👑الجزء39👑
....حسات بديك الطفلة الصغيرة خرجات ...ماشي نادين القاصحة لي ماكضحكش..تؤ تؤ تؤ هاديك نادين الصغيرة لي ديما ضحيكتها على وجهها ..كانت باينا فيها الفرحة ولمعة غريبة على عينيها ...غير كتهز رأسها بايجاب وكتسنط لهضرة جليلة بالحرف مركزة معاها فكل كلمة كتقولها ... توحشات ضحك توحشات تلاقا ناس قراب ليها ..فاعلاش ماتفرحش وهي لقات إنسانة عاوناتها تخطى محنتها ودارت فيها خير ....وخا وقع العكس ولكن بعدا حاولاات تعاونها...
كملو هضرتهم معا بعضياتهم ..وتدعو من بعد ما تلقات نادين ابيل من عند جوريك ..
طلعات فلوطو ديالها وساقت بسرعة كبيرة فاتجاه القصر ديالو...
........بعد دقائق قليلة كانت قدام القصر ديالو ..فتحو ليها ليكارد البوابة بأمر منو وتوجهات للداخل ...
صوت كعبها خلاه يحرك راسو لجنبو بابتسامة على حرف شفاهو ...مع دخلات لغرفتو ضرب يديه مع بعضياتهم كيصفق ليها ...ونطق بكلماتو لي دائما كينجحو فاستفزازها : اول مرة مدخلي من الباب ماشي من السراجم ...
نادين : المرة الجاية إلى ماسكتيش اندخل من السقف
جوريك : ماكاينش منين
نادين : نديرو منين ..تا إلى راب عليك هانية فحال متي فحال لا لا تنفع ولا تضر
....قرب منها بخطوات واثقة وابتسامة خبيثة ..كتبان من نضراتو ..وهمس فودنيها : متأكدة
نادين : مناش ؟؟
جوريك : لا تنفع ولا تضر
نادين : بدون نقاش
..تكلم وشفايفو كيلامسو ودنيها شي لي خلا كيانها يتبورش: بغيتي اثبات
.....رمشات بعينيها بزربة وقلبها زاد فنبضاتو ..ونطقت بكلام عكس لي كتحس .وبكل جدية وحدة : جيت ندير خدمتي ماشي نعاونك باش تبت انحرافك ...
جوريك : اممم ...تاهادا نضر
....بعد من قدامها ولاح مجموعة من الصور لي كان فيهم وجهها ووتائق كتييرة ...
نادين : شنو هادشي
جوريك : كيقلبوو عليك
نادين : شكون هادو لي كيقلبو عليا
جوريك : لارويس ...عندك شي علاقة بيهم
نادين : ااممم ...سبق وقع خلاف بينهم وبين عمران وفكيتو بطريقتي
جوريك : القتل ..
نادين : وشنو كتوقع..
جوريك : المهيم الابن باغي ينتاقم لباه وكنضن خاصكي تبقاي بعيدة على دارك فهاد المدة
نادين : اوكي نمشي لوطيل
جوريك : لا ....تيليفونك
نادين : مالو
جوريك : هرسي لاكارط ورميه فشي قنت بعيد راهم عارفين بلاصتك ...وماشي بعيد يكونو كيتفرجو فاي حركة كديري...
نادين : اوكي ...هانا غادا
جوريك : ماتجيبي لا حوايج لا والو ...غاتجلسي هنا وما غتعتبيش داك الباب تانفك هاد الحريرة
نادين ( ببرود ) : اوكي
جوريك : ديري داكشي لي قلت لك تصرفي براحتك ...أنا خارج .
نادين : ضبر راسك
👑 الجزء 40👑
استغرب من ردت فعلها وبرودها فالجواب ..مع انها يعني غاتبقا مع انسان من الجنس الآخر ...فكيما كيقولك "ملي كايبقا الراجل والمرا فبلاصة وحدة فكيكون تالتهم الشيطان"
ولن ماعطاش الموضوع كتر من أهميته طلع فلوطو ديالو وتوجه لمقر عملوا ....
....حيدات لاكارط هرساتها وشدات تيلي خوات عليه الما سخون وخلاتو فيه ...دخلات لبيوت كتقلب من قنت لقنت...
تا وصلات قدام لباب دبيتو بدون تردد دخلات كتمنضر بعينيها ...حطات يديها كتدوزها على الحيط تاوصلات حدا واحد المسمار شبه لاصق فالحيط ...دفعاتو ببطئ وتحل باب كبييير. ....دخلات ليه كان كلو باللون الازرق ..مساحة صغيرة عبارة عن ربعة دالحيوط عامرين بشتى أنواع الأسلحة والأجهزة الإجرامية ...
فتحات ثغرها باندهاش واعجاب فذات الان
ومشاو ناضريها لواحد الرشاش كبير ...حطات يديها كدوز عليه بابتسامة ...تا دخلات عليها الخدامة وهي تقفز ..
...: آنسة نادين
نادين : ااا اممم ااه انااا نعام
...: مسيو جوريك خلا ليا أوامر نوجدلك حمام فالغرفة ديالك تفضلي معانا ..
نادين : اووكي ...
تبعاتها بخطوات واثقة كيفما عادتها ...وفتحات الخدامة الباب ..وهي تحل فمهاا من جمالية المكان ...كانت غرفة عبارة على جاكوزي كبيير فوسط البيت ..وحمام كبيير مزين بالرخام والفضة ...وكاين سرير كبير دائري فالمنتصف عاطي رونق وجمالية للمكان ..وتريا من الفضة والمجوهرات النقية و دريسينغ عملاق بشتى أنواع الملابس والماركات ...والحيوط عبارة عن زاج داير بستائر فالرمادي مناسبين الالوان اللي فالغرفة ...
الخادمة: آنسة الحمام رآه واجد
نادين : اه صافي شكرا تقدري تمشي
الخادمة : نعاام الآلة
..حنات رأسها باحترام وخرجات مخليا نادين فحال من الإعجاب والاندهاش ...
...كل خطوة كل حركة كديرها مراقبها من البعيد كيشوف تحركاتها وخطواتها ...حط يديه على الكيت لي فودنو ونطق : تحت حمايتو ...
....يتبع
السمووحات على التعطييلة 🤞💗......متنساوش تخليو ليا تعليقاتكم وتوقعاتكم البارتات الجايين ...وتفاااعلو..
هادوك الأصنام لي كيدوزو مرور الكرام كنشوفكم 🙄🔪🔪
VOUS LISEZ
my strong princess اميرتي القوية( قصة كاملة بالدارجة المغربية)
Romance𝐌𝐲 𝐒𝐭𝐫𝐨𝐧𝐠 𝐏𝐫𝐢𝐧𝐜𝐞𝐬𝐬☯︎ > السلام عليكم أنا سميتي نادين با لاباس علييه بوكو حبة ختكم كنت عايشة فالرفاهية أنا والتويمية ديالي ههه ..... تا غيجي النهار لي غتقلب فيه حياتي رأسا على عقب ولي غيكون عمي السباب فتدميرها ... غنتحرم من كلشي غنولي...
