جمعتنا الصدف فكانت اجمل الصدف

بارت 40 والاخير

اخر بارت 😔😔
قراءه ممتعة وافضل بارت بالرواية ونهاية سعيدة
______

| يوم زواج ابطالنا |
صحت وهي بكل نشاطها اخذت شور لها وهي مو مستوعبه انها بتتزوج اليوم جابت لها سمو الفطور وهي تقول : صباح الخير يا عروستنا
نجد وهي تبكي: صباح النور
سمو: دامك تروشتي افطري وبعدين نطلع
نجد: القاعه ؟
سمو: اي
نجد: تمام وين جنان
سمو: راحت للقاعة
نجد: اوكي
جلست تفطر ودخلت عليها توق ب ورده حمراء مكتوب فيها ( صباح الخير يعيوني واحلى صباح و يوم اللي انتظره من زمان روقي ولا تزعلين ، سعودك حبيب طفولتك )
ضحكت وهي تضم توق : مجنون ذا
جلست تفطر وجلست تأكل توق معها: حبيبتي بشتاق لك مره راح توحشيني
دخلت عليها امها : عروستي
نجد وهي تضحك: ما خذيني طقطقه ولا
ام فهد: خذي عبايتك و جنان اخذت كل شيء وهي تنتظرك
نجد: احس بدري تونا الظهر حتى ما أذن
ام فهد: افضل عشان تتصورين و بعدين مع اهلك
نجد وهي تضحك : اتصور مع مين
ام فهد وهي تضحك وترمي عليها الوساده : زوجك
نجد وهي تتربع :الحمدلله و الشكر بروح تركيا وانتم اجلسو هنا
ام فهد وهي تسلك لها : ايوا اخر شيء تجلسين تصيحين تقولين ابي الديره
تغيرت ملامح نجد: اعترف اني كذابه
خلصت من فطورها و طلعت وشافت سياره سعود وهو كان بالسياره ما كلمته ولكن تضحك من داخلها جلست تنتظر تركي خمس دقايق و اخر شيء دقت عليه
تركي: هلا بعروستنا
نجد وهي تضحك : يهو شفيكم اليوم المهم انتظرك برا انحرقت من الشمس
تركي بفزه: ايش سعود قال بيجيبك
نجد: ايشش وانا اشوفه وجالسه انتظرك اوريك
تركي: شدراني انا
نجد: يلا مع السلامه
ركبت ورا وهو ضحك : تعالي قدام
نجد: لا مابي جالسه انتظر اخوي في الشموس
سعود: الجو غيم وش اللي شمس
نجد: اشوف شيء انت ما تشوفه
حرك وهو يتكلم ويسولف و وصل للقاعه
نجد: شكراً
سعود وهو يبتسم: العفو ولو
نزلت هي وهو جلس يضحك الضحكه اللي كان كاتمها
راحت هي للقاعه ودخلت وشافت جنان وضمتها: جنو
جنان: عيوني روحي سوي شعرك و الميكب
نجد: تمام
لبست الروب و جو البنات يساعدونها وشافت توق لابسه مثلها ابيض: قلبيي فديت الابيضاني
توق وهي تعطيها بوسه وتضمها : احبك
نجد: وانا بعد
البنات كانو لابسين ارواب ورديه وهي بيضاء خلصت من شعرها و الميكب وجات بتركب الطرحه وكانت حاجزه مصوره و مصوره جوال جات المصوره وتصورها وهي تركب الطرحه و راحو البنات الكوشه يتصورون مع نجد بالطرحه والروب للذكرى و بعدها هي والفستان والقاعه وكيف تتجهز وبرضو البنات
-
كان المصور يصوره وهو يلبس ثوبه و و الشماع و يلبس ساعته وعطره و جاء الجد نايف يلبسه البشت الاسود ابتسم و سلم على راسه سعود
-
المصوره تصورها وهي تلبس الفستان وانهبلت من الفستان والبنات يبكون وجات توق بالروب ب وسط التصوير وصارت لقطه حلوه والمصورة تصور كل شيء وجات توق وضمتها وضحكت نجد و لبست الاكسسوارات وجلست تتعطر
