my strong princess اميرتي القوية( قصة كاملة بالدارجة المغربية)

بارت 16

👑الجزء31👑

....عمران : اهلا بنتي على السلامة
نادين : شنو الموضوع المهم لدرجة أنك تعيط ليا شخصيا ...
عمران : نجلسو ناكلو بعدا ...
ولاء : ااه بصح انادين أنا لي وجدت الغدا نتمنى يعجبك ..
نادين ( قلبات عينيها بعدم صبر ونطقات بهدوء ) : دغيا ...
.....على مائدة الطعام جالسين دايرين بيهم الخادمات والطلبة عامرة من اولها لاخرها بالذ انواع واشكال الماكولات و المشروبات ....
....كملات نادين ماكلتها وحطات الفورشيط مم يديها ناطقة : شنو الخبر المهم ....
عمران : ماكنضنش غادي يروق ليك تسمعيه
نادين : تفضل ..
عمران : الموت ديال يوسف كان مخطط ومدروس ورأس الحربة فهادشي هو عمك ...
( ابتاسمات باستخفاف): شكرا بزااف ليكوم زدتوني سبب اخر يخليني نقتلو بلا مانرحمو ...
ولاء : زعما ممقلقاش حيت خبينا عليك ..
نادين : بالعكس ..حيت سواء كلتوهاليا او لا كان غايلقى حتفو على يدي ...
ولاء : نقدر تعاونك فانتقامك إلى سمحتي ...
نادين : لا ...كنفضل نشرب دمو بوحدي ومايشاركني فمتعة تعذيبو تتواجد...
ولاء : القرار بيدك وانا فالخدمة كاختك بطبيعة الحال
نادين : اممم عارفة لي كاين ...كنضن انساحب
عمران : ااا...القضية ديال جوريك
نادين : الروسي؟؟
عمران : وقفي الmission ....
نادين : السبب....
عمران : كلشي بوقتو انادين ...
نادين : بففف ...اوكي يعني عندي سيمانة خاوية
عمران : اممم...رتاحي شوية ...
نادين : اووكيي ..نشوفكم من بعد
...
خرجات فشتا...طلعات فوق الموطو ديالها ودارت الكاسك على وجهها وكسيرات لأحد البلايص لي كانت كتمشي ليها فاش كانت صغيرة ....

جوريك : عميييي هههه ممتيقش بيلي طالباني عندك ...
عمران : لا غير تيق عندي ليك شي حاجة ومانبغيش الرفض من طرفك أولد خويا
جوريك : إلى كان فالمستطاع علاش لا ...فين تبغي نجي لعندك...
عمران : متأكد ماغتخوييش بيا كي ديما ...
جوريك : لا لا كون هاني نتا مسيفط ليا وحدة من عندك باش تجيبني ..كبرتي بيا تال هاد الدرجة و نخوي بيك لا لا ...
عمران : نادين ماشي اي وحدة هاديك رآه بنتي
جوريك : ههه ولات عندي بنت عمي وحدة خرا وانا ما فراسي ما يتعاود ...
عمران : المهيم نتلاقاو فالبواط «سافانيا» فين كنا كنتلاقاو أنا والمرحوم .....
جوريك : اوكي شوية وانا عندك...

👑الجزء32👑

....نزلات من الموطو ديالها وزولات الكاسك ومشات كتدور عينيها فالمكان لي كان عبارة عن جريدة صغيرة مورا القصر القديم ديالهم فيها أرجوحة (زعلولة ) ...وأشجار الكرز الموردة وبعض النباتات الخضراء لي ذبلو بسباب الإهمال...جلسات فواحد الكرسي صغير خشبي جامعا ركيباتها وحاطا رأسها بيناتهم ...كتحس بالغمة كتحس براسها باغا تبكي وماقادراش شيحاجة كتخليها تقمع مشاعرها وتراكمهم فالداخل ديالها .....هزات رأسها كتشوف فالسما وكيتامل فسواد غيومها وفالقطرات لي كينهامرو منها ....ضحكات يبتفاهة ونطقات : هههه ياريت نقدر نبكي ونخوي خاطري فحالك ...

......07:00pm
«سافانيا»
.....عمران : عندي موعد فالبرازيل ونقدر نغيب مدة طويلة تقدر تفوت عامين
جوريك : عمران وااش كتفلاااا صحتك كدهور ...الوراق عااطيينك العملية دييرها هادي عالم ونتا باقي جالس حدايا واااش كتسااين موتك ...
عمران : ما كانش عند بالي أنا عزيز عليك تال هاد الدرجة....ههه ماشي كنتي كاتقول غاتكبر غاتقتلني ....
جوريك : خلينا من التفلية اعمي شنو المطلوب مني ....
عمران : بغييتك تشد بلاصتييي

.....يتبع 🌩️
تعليقاتكم بيييبز واراؤكم كتهمني ...تصبحو على خير💓🕊️