جمعتنا الصدف فكانت اجمل الصدف

بارت 37

احتمال كبير ان الختام بكرا ،

| تسريع الاحداث |
كان تركي يكلم سعود وكان تركي يسوق
سعود: وين رايح
تركي: بجيب حلا ل اختي واختك
سعود: هييي زوجتك هي
تركي: تبرت مني
سعود: الحين عرفت محد متحملك غيري
تركي: مشتاق لك
سعود: اذا تبيني اجي تم
كان تركي مندمج مع سعود ولا انتبه للي قدامه وصدم في سياره وفقد الوعي وسعود كان يصارخ : تركييييي تركييييي
كان مغمى عليه والسياره متدهوره حالتها وكان سعود شايف كيف حالتها لان الجوال كان على وجه تركي والسياره كيف حاول سعود يدق على العيال كلهم ولا احد رد قرر يتصل على الاسعاف ويعطيهم العنوان لان الطريق اللي رايح له طريق مختصر ولا فيه ناس

| الديره |
كانو البنات ينتضرون الحلى
نجد: والله لو اني قايله له جيب المحل بكبره
جنان: حتى ذا كان جاء بدري
ريناد: يشيخه عادي معليك تصير يتأخرون
ام فهد بخوف: قلبي مو مطمن
ناظرو فيها البنات ونجد خافت : اكيد زحمه

