my strong princess اميرتي القوية( قصة كاملة بالدارجة المغربية)

بارت14

👑 الجزء28 👑

....خرجات كتجر فرجليها على برا لقات ولاء كتساينها فلوطو طلعات ...وتحركات لوطو لجيهة الإقامة لي ساكنة فيها نادين .....
وصلو نزلات من لوطو كتمايل بجسدها المنحوت وطلعات فالمصعد لشقتها ...دخلات لاحت الطالون على جنب ولبسات بانطوفة ديال الدار بدلات حوايجها لدوبياس وكسوة شبكة خفيفة ....ديماكيات وجهها ....ومشات كتسرح شعرها قدام المرايا ...لمحات جرحة صغيرة فشفايفها ...جا على بالها البوسة ديال جوريك ....بدأت كتحس بقلبها كيزدح وكتحس بالحرارة ... خربقات شعرها بيديها كتلعن أفكارها ...وجابت بواطة ديال الاسعافات ...دارت بومادا لداك الجرح ومشات تكات فوق الناموسية كتحاول تنعس ....

....ولاء : بابا وقتاش غادي تعرف نادين الحقيقة ....رآه غادي تنقالب علينا إلى عرفات
عمران : ماشي وقتو ااميرتي ...العداب لي داز عليها ماشي ساهل اتقصح بزاف لا عرفات
ولاء : ولكن رآه كنحس بتأنيب الضمير والله...رآه نادين بحال ختي وانا غانحرص على أنني انتاقم ليها إلى سمحات
عمران : نفكر شوية ونقوليها ....

.....ليونارد : هههه علاش مشيتي للحفل ..ياك قلتي ماعندكش مع فرنانديز
جوريك : ديها فراسك
ليونارد : نااري ماتقولش ليا الآنسة ديالك كانت حاضرة
ش...كان كيدوي وخدام فلبيسي ...تاطلع فيه عينيه بتخنزيرة خلاه يجمع ضحكتو ....
ليونارد : كنعتادر

...الخمسة دالصباح ....
الليل كامل وهي كتقلب فوق الناموسية ما زارهاش النعاس ....دارت روتينها الصباحي ...لبسات كولون كحل وتريكو بيض وسبادري فنفس اللون مخططة بالكحل ...وخرجات دير سبور ....
رجعات مع ستة ونص قصيصتها فازكة بالعرق   كتنهج ....شدات قرعة ديال الما بارد ودوزاتها فحلقها ....خدات دوش بالزربة ....خرجات لبسات قميجة بيضا وسروال ديال التوب واسع .....نزلات فالمصعد .....ديمارات الطوموييل وزادت .....

.....دخلت المستودع لمحاتهم جالسين بجوج ...قرنات حواجبها ...وتوجهات بسلاحها لجيهتهم
ياسين : وووو نادين نزلي سلاحك
نادين : شكايدير هادا هنا
ياسين : نزلي سلاحك انادين ماتخافيش غير نزلي سلاحك
...نزلات سلاحها ببطئ وهي كتناضرهم باستغراب....
نادين : ممكن تشرح لي أشواقع هنا
ياسين : من بعد انادين
جوريك : كنضن ماراقش ليك وجودي هنا
نادين : كتدويي بالدارجة
جوريك : علاش كاين شي مشكل
نادين : لا ...ولكن ممكن تشرح اشكادير هنا اسي جوريك
جوريك : مابغيتش
نادين : منيتك اياسين دابا اتخليني كي الاطرش فالزفة ...قوليا أشواقع
ياسين : ماتعقديش الأمور انادين من بعد ...سيري رجعي لدارك تا نعيط ليك ....

نادين : بففف اوكي

....يتبع

البارت ديال اليوم كان قصير شوية كنعتادر منكوم ولكن راني مشغولة شوية  هاد الايام...وشكرا على دعمكم 💓💓😊