👑الجزء 1👑
نادين : لا ياسمين اللون مازوينش
نسرين : لا لا والله تازوين غيجيك مع الكسوة وااعر .....
نادين : كنتيق فيك إلى مجاش زوين انقتلك
نسرين : هههه لا لا زوين على حسابي
......ها واحد السلام عليكم نعرفكم براسي ..نادين اليازيدي 16عام كنقرا فليسي بنت أية فالجمال زيني موروكي قح عويناتي كوحل مشفريين ومجبدين وشعري قهوي طوييل واصل لي حد فخيضاتي وبشرتي بيضاااا نويف مقاد المهيم كلشي محطوط فبلاصتو طايتي مقادة عندي اللور وعندي واحد شوية دالصدر ....وهادي ختي التوأم ديالي نسرين فوطو كوبي ديالي غير هي سمرة شوية وشعرها قصيير أنا وياه كيف الشجرة والأرض مكنتفارقوش بالمرة وااخا نتناقرو وندابزو ماكانخطاوش بعضياتنا ..وحنا ولاد يوسف بالتبني ..واخا ماما كتفضل عليا نسرين ولكن عمرني فكرت نكرهها ولا شي حاجة ... بابا هو يوسف اليازيدي واحد من أكبر رجال الأعمال بالمغرب عندو مجوعة من الشركات ديال المجوهرات فبزاف ديال المناطق فالمغرب وحتى خارج المغرب ....واليوم غيرجع بابا وماما من السفر باش يحتافلو معانا بعيد ميلادنا....
بدينا التجهيزات ديالنا انا واختي شرينا اللبس فالصباح ...وقادينا الميكب ...ودابا كنصبغو ضفارنا وحنا متحمسين باش نمشيو مع بابا وماما لقاعة الحفل ....
نسرين : شفتي قلتلك اللون رآه غيجيك زوين
نادين : وايييه كان كيبان خايب
نسرين : ياك كنقول ليك دائما ماتحكمي على الحاجة تاتجربيها .
نادين : توحشت بابا ...
نسرين : واااايييه تا أنا ...ماعرفت شنو غيكون جابلينا من الاسبان
نادين : ياربي يجيب لي الخاتم لي كنت باغا
نسرين : واااع كتحلمي رآه غالي هاداك رآه اخر موديل خرجاتو الشركة
نادين : ومالي منستاهلش
نسرين : تستاهلي ياختي ....ولكن واللهي تا توحشت ماما وبابا شهر ماشفناهم ولا دوينا معاهم
نادين : هاهوما غيكون قراب يوصلو
هبطت عند طاتي سامية ..هي واحد السيدة كبيرة فالعمر شوية وحنا مربيين على يديها كنعتابروها فحال منا .....
نسرين مشات لعندها كتنقز وتلاحت عليها معنقاها من اللور: طاتي وجدتي راسك
سامية : اااه ابنيتي ونتوما وجدتو
...نقزت عليها تانا منقاها وهضرت بفرحة : امممم طاتي سامية تاحنا واجدين ..ماما وبابا وصلو ....
سامية : راااه يلاه حطاتهم الطيارة ...راهم كيساينونا فالمطار ....لبسو فرجليكم وغيدينا عمكم علي ...
،👑الجزء 2👑
....جا عمي بطموبيلتو راجل كبير تاهو عندو جوج ولاد كبار ومرتو ميتة ساكن بوحدو فواحد الفيلا و هو الوحيد فالعائلة لي عارف بلي أنا واختي رآه غير متبنينا....عزيز عليا كيتعامل مزيان وضريف .. ...المهيم طلعنا معاه فلوطو ديالو ...ركبات طاتي سامية لقدام وركبنا أنا ونسرين اللور ...الطريق كلها والصمت سيد المكان ...تا وصلنا لواحد ملتقى الطرق كان مزداحم لواحد الدرجة كبيرة والكلاكسون ديال الطموبيلات مالي المكان
....هبط عمي كيشوف شنو واقع وانا نسلت من موراه تابعاه ضرني راسي باغيت نعرف شنو واقع بقيت تابعته وياريتني ماتبعتوش طحت على ركابيا من هول الصدمة والدموع
شلال من عيني كنشوف قدامي اسوء منضر فحياتي ...بابا وماما غارقين فدمهم وملاوحين فالارض والطوموبيل مفرشخة وبيبانها ملاوحين كل واحد فقنت مشيت كنجري لعندهوم وانا كنترعد شديت وجه بابا وكنزعزع فيه بيدي وكنعيط: بابا ..بابا فيق أبابا ..ماما فين غاتمشيو اماما وتخليونا ...بابا. عافاك أبابا رآه عيد ميلادي هادا أبابا ...باقي محتافلناش أبابا ....بااابا هيء هيء هيء نووضو عافاكوم ماما الله يخليكم نووضو هيء هيء...عمي قوليهوم ينوضو
جاو من مورايا واحد الجوج لابسين واحد اللبسة فحال فحال وهز الجتة ديال بابا حطوها فواحد الناموسية وغطاوها ونفس الشي تا معا ماما ....بقيت كنشوف فيهم
والدموع كينزلو خيوطا من عينيا وانا كنشوف كسوتي البيضا لي كلها دم ويوم ميلادي المنحوس وكتشوف نفس السيناريو ديال الموت ديال واليديا الحقيقيين كيتعاود قدامي
....يتبع
متنساوش تخليو ليا فووت وتعليق
.........توقعاتكم البارتات الجايين...........
VOUS LISEZ
my strong princess اميرتي القوية( قصة كاملة بالدارجة المغربية)
Romance𝐌𝐲 𝐒𝐭𝐫𝐨𝐧𝐠 𝐏𝐫𝐢𝐧𝐜𝐞𝐬𝐬☯︎ > السلام عليكم أنا سميتي نادين با لاباس علييه بوكو حبة ختكم كنت عايشة فالرفاهية أنا والتويمية ديالي ههه ..... تا غيجي النهار لي غتقلب فيه حياتي رأسا على عقب ولي غيكون عمي السباب فتدميرها ... غنتحرم من كلشي غنولي...
