان يهو شفيها نامت : تنوفي القهوه
نوف وهي ميته نوم : مابي ابي انام
جنان: خاينه غداره
طفشت وطلعت عند الخيول كانت بتركب خيل

عند العيال :
تركي: بروح اركب خيل طفشت
سعود: اذا راح معد يرجع اهجد
معاذ: خله فكه منه
تركي: صح كلامه
محمد: خلوه يروح روح
تركي: ياخي تجنن انت
راح وكان لابس جينز اسود و هودي اسود واختار خيل بني وكان واقف عند الخيل ومحتار وين يودي جواله

عند جنان:
كانت رايحه وماخذه كوبين قهوه لين وصلت نص الطريق واستوعب بعدين طنشت وهي تقول ف بالها لي وللجني
كانت ماشيه وشافت عند الخيل واحد لابسه جينز اسود و هودي اسود طالعت فيه وف لبسها وهي تقول ف نفسها يهو ذا مرايه مسوي ماتشي معي حسبته سعود
جنان: يليل ي النشبه ولا بعد مطقم معي وانت ووجهك
التفت تركي وشافها وهي انخرشت : مين انت
تركي: انتي اللي مين وطالع ف لبسها وهي تتطالع ف لبسها
جنان طالعت فيه وهي تقول ف نفسها وش ذا المز: وربي صدق انك مرايه مين انت
تركي كان يبي يقول اسمه لكن قال اول اسم جاء ف باله: انا عمر
جنان: وش تسوي هنا
وكذب عليها وصامل يكذب: ابوي يقول ان هذا مكان اصاحبه ومشترك فيه
جنان: وين يا الحبيب ذا مكان خوالي
تركي: خوالك او اعمامك ابوي يكون صاحبهم ومين انتي ؟
جنان : اريام خذ القهوه سويت ثنتين لي ول وحده ونامت
تركي حس انها مي غريبه عليه كانه شايفها نسى ان دخل بالغلط : شكراً
اخذت جنان خيل ابيض وهو بني
جنان كانت تطالع فيه واعجبت فيه وهي تهمس ف نفسها شكله يجنن
تركي: تسابقين ؟
جنان: تم بس مابي هنا نروح ورى
تركي: تم واللي يفوز وش جائزته
جنان: كفين
تركي: مب وقتك الجائزه قهوه
جنان: تستهبل ومين اللي ماخذين قهوه طلع شيء ثاني
تركي: اللي يخسر يعطي جائزه للي يفوز مايهم وش تكون
جنان: تم
طلعو ورى البيت ومحد حس عليهم
تركي: من هنا بدايه السباق لين هناك
تركي: موافقه
طالع فيها تركي وحس انها تشبه احد ونسى ان قالت سعود لان كان مفهي
جنان: يلا واحد اثنين ثلاثه
كانو يتسابقون وماحسو بالوقت ابد

ف بيت الخيل:

سعود: انتو اركبو السياره وانا بودي اهلي
سعود: يمه بوديكم انا
ام ماجد: لا خلاص ابوك بيجي
سعود: تقسمو ف سيارتين يلا
ركبو السياره الاولى وهي
سعود_معاذ_ بدر
والثانيه
ريان_محمد_فارس
كل الاهل ركبو السيارتين ولا جاء ف بالهم جنان وتركي محد فقدهم

عند السباق

تركي : ها يا اريام وش صار
جنان: لا تخاف يا حبيبي الفائزه انا
تركي: نشوف طيب
ركضت جنان بالخيل وتركي كان منصدم من سرعه الخيل
تركي: هي شوي انتبهي ل نفسك يهو
جنان: مالك دخل سابق وانت ساكت
وصلت جنان وفازت وبعدها تركي
تركي: مبروك
جنان: الله يبارك فيك وكانت تطالع فيه مشبه فيه بأحد
جنان وبكل فجعه: المغرب جاء
تركي وبكل فهاوه: مين المغرب
جنان: يا حمار بعدنا عن البيت وامي قالت بنمشي المغرب
تركي: ياربي شنسوي
جنان: وتقول بعد شنسوي حمار نرجع
كان يركضون ب اقصى ما عندهم وصلو وكان الباب الكبير حق الحوش فاتح
جنان: الحمدلله
تركي: وين الناس
جنان وبكل حزن : لا بارك الله فيهم استغفر الله نسوني
تركي: يمكن جوه هم شدراك
جنان: ياغبي امي قالت قبل المغرب نمشي حمار الله لا يوفقك ي تنوف ما فقدتيني هذا وانا مسويه لك قهوه يا حماره واخذها حمار واو الوراثه السريعه
تركي ورغم كل التهزيء الا انه قاعد يضحك
جنان: وش يضحك بالله
تركي بعد لحظه الادراك وهو يقول  ف نفسه وين سعود والعيال
جنان بكل ذكاء : امش نروح بسيارتك
تركي وهو صامل يصرفها : ابوي جابني وقال عمك بيجيبك
جنان: اتصل عليه دقيقه جوالي وينه
تركي : جوالي صح ياربي والله البلشه
جنان: حمار وربي
تركي: انتي اللي قلتي ورى البيت
جنان: مسوي طالع منها انت ووجهك انت طولت السباق
جنان: دقيقه معاي مفتاح البيت طلعت المفتاح وفتح
تركي: شنسوي
جنان: ياذكي روح دور طريقه
تركي :مشتهي شاهي
جنان رغم التوتر الا انها ضحكت : شرايك اخليك شاهي وابيعك مجاناً
وتركي وهو بصوت عالي : ابوك يا الاجتماعيه البطله
جنان وهي تطالع فيه : حبيبي شنو فيه
جته لحظه الادراك المتأخره وهو صامل يهبد : الله فله شرايك نسوي مغامره
جنان وهي صامله تصفق جبهته ب الهبد: شرايك اخليك مغامره للكلاب
جنان: ادخل
دخل تركي البيت وجته لحظه الادراك اللي لما شاف وحده وجات ف باله صاحبتها مو هي
تركي: ماشاء الله يجنن
جنان ورغم انه عصبها الا انها قالت ف نفسها انت اللي تجنن
جنان: امش نسوي شاهي وفشار ونشوف فلم
تركي: صادقه ولا تمزحين
جنان: شرايك يعني اكيد صادقه الظاهر انا مني بنته وتخلصو مني ب ذي الطريقه تركي وهو يقول ف نفسه شكلي حتى انا مني صديقهم غدارين
تركي: يلا تمام امشي
جنان: وش جوك ب الافلام رعب او ايش انا رعب
تركي: ماتشي ماتشي