تكلم الدكتور وهو يقول : جهزو غرفه العلميات بسرعه الحاله حرجه
دخلوه غرفه العلميات وتدخلو اطباء كثير لان حالته حرجه وكانت نسبه العملية ذي نسبه ضعيفه جداً انه يعيش ولكن مافي خيار للاطباء وسو العلميه وجلسو ساعات يسون فيها
ام فهد: ولدي ليه تأخر كذا كله حلا وراجع
ام ماجد وهي تهدي فيها : سمي بالله يمكن نسي وراح عند العيال
نجد بخوف: ادق عليه ما يرد
جنان : المشكله جواله مو مقفل
ام فهد وهي تبكي: ولدييييي اكيد صار شيء
راحت نجد عند جدها تعطيه القهوه ولاحظ ملامحها غريبه : شفيك بنتي عسى ماشر
نجد ماقدرت تكتم اكثر : تركي له ساعات ما يرد
فز الجد نايف بخوف: كيف ما رجع
نجد: اتصلنا عليه ولا يرد
الجد نايف: متى اخر مره شفتوه
نجد بخوف وهي تبكي : قبل صلاه العصر وذحين ما يرد ابد حطينا اكثر من احتمال ولا جاء
الجد نايف قلبه عوره : يصير خير يا بنتي ذحين نعرف خير عنه
دق الجد نايف على عبدالعزيز وتكلم معاه : يا ولدي اقدر تعرف عنه اي شيء
عبدالعزيز : يا عمي والله لو بيدي تحريت لكن ما صار له اربع وعشرين ساعه مختفي
الجد نايف ب اصرار: حاول تعرف موقعه
عبدالعزيز : تمام ارد عليك بعد ساعه
الجد نايف: مشكور يا ولدي انتظرك
-
طلع تركي من العمليات ولكن حالته حرجه لازم نتبرع بالد*م و تبرع شخص فيه وينتظرون تغير في حالته لانه كان بالعنايه المركزه
دخل الجد نايف بخوف ورعب من جاء خبر تركي وهو على اعصابه ومعاه العايله
فهد: ممكن اعرف ب اي غرفه تركي نياف*****
الشخص: عفواً بس مين انتو ؟
الجد نايف: اهله وين انطق
فهد: هد بالله
الشخص: مع الاسف ما اقدر اعطيكم معلمومات حالياً ولكن هو بالمستشفى
فهد بصدمه: هو اخوي كيف ماتقدر ليه قوللللل
الشخص: اعتذر بتعرفون عنه اخبار لكن مو الان
الجد نايف بعصبيه : قولللل وينه
كان ماشي الدكتور وسمع الصراخ : لو سمحتو ممكن هدوء المكان مو مكان مصارعه ذا مستشفى
الجد نايف: ولدي ورافض يعطيني اي خبر
فهد: ف اي غرفه
الدكتور: عفوا مين انتو
فهد: اخو تركي نياف•••
الدكتور توسعت عيونه بصدمه:  جانا ذا الشخص و تبرع له شخص بالد*م والشخص ذا رفض نعطيكم اي معلومات وبالنسبه للشخص عبدالعزيز اللي خليته يتحرون تكلم مع الشخص ذا
الجد نايف بصدمه: كيف ومين ذا اللي ما نعني
الدكتور: مع الاسف اذا تبون تنتظرون انتظرو ما اقدر اخليكم تشوفونه الا لما يقول
الجد نايف ناظره بحقد: تمام ننتظر
فهد: اللي تقوله
نقلوه على الغرفه بعد ما تحسنت حالته و فتح عيونه وهو يناظر بالغرفه بيضاء وانصدم من شاف الشخص وشهق بصدمه وتوسعت عيونه: سعودد!!
سعود وهو يسجد شكر لله : الحمدلله صحت والحمدلله على سلامتك
تركي وهو يبكي لا ارادياً : كيف كذا
سعود وهو يبتسم ويقول له : يوم كنا نتكلم دقيت انا على العيال لكن ما ردو وبعدها على الاسعاف وبعدها على عبدالعزيز وطلب جدي منه يعرف وينك وانا هنا وماحبيت استقبلهم ب ذا الشكل و الكل معصب ويبون يعرفون مين انا
تركي وهو يغمض عيونه من الالم : قابلتهم
سعود وهو يهز راسه: لا
تركي وهو يناظر فيه وهو يدمع : بترجع
سعود وهو يهز اكتافه : مدري
تركي وهو يعدل جلسته وسعود ساعده وهو يتكلم ب الم وعدم استيعاب: ليه جيت
سعود: اتطمن عليك واشوفك
سعود ضم تركي وكلهم بكو ودخل الجد نايف ومعه العائله ب اصرار من الجد نايف وفهد توسعت عيون الجد نايف بصدمه وهو يقول : سعوددد
لفت سعود على جده وجلس يناظر في تركي وتركي يناظر فيه : هلا
فهد وهو يتقدم ويحضنه : يا هلاااا فيك نورت واخيراً رجعت
بادله الحضن و تقدم يسلم على جده: اعتذر انك ما تدري ولكن كنت ادري قبلكم وانا اللي تبرعت له
الجد نايف وهو مصدوم : ليه ما قلت انك راجع و لين منعتنا ليه يا ولدي
سعود وهو يبتسم : لان شفت الحادث وكيف صار
تركي: فدا
كانو جنان ونجد برا المستشفى ويحاولون يواسون بعض ويبكون دخلو المستشفى و انصدموا ان مالقو الكل مو ف المكان ناظرو بعض وسألو الاستقبال
الشخص: الغرفه رقم **
ركضو نجد وجنان للغرفه وشافو رجال ومن كثر خوفها عليه ضمته وهي تقول : اخخخخ الحمدلله انك بخير
اما جنان كانت مصدومه وتحس بدوخه وانتبهت ل شخص ناظرت فيه بتدقيق وحست تشبهه ب احد بس ما تدري مين هو طنشته وراحت ل تركي توقف عنده لان فهد كان موجود
تركي وهو يضحك من فهاوتها انها ما انتبهت ل اخوها وهو يقول : تدرين ان كنت اكلم سعود وصدمت
جنان تناظر نظره تخوف بس هزت راسه
نجد: ما تنتبه للطريق انا موصيتك حلا بس
تركي: انا شدخلني طيب
نجد وهي تقبض يدها بعصبيه : يويلك تتصل على احد
كانو جنان ونجد معطين سعود ظهرهم ونطق تركي وتكلم وصدم جنان : تدرين الشخص اللي تبرع لي هو سعود
جنان بشهقه: هاا وش تقوللل انت سعود مب هنا مشبه احد فيه
استوعبت اللي شافته ولفت عليه وشهقت وهي تبكي من كل قلبها : سعوددد انت
سعود وهو يبتسم ويهز راسه: اي غريبه ما عرفتيني ولا السنين ذي نسيتي شكلي
تجمدت نجد من سمعت الصوت ومن لفت جنان وضمتها ولفت وراها وشافته ولكن هو ما ناظر فيها وطلع برا المستشفى ولحقها فهد وطلبت منه يرجعون البيت
فهد: تبين قهوه او شيء
نجد وهي تهز براسها : لا مابي
وصلها البيت وارتمت على السرير ونامت بدون لا تحس