جمعتنا الصدف فكانت اجمل الصدف

بارت12

دخلو اديم وتولين الكوفي وبعدهم نوف وجنان وجلسو ف طاوله
اديم: الحمدلله المريض مب هنا مب هنا
تولين: اي والله
جنان: عندي فضول اشوفه
اديم: نصيحه اتركي الفضول
نزلت نجد من السياره وقابلت باقي البنات
ريناد: ندخل
لجين: نقعد شرايك
نجد: فكره حلوه
دخلو ولقو البنات
نجد: واو فخم ما توقعته كذا
نوف: انتي الفخمه
تولين: نطلب يلا مين تروح تطلب
جنان: اخر وحده جلست
نجد: لا تفكون
البنات : يلا مالنا دخل
تركي: قم اطلب دام قلت ننتظر محمد
سعود: اوف طيب
استسلمت نجد للامر الواقع: اوف طيب
مشت وكان وراها سعود
نجد وسعود: حلا [ واسم الحلا] وقهوه [ واسمها]
وصلت وما سمت ب اسم الله يوم تقول القهوه الا انصدمت من شخص يطلب نفس قهوتها ناظر فيها سعود وصد
كملت نجد الطلب وهو كمان رجعت ل الطاوله وهو رجع ل الطاوله وقلبه يدق ما يدري ليش
تركي: شفيك يهو خلاص لا تزعل
جسلت نجد وهي متوعده ف البنات : تم طلبت ودفعت
جنان:خير نعم لا
نجد: يهو خلاص ترا ازعل
نوف: كل شيء الا زعلك ، كانت نوف ماسكه جوالها وطاحت شنطتها وحطت الجوال على الطاوله وبتجيب شنطتها اللي طاحت مسكت الشنطه وناظرت ف اللي الاشخاص اللي ف الطاوله وانصدمت من شخص تعرفه وهي مصدومه وبصوت عالي: سعوووودددد
سعود سمع احد يناديها التفت وهي نوف تناظر فيه وسعود حس انها مي غريبه عليه

جنان: ها شقاعده تقول شسالفتك بينك وبين اخوي
نوف لا زالت تتكلم بصوت عالي: يا حماره ذا سعود
سمعها سعود وهو دقق ف ملامحها وطالع اللي لابسه نقاب وتشبه عيون اخته
للمعلوميه [ الكل لابس نقاب ما عدا تولين و نوف]
جنان طالعت بالشخص وانصدمت وهي تقول بهمس: ياربي صبرك
سعود: ياربي صرت محمد ٢
تركي: مين ذي اللي قالت سعود
سعود وهو يهمس ل تركي: اللي نادتني تكون بنت خالتي ووحده منهم اختي وبنت خالتي واخت اخوات ب الرضاعه
محمد وهو يضحك : الله يعيننا حسيت ب معاناتي
سعود: عادي يطلعون ماعندي مشكله لكن مو لذي الدرجه نتقابل
ناظر محمد ف اللي ف الطاوله وشاف الكل يناظر فيهم ولفتت انتباه تولين طالعت تولين فيه وهي تقول ف نفسها يارب صبرك
نجد: يهو يا كثرهم مين منهم سعود
تولين: بنات اقرب هروب نهرب محمد موجود
اديم: انخرعت وش تقولين
تولين: ناظري ف الطاوله زين
اديم ناظرت ف جوالها بعدين ف الجدار عشان ما تبيهم يعرفون انها تناظر فيهم وفعلاً شافت محمد وهو عرفها
محمد: وبعد بنت خالتي معهم ياربيي
سعود: مسوي تغار انت ووجهك
معاذ : الحمدلله اختي مب هنا
تركي: الشماته مب زينه
جابت البنت الطلب للبنات والولد للعيال
جنان: كيوت ياخي تجنين اكتبي بالله حرف A ف القهوه
نوف: حسبنا الله ، اخذت تنوف قهوه نجد واخذت القلم من البنت : معليش، وكتبت سعودي ب الانجليزي
اخذت نجد الكوب وهي معصبه وطالعت ف الاسم : واو عندنا سعود ثنين
جنان: لا تدرين انهم واحد
نجد: ما فهمت ؟
جنان: تنوف اللي قالت سعود هو زوجك يا حماره ههههههههه
نجد: قصدك اخوك الحمار لا تكفين ايت واحد فيهم
جنان كانت تناظر ف سعود وتشرب قهوتها وهو يناظر فيها ب نفس النظرات : اللي يطالع فيني واطالع فيه
نجد طالعت فيه وهي تقول ف خاطرها هو اللي مقلد طلبي الحمار: هذا الخكري
نوف كانت تضحك بصوت عالي: حرام عليك سعود خكري تكفين مو لذي الدرجه
سعود كان يسمعها: واو صرت مشهور
نجد طالعت ف الكل حقين الطاوله والبنات معاها كل وحده انصدمت نجد انصدمت من شخص ولجين و ريناد
نجد: الله لا يهابك يا حمار استغفر الله
جنان: شسالفه
نجد وصفت شكل اخوها طالعت جنان فيه وانكبت نص القهوه على يدها : ذا اخوككك لا وين تكفيننننن لا
لجين وصفت شكل اخوها وريناد بعد
نوف : ياربي وش ذا اليوم الاخوان ف الكوفي ههههههههه
نجد: وش فيك الحمدلله ما انكبت على عبايتك
جنان: القهوه حاره الله ياخذ اخوك استغفر الله عندك مناديل ؟
نجد: اي خذي وش فيه اخوك
جنان: اخوك اسمه عمر صح
نجد: لا ذا تركي
جنان: يشبه عمر
اديم: حسبنا الله
نوف جات ف بالها خطه جهنميه : اخذت قهوه نجد و سوت انها قهوتها وطالعه ومحد انتبه لها وراحت ل طاوله العيال عند سعود وحطت القهوه فيها ورجعت ل مكانها
سعود: شسالفتها ذي شبلاها
معاذ كان مقابل سعود: اوووه مكتوب سعودي
سعود ناظر : يهو ذي مجنونه ولا شوضعها
فارس: بس تضحك ههههههههه