بدأت الزفه و البنات طلعو ل فوق دخلت وكانت متوتره وفرحانه و بدأ هو ينزف و شدت على المسكه وشاف ب فستانها الابيض المطرز من وكان فستانها علاقي و على اكتافها يشبه الكم والتطريز كان خفيف والطرحه كان مطرزه ابتسم لها من بعيد و غطاها ب بشته وهمس لها : الحمدلله جاء اليوم اللي انتظر من سنين وشفتك لابسه الابيض
بكت هي لا شعوريا: سعود لا تبكيني
ابتسم هو : انا اللي ببكي
جلسو يتصورون وهو يتأملها : مو مصدق ان حب طفولتي شايفها ذحين عروستي
ابتسمت بخجل: ترا بصفقك
سعود وهو يضحك : شسويت
المصوره : غطيها ب بشتك
سعود وهو يغطيها ب بشته و المصوره تصور و انحنى وهو يقول : تقبلين ب رقصه
ضحكت هي : ههههههههه اقبل
جلسو يرقصون و المصوره تصوور بعد ساعه من التصوير جات توق وهي تجري ل نجد مسكتها سعود قبلها وشالها وهو يضحك : بنتيي
نجد: بنتي ذي
المصوره: اصوركم ؟
نجد: اي
جلسو يتصورون مع توق و بعدين تصور توق لحالها ومره مع نجد قطعو الكيك وحط يده فوق يدها وابتسم
سعود: ذحين زفه الرجال
مسكت على يده : تكفى لا
سعود: يابنتي شفيك
بدأت زفه الرجال تقدم الجد نايف وبعده ابوها و اخوانها و سعود ابستم الجد نايف من شافها وحضنها: طالعه تهبلين يا بنتي
بكت هي وهي تبتسم : يا جدي الله يحفظك
تركي وهو يضمها : غطيتي على الكل حياتي انتي ما تخيلت بيوم اشوفك ب فستانك الابيض
سعود وهو يضربه على كتفه: شقصدك
تركي: مالك دخل
تقدموا اخوها وابوها و حضنوها وبعدها امها
ام فهد: بسم الله عليك تف تف الله يحفظك
تركي وهو يقلد امه : تف تف
المصوره : صوره عائليه
الجد نايف: ابشري
تصورو صور عائليه وبعدها جلسو يسولفون و تركي يشخصنها مع سعود
سعود: وين جنان
نجد: مع البنات
تركي وهو يهبد سعود من كتفه: شدخلك في زوجتي
سعود: احمد ربي ان اليوم اخر يوم اشوفك
استوعب تركي وجلس يبكي : انقلع
نجد: يمزح كذوب ثاني يوم وهو عندكم
تركي: طلقيه
نجد: تفضل انت طلقني
تركي: والله طفران
الجد نايف وهو يناظر في سعود: اسمع انا كل شيء الا بنتي محبتها اكثر منك حافظت عليها يوم جاني سالم يخطبها ورفضته وكل عشانك لكن ذحين تغير كل شيء اذا زعلتها ازعلك واذا جاتني في يوم ماراح ترجع لك
سعود وهو خايف من كلام جده: ابشر ما ازعلها
تركي: كذاب اخر شيء ياخذ جوالها عشان ما تعلمكم
ضحكت هي من كل قلبها : معليك يا جد لو زعلني ترحمو عليه
الجد نايف: كفو ذي بنتي اللي اعرفها
تركي وه يطبطب على سعود: الله يعينك
طلعو الرجال وبقى سعود وتركي جاتهم جنان وهي تركض من بعيد و غيرت الروب ولبست بجامه وهي تحضن نجد وتركض لها : حياتيييي
نجد بألم : يا بنتي بغيتي تطحيني
جنان: اوه اسفه
ناظرت ب سعود : واو طالع مز
سعود وهو يتميلح : غطيت عن الكل
تركي وهو يناظر فيها : هيي ما اسمح
جنان: انت خلك على جنب
سعود: تزوجو وجابو بزر ولين ذحين ما انتهوا
