جمعتنا الصدف فكانت اجمل الصدف

بارت 31

جنان: تتذكر لما نسيتوني هنا ؟
سعود: ايوا
جنان: كان تركي موجود وقبل ما اضيع كنا وانا ونوف بنطلع بالخيول قلت لها بسوي قهوه وبعدها نامت وشفت تركي حسبته انت واتوقع ان كنا مطقمين انا وهو  وتسابقنا وكان تحدي ولما تسابقنا انتم رحتو ونسيتوني وانا نسيتكم خلصنا السباق ورجعنا وانا جلست اصيح وهو ماكان عنده مفاتيح سيارته ومحد جواله معه ودخلنا وسوينا شاهي وكذا وبعدين جيتو وهو جاب لي مع نجد هديه سلسال عشان التحدي وبس كذا

سعود ب صدمه وهو يحاول يستوعب وفيه برود: يعني مكذبه علي وهو مكذب علي؟
تركي كان يسمع كل شيء ومصدوم ويناظر ف نجد: نجد تعرفين ليه ياخي
نجد: اصبر
سعود مليون سؤال ف باله: طيب دامك تعرفين انه خوي وكذا ليش سويتي كذا وليش ما تغطيتي جنان تراه مايحل لك! افهميي
جنان بدموع وضحكه: اول شيء ماكنت ادري انه خويك اساسا وثاني شيء عقلي ماكان معي بس تبت
سعود: كيف ماتدرين
جنان بضحكه : بالاساس كان مكذب ب اسمه وانا مكذبه ب اسمي طبيعي ماراح اقوله ما اثق ف اي احد
سعود ب استغراب وضحك غصب عنه بحكم انه عارفه وفاهمه: وش كان اسمه دقيقه خليني اخمن اسمه عمر صح؟
جنان ب شهقه: دقيقه انت تدري عن كل شيء اكيد قلك هو
سعود وهو يفطس ضحك: لا بس يحب الاسم ذا ودايم كذب فيه علي وهو اللي دخل فجاءه عليكم صح
جنان ب ابتسامه : متى دخل يمه ما انتبهت
سعود: المهم كيف ما عرفتيه خلينا نتخطى الاسم وش اسمك انتي
جنان: اريام شفيك سعود بارد سعود اصحى
سعود: اي كملي
جنان: وهو مكذب علي انه خواله ومدري ايش المكان مشترك اتوقع ناسيه السالفه
سعود: بكل فخر يكذب وانتي مصدقه
جنان: من كثر الخوف مصدقه
سعود بصوت حاد: اريام
جنان فزت: هلا ها
سعود بتنهد: اسمعي هاتي السلسال والتحدي كان تحدي واللي صار صار يعيوني اهم شيء عرفتي غلطك واعترفتي وقلتي انك تبتي اغلاطنا لازم نتعلم منها ماراح يفيد الندم كثر التعلم محد منا قد غلط ودامك عرفتي غلط اعطيني السلسال
جنان بضحكه: تراه تحدي
سعود ب صدمه: ايششش كل ذا كذب يعني؟
جنان: لا لا يعني جاني تحدي من اخته ان اقولك كل شيء لا الكل يدري ماعدا انت
سعود بضحكه قويه: يعني ذحين الكل يدري ليش مخوفكم انا اوه طلع لي هيبه
جنان: السلسال ف بيتنا المهم بروح باي
تركي وهو يسمع كل شيء ومصدوم من سعود لان من طبعه يصعب تكلم من فوق : سعودي ترا سمعت كل شيء انا ماليش دخل انا مش عمر انا تركي
ناظر سعود فوق وهي نزلت للبنات : ايواا مش انت بالاساس ما اعرفهم الاثنين
تركي: اقوى غدره
سعود: فيه بيننا كلام السلسال انزل
تركي: ليك بتعرف الجو هون كتير منيح
سعود : عنجد ليك انت خلك هون انا بجي ل عندك
تركي: ليك يا زلمة اقعد لا تتعب حالك
سعود: لا لا اي تعب مافيهاش اي تعب ليك وبتعرف انا كتير مشتاق لك
تركي: ليك والله رحت فيها

| عند عبدالعزيز |

كان جالس مع معاذ وابوه تنهد عبدالعزيز: وش نسوي
معاذ: بيجي يوم وينكشف كل شيء
دق جوال عبدالعزيز وكان رقم غريب رد عليه: الو
ابو محمد: ما اشتقت لي
عبدالعزيز بعصبيه : لا اشتقت لك كثير بس راح نتقابل ف وقت بيكون الشوق اكبر من كذا
ابو معاذ عرف انه ابو محمد ما يترك تصرفاته وقرر بصدمه بعدين مو ذحين
ابو محمد: سمعت ان اخته تزوجت وان زواجها بعد شهر
عبدالعزيز : اي حياك اذا تبي تجي بالاخير هي اخت بنتك
ابو محمد: ممكن نجي ف عزاها
عبدالعزيز وهو يحاول يهدي نفسه : ممكن يطلع العكس
ابو محمد: بالتوفيق لها ذي رسالتي ترا
عبدالعزيز وهو خايف : رسالتي بتجيك ف يوم بيكون بدايته فرح ونهايته حزن
ابو محمد: نشوف وش يصير لعبت مع الشخص الغلط
عبدالعزيز بضحكه نرفزت ابو محمد: لعبت مع الشخص اللي اقل من مستواي مع الأسف
ابو محمد بسرعه يتنرفز ف عصب : هيييي اقول احترم نفسك
عبدالعزيز: تعلم وش يعني الاحترام بعدين قول الكلام مو تقول كلام انت مو عارفه وش معناها , وقفل ف وجهه