جمعتنا الصدف فكانت اجمل الصدف

بارت 19

عند عبد العزيز:

كان ينادي على امه يبي يطلع يشوف اذا بتحتاج شيء وشاف رنيم : تحتاجين شيء
رنيم: سلامتك بس بروح عند لجين
عبدالعزيز: اجل يلا اوصلك
رنيم: وي ما يحتاج البيت قريب
عبد العزيز: تمام انتبهي ل نفسك
رنيم: ليش خايف علي مثلا وانا مدري ههههه
عبد العزيز: شوفو بس اقول لا يكثر يلا اذلفي
رنيم: من عنيا ، راحت ل لجين بحكم ان بينهم سنتين قعدو يسولفون شوي ورنيم شكت ف لجين وسألتها لان نظراتها مي طبيعيه : وش فيك يروحي
لجين: بسألك بس ما تعلمين عبد العزيز ، الا دخل فجاءه وتنهد وهو فيه ضحكه: وش اللي ما تعلمني هو ، انصدمت وحست انها انتهت من سمو وحاولت تتدارك الموضوع بسرعه : انك كريه
عبدالعزيز: شكرا الصراحه توي ادري امي مرسلتني عشان تذلفون البيت قاعدين لحالكم هنا
رنيم: شدخلك انت ووجهك
عبد العزيز: يحلوي لا يكثر
لجين: بسألك انت هي
عبدالعزيز : شعندك اسألي
لجين: قعد رحت بيت خيول او كذا ، حاول يتذكر وتذكر بس انصدم من سؤالها : ليش تسألين
لجين: فضول شوي وش اللي ليش
عبدالعزيز: ايوا قد رحت ادور على اخوك البزر ، ودخل معاذ ونطق : مين البزر
عبد العزيز: ما ندري
رنيم: اي كملت السالفه ، حست انها غبيه لو سألت معاذ ابرك منه وتدعي ان سمو ما تعطيها محاضره
عبد العزيز: ايوا كملي ليه سألني
لجين: بس كذا احب الخيول ودني هو
معاذ: شسالفه
عبدالعزيز: تقول قد رحت بيت خيول او مكان
ناظرت معاذ فيها واستغرب : شسالفه
عبدالعزيز: اقوله السالفه يقول شسالفه
رنيم: اعرف منها السالفه انا وشكرا يلا نروح البيت
لجين: يويلك مني لو تكون انت تفهم
عبدالعزيز: ليه شسويت ياخي
لجين: اكيد انت بس كفو عليك
عبدالعزيز: صاحيه انتي ولا نايمه اقول يا ويلك وكفو عليك ههههههههه
معاذ: مهبوله ذي
لجين: شتقصد
رنيم: امشي يلا بيتنا بزران ذول ، راحو ل بيت عبد العزيز بحكم ان ابوه متوفي وجلسو ف الصاله وتكلمت رنيم ونظراتها مي طبيعيه : قولو لي وش السالفه
لجين: استخباراتيه ولا تحقيق ، وقالت لها السالف
رنيم: بس كذا روحي اسأله اجل ، دخل عبد العزيز ونطق وانصدمو : ايوا انا يا العصابه ، شهقت وهي ما تبي تناظر وراها ونطقت :كفو عليك تعجبني شوي مو كثير
عبدالعزيز: ما يهمني رأيك
سما: حدك على اختي هي
رنيم: وينك مختفيه
لجين: اكيد من مسلسل ل مسلسل طبيعي
ام عبدالعزيز: بروح عند جارتي اقعد عندها يا ويلكم وعلى طول فهموها وضحكو

عند تركي :

جاء من صلاه الجمعه وقابل احد معارفه سلم عليه ورجع البيت وقابل اخته تنظف البيت هي و رسيل معصبين ضحك وهو يقول : هذي الطريقه الصح للفضفضه
نجد: ايش عيد ما اسمع ، ولحقته ب الصابون الا طاح وقعدو يضحكون ودخل فهد وشاف تركي وقعد يضحك وجاء بيساعده  الا طاح معاه تكلمت نجد وهي ف عيونها الانتصار : ناس ماتجي الا بالعين الحمراء يلا انت وياها يلا مسحناكم بالارض كذا يلا
فهد: الدنيا دارت حسبنا الله
رسيل: انطم يلا
تركي: مين الكلب اللي مزعلكم
رسيل: انت
تركي: الشره على اللي يسأل صدق
فهد: قومني يهو تكسرت
نجد: ايوا نكمل يحياتي
رسيل: كريه مره غثيث يهو شوضعه ذا
ناظر فيها تركي وحس انها تقصد سعود : الله يوفق ويسعد اللي تتكلمون وتحشون عنه ترا باخذ حسناتكم
نجد: خلصت استاذ تركي يلا انقلع ، طلعو فهد وتركي ل غرفه فهد وقعدو نجد ورسيل يضحكون
رسيل: حرام بس يستاهلون اكيد نراضيهم
نجد: اتوقع تركي عرف عن مين اتكلم
رسيل: طبعا ههههههههه ، جات ام فهد وشافتهم والبيت كله حوسه ونطقت : الله لا يبارك ف عدوكم يشيخه
نجد ورسيل :امين ، طلعو فهد وتركي وناظرو فيهم ونطق تركي: عدوهم ابرك منهم
نجد: الايام بيننا يا توتو
تركي: توتي احسن
ام فهد: وانت الله لا يبارك ف عدوك اجل الحين انت تعال تنظف معهم يلا
تركي: شدخلني يا امي انا
ام فهد: وتعال انت معه
فهد: انا
ام فهد: لا اجل انا ايوا انت
فهد: سمي ، ونزل نظفو وخلصو كل شيء
تركي: ليتني ما تدخلت
رسيل: فعاليه بالعكس
نجد: احد بيطلع اليوم ف الليل ، رن جواله وشافه مكتوب سوسي ورد : هلا يا حياتي انت
سعود: ياليل لا تتغزل فيني اسمع اليوم باليل نبي نطلع طفشت
تركي:اليوم باليل مدري يمكن يكون عندي شغله
نطقت رسيل: يا مدري شسمك اخوي اليوم مو فاضي
ناظرت فيها نجد نظرات حقد وا اوريك
سعود : مين ذي
تركي: اختي
سعود: المهم نخليها العصر ماراح نأكلها
تركي: تم بس وين
سعود: لا تعلم احد عن الخيول
تركي: اجل تم وناخذ قهوه
سعود: تعرف الجواب ما يحتاج
تركي: يا فاهمك ، وقفل ونطق: عندي مشوار بعد شوي كذا
نجد: مين ذا
تركي: مالك دخل لا تتدخلين ، وغمز
وهي عرفت: تمام بس لا تتأخر
تركي: ابشري