جمعتنا الصدف فكانت اجمل الصدف

بارت 36

| في تركيا |
قام الساعه سته  وجلس يسوي رياضه وبعدها انطلق للشركه وكان في اجتماع معه مع تركي وسأله خالد سؤال انصدم منه : هل بترجع صداقتك مع تركي قبل
سعود ب اندهاش: هي ما انقطعت اساسا بس ابتعدنا
خالد: يعني ماعندك اي مشكله انه يشتغل معك
سعود: لا ابد
خالد: تمام عندكم اجتماع بعد شوي
_____
اديم كانت بالمستشفى تفطر وماكانت مشتهيه وام محمد وام عبدالعزيز يحاولون فيها
ام عبدالعزيز : كلي يا بنتي
اديم: مابي ياخي
ام عبدالعزيز : يا بنتي الله يهديك
ام محمد: ل صحتك
اديم: ابي انام
ام محمد: كلي بعدين نامي يالعنيده
اديم ابتسمت من كلمه العنيده : عنجد انا بعرف حالي

حاول يهرب من السجن ولكن جاه شخص من خلفه وهو يقول : اوه على وين
حاول يهرب منه ولكن ماقدر كان اقوى منه وسأله: مين انت بعد عني
تكلم بصوت حاد ارعبه: الفارس المفترس
ابو محمد تجمد بمكانه : ها مين انت وش تبي مني
عبدالعزيز : انا اللي اقبضت القبض عليك كيف نسيتني
ابو محمد وهو يتذكر : عبدالعزيز!!!
عبدالعزيز : كنت داري و انعجبت من كثر غبائك لو حطيت واحد في الميه ان انا ممكن نقول ربع ذكاء فيك
ابو محمد: بعد عنييي
عبدالعزيز : انتهت القصه
حاصر الفريق ابو محمد وكانو يدرون ب هروبه وخطته والقوا القبض عليه واعلنو قرار ان السجن مؤبد
_____
في تركيا :
دخل سعود مع تركي الاجتماع ومعه كم شخص
سعود: الموظفين كافيين ولازم نرفع نسبه البيع
تركي وهو يسلك له :تمام 
سعود: الشركه تقريباً تحسنت بكثير
تركي : مدير سعود ممكن اطلع من الاجتماع
سعود بعدم فهم : ممكن افهم سبب طلوعك
تركي وهو يحاول يخفي ضيقته: لازم اروح ل اهلي لان عندنا عزا
تجمعت الصدمه بعيون سعود وهو يسمع كلمه عزا من تركي جلس يفكر مين اللي توفى !!! وسأله مباشره : تركي ممكن اعرف مين توفى
تركي: ممكن اطلع لان ابي الحق على الدفن لو سمحت
سعود ب اصرار : انا قلت لك مين توفى
تركي: صاحبه اختي
سعود جلس يفكر هل ممكن جنان وشال التفكير من باله رغم ان قلبه يعوره : مين هي
تركي: خصوصيه
سعود ب اصرار وعصبيه : قلت لك ميييين جاوب
تركي وهو يبكي ويحاول يكتم الضيقه: بنت عمي افنان
انصدم سعود من بكاء تركي وتركي غادر الاجتماع وجلس يفكر كيف توفت وغمض عيونه كيف نجد بتتحمل كل ذا وهو قلبه يعوره كان وده يروح الديره ولكن ماقدر الظروف حاصرته غادر الاجتماع وراح للبيت فواراً
___
في الديره :
جلست نجد تبكي ب غرفتها وكان معها جوال افنان وتبكي ب اقوى ما عندها وتشاهق كيف كذا عرفت غلطتها وتابت و تتوفى ماكنت مستوعبه ولكن بس تبكي اخذت جوال افنان وفتحته ودخلت على المخالطات بالغلط وجلست تقرأ ....
نجد سامحيني داريه ان ما استاهل المسامحة لان اللي سويته فيك مو قليل لكن اذا رحت من ذي الحياه اذكريني ب شيء جميل وادري ماسويت شيء جميل لك واتمنى تسامحيني لان احس رايحه من ذي الدنيا وتبت عن كل شيء سويته لك اكثر انسانه تعبتها في حياتها هي انتي تمنيت ان ما صار كذا ولكن وين التمني ماراح يفيد صار اللي صار وشكرا انك سمعتيني صدق قلبك طيب كثير مثلك لا تزعلين ولا تنزل دموعك طالبتك لا تنزل دموعك كفايه ان نزلت دموعك قبل واتمنى تتزوجين الشخص اللي تحبينه وتكونين سعيده كثير معه و ترا ...
قالت لها كل شيء اللي قالته ل سمو
نجد: افنان كانت متزوجه ،
كملت الرساله وهي تقرا