تركي: رجع لي اختي وارجع اختك ونرجع حياتنا الطبيعيه
نجد: و عموري
تركي : كل يوم على واحد
سعود: يشيخ
نجد: بطلع فوق بفسخ الفستان مقدر و مطولين على الزفه وكيف اصلي الصلوات
جنان: معليك ارتاحي
سعود: خير والله ما تفسخينه
نجد: شدخلك انت احد اخذ رأيك
تركي: اوهههه قويه
سعود: عادي اصلا
المصوره: نجد انا معك طول الوقت تبين تتصورين
نجد وهي تهز راسها : احس شوي
جنان: بتصور معك
نجد: البسي فستانك وتعالي
جنان وهي تركض: ابشري
تركي: بتصور معكم
سعود: تخسي اختي بتصور معها
تركي: يشيخ اجل ما تتصور مع اختي
نجد بعصبيه: ماني متصوره ولا مع احد منكم تمام
سعود: خلاص بالاها من العصبية
نجد: وين جدي
فزو سعود وتركي و جلس يبتسم : مو وقته
المصوره وهي توري نجد افكار للتصوير ونجد وافقتها الرأي جات جنان ب فستانها : شرايكم ؟
تركي وهو يتأملها : قبل الفستان كان حلو
ناظر فيه سعود : عيد ما سمعت زين انا
تركي: اعترف اني خروف
كانت لابسه سماوي فاتح و اكمام نص الفستان
نجد: يلا
سعود بعدم فهم : وش
ورتهم حركه و المصوره تشرح لهم و وافقو وهي عباره عن رقصه تكون نجد مع اخوها ونفس الشيء جنان وبعدين يتبادلون الادوار وفعلا اشتغلت الاغنيه وتركي كان يناظر فيها و هو يتأملها و المصوره اشرت يتبادلون الادوار الا فجاءه سعود لقى تركي قدامه و انفجع : يحماررر لا
تركي وهو يستوعب: ياربي يلا نعيد انت تعال عندها
سعود: يلا تم
وفعلا ذي المره ضبطت وهو راح عندها : طالعه سندريلا
نجد هي تضحك : اختك اللي سندريلا مب انا
سعود: لا انتي
تركي: تحصني
جنان: معليك لا تخاف
جنان: اخاف احد يخطبني
تركي: لو انه مو تصوير كان صفقت
جنان وهي تهمس له و تبتسم : اخوي هنا
انتهت الرقصه وطلعوا سعود وتركي و نجد وجنان جلسو بالقاعه
تركي وهو يبكي ويحضن سعود: تكفى يا سعوددد
سعود بعدم فهم : شفيييك بسم الله
تركي: تذكرت زواجي
سعود وهو يهبده: انا وش ذنبي !
تركي: انت السبب
سعود: ايوا انا كل اسباب الحياه
تركي وهو يضحك : والله انك خروف
سعود بضحكه : احاول اثقل
تركي: اختي محد يقدر يثقل قدامها
سعود: وبعد اختي
بدأ الزواج و بدأوا يجون المعازيم و زواج الرجال وكان تركي مع سعود بالغرفه و بدأوا الرجال يرقصون و تعشوا انزف سعود وتركي كان معزز له وبدأو يرقصون اللي رقصو خطوه وسعود جلس يرقص رقص تركي وتركي يقلده اما خالد كان يعرف : يلا عاشو
سعود: مضبطها اكثر منك
خالد: معطيك على جوك انا
راح ل جده نايف وهو يرقصه: زواجي يلا قوم
الجد نايف وهو يقوم : ابشر ها قمت
عبدالعزيز وهو يضحك : افضل زواج
خالد: صدقت
تركي: زواجي يقفل كل الزواجات
عبدالعزيز : كذوب
| في قاعه الحريم |
كانت نجد بغرفه العروس و تسمع الاغاني ترقص عليها و الوصيفة تصورها و المصوره والبنات يرقصون مع الحريم
سمو جلست تضحك : عاشت ام العريس
جنان: عاشت اخت العريس
اديم: جنان محلله الزواج تحليل
لجين: صدق