وكأن كل شيء صار لي عقاب من ربي على اللي سويته لك ولكن جات فرصه وشفتك في حلمي ان تكونين وراي واطيح بنار من حرارتها لونها اسود صدقيني الحلم ذا وكأن جاء من ربي فرصه و الحمدلله واذا رحت تصدقي عني وخليك افضل مني بكثير ، الرساله ل نجد .
انصدمت نجد كثير ودموعها فجاءه معد صارت تنزل اخذت شور لها ونامت بعدها
-
جاء الخبر ل اديم وبكت وعزت البنات وكملت نفاسها في بيت ام عبدالعزيز
—
في بيت الجد نايف:
جو الناس يعزون ام سالم والبقيه
ام فهد: عظم الله اجرك
ام سالم: جزاك الله خير
ام فهد: هذا المكتوب وذا يومها واقول من حقك تتضايقين وذي الحياه كلنا راحلين
ام سالم: ما اعترض على قضاء ربي بس بنتي صغيره
نزلت نجد عند البنات وهم يحاولون يواسونها
سمو : قضاء وقدر يعيوني
نجد ببرود: ادري
طلعت السطح في بيت افنان تشوف الحادثه وكيف وفعلا كانت المسافه بعيده وطلعت السطح حق جناحها وهي تحاول تهدي نفسي وحست بيد من وراها ولفت وانصدمت من شافته : تركييي
تركي وهو يهز راسه : اي
نجد: وش تسوي هنا
تركي: ذا سؤال ينسأل
نجد: اسفه
تركي: استأذنت من المدير وسمح لي
نجد: وش ذا المدير البطل
تركي : تدرين مين هو المدير
نجد وهي تهز راسها : لا
تركي وهو يناظر فيها : المدير هو سعود اخو زوجتي
بانت ملامح الصدمه في عيونها : كيف لا مايجي
تركي: مع الاسف ماكنت مستوعب ولكن عادي
نجد: ايوااا ترا حلو
تركي وهو يضحك : بس غريب احس
نجد: ان والقلب كلكم لعبه
تركي: اححح
نجد: اعطيتك الصراحه .
كانت جالسه تبكي في الحوش تبكي وهو فز قلبه من شافها وتقدم لها لان مافي احد وجلس جنبها : قضاء وقدر ربي كاتب
ريناد وهو تشاهق: صح كنا نكرها بالبدايه لكن حبيتها وتغيرت كثير
ريان وهو يحط يده على كتفها: بس فكرو ب شيء ايجابي تغيرت قبل لا تتوفى طيب تخيلي اذا ماتغيرت
ريناد قلبها عورها من كلامه : اف ريان لا تزيدها علي
ريان: انا مو جالس ازيد
ريناد وهي تغطي وجهها: كيف بتخطى
ريان: مع الايام تعرفين الجواب
ريناد وهي تناظر فيه بلطف: عيوني تعورني من البكي
ريان وهو يتأمل عيونها : حتى وانتي زعلانه عيونك تجنن
ريناد بخجل: قول والله
ريان وهو يضحك : والله
ريناد: تدري بديت اقتنع بكلامك
ريان: انا احسب اقتنعتي وانتي توك بديتي
ريناد بكل برائه : بطلب منك طلب
ريان: اطلبي سمي
ريناد: مشتهيه قهوه
ريان وهو يقوم : من عيوني كم ريناد عندي
ريناد وهي تضربه بكتفه: وحده
ريان وهو يمشي ويعطيها ظهره : لا ثنتين
ريناد: وين الثانيه
ريان: ب عيوني
ريناد وهي ترمي الحجر عليه : يلا برا برا
____
جلس يمشي في شوارع اسطنبول ولابس تيشرت وبنطلون جنز وجاكيت طويل ولابس السماعه وهو يمشي وجالس يفكر ب اشياء كثيره وهو يحاول يستوعب وش صار وكيف صار واخذ جواله وهو يتصل على الجد نايف .
انصدم الجد نايف من شاف الاسم وكان في وسط العزا ورد عليه : هلا سعود
انصدموا الكل من سمعو اسمه وتركي خانقته العبره تمنى انه معه وجنبه ورد سعود على الجد نايف: هلا فيك يا جدي
الجد نايف بحزن : كيفك وكيف الشغل
سعود: بخير الحمدلله تطورت الشركه
الجد نايف: ابيك ترفع راسي يا ولدي
سعود: ابشر
الجد نايف: فيه شيء
سعود: ابي نتكلم على انفراد يعني مايكون احد
الجد نايف: تمام ابشر اعطيك خبر
سعود بحزن : عظم الله اجرك يا جدي
الجد نايف وهو يغمض عيونه: جزاك الله خير
قفل المكالمه وهو مو قادر يستوعب اي شيء ورجع للبيت وحط راسه ونام