بدأت زفه ام العريس وام العروس والكل جلس يرقص و كان الحضور عدد كبير
سمو كانت لابسه فستان بيج و اديم احمر و لجين تركوازي ونوف اسود
دخلت نوف وهي تقول : عاااااشوووو
سمو : نوف تهبلين
نوف: مين قدي ذولا كوبليي
جنان: الرئيسه
سمو: ذي تصلح تكون شاهده ههههههههه
بدأ العشا و نجد طلبت من جنان تجيب لها عشا
كانت توق عند نجد وتأكلها معها ونجد تبتسم : جوعانه شكلها مره
جنان : جلست ترقص من قلبها مين علمها
نجد وهي تضحك : مدري
جنان: عرفت مين
نجد: اسمعي امسكيني وقت الزفه لا ارقص
جنان: بسم الله
نجد: اليوم اللي انتظره خير ما ارقص
جنان: كيف تعرفون انهم متزوجين عن حب
نجد بضحكه : لا تبينون لهم انكم عن حب
جنان: يشيخه الكل يدري
بدأت الزفه و نجد متوتره و بدأت الاغنيه و امها تبكي و جنان تساعدها ب فستانها و توق متعلقه فيها وصلت للكوشة و بدأت الاغنيه الصح و رقصت من قلبها ومعها توق و المصورة تصورهم وتوق تبكي و بعدها جاء الكل ورقص
كان ينتظر زواجهم يخلص : يهو ذول ناويين يجلسون لين الفجر ولا شوضعهم
تركي: توهم زفوها و يرقصون ويتصورون باقي حبيبي
سعود: لو اني نايم ابرك
خالد وهو يرقص: الزواج اللي كنت انتظره
سعود: ذا في عالم ثاني
تركي: صادق
عبدالعزيز وهو يرقص معاه: ودي اطب في القاعه وارقص
سعود: ارقص في زواج بنتك
عبدالعزيز : ياليل مطول
خلص الزواج بعد ما ودعت اهلها و حضنتهم و حضنت توق : بشتاق لك
توق وهي تعطيها بوسه : احبك
طلعت هي و سعود كان بسيارته و تركي يساعدها ب الفستان و ناظر ل سعود : اختي واختي
سعود: ابشر اي اوامر
نجد: يهو اعرف ادافع عن نفسي شفيكم
تركي: بس خليني ادخل فزعه
نجد: معليك العشا وانا عندكم
تركي وهو يبكي : خير تعالي بدري
نجد: ابد ابشر بس لا تبكي
انطلقو للفندق و في الطريق جلس يسولف : الفستان يجنن عليك
نجد: شكراً
سعود: تحسين اخوك نشبه
نجد: طيب تدري ان فيه شخص جديد بينشب لي
سعود بعدم فهم: مين هو خليني اهاوشه
نجد: الحمدلله هاوش نفسك
سعود وهو يستوعب: دقيقه ي العنيده
نجد: شدعوه مو لذي الدرجه
سعود وهو يبتسم ويمسك يدها : اعترف اني خاروف
نجد وهي تضحك : اساسا من زمان انت
وصلو للفندق وجات بتفك الطرحه وهو مسكها: لا تفكينها ذحين
نجد: ليش تعبتي
سعود وهو يناظرها بلطف: بتصور معك
نجد: شايفني مشهوره
سعود: ابي توقيعك ههههههههه
ضحكت هي وتصورو و غيرت الفستان ولبست بجامتها و اخذت الوسادة ورمتها عليه : ارقد
سعود وهو ياخذ الوسادة من وجهه : ارقدي انتي
رمى الوساده عليها وهو يضحك  : نامي ياللي سارقه قلبي
نجد وهي تناظر فيه : ايوا سارقته
سعود وهو يغمز و غمض عيونه
نجد: ليه تغمز هي
سعود: نامي
نجد: اوريك
نامت هي و هو شال شعرها على وجها و باسها على خذها وهو يضحك
| صباح اليوم التالي |
صحى و على عينه الشمس وناظر ب الشباك و قام وعدل الستاره و ناظر فيها كيف انها غرقانه بالنوم باسها على راسها وجلس يتأملها