my strong princess اميرتي القوية( قصة كاملة بالدارجة المغربية)

البارت 5

،👑الجزء. 9👑

..... تتمة
غسلت وجهي وخرجت هزيت واحد السطل خضر مهرس ففيه االما ومواد التنظيف وخرجت هازاه فيدي وعيني مغرغرين بالدموع وشاداني التنخصيصة ديال البكا حاسة بالحكرة جات عندي جراتني من شعري ودفعاتني على الأرض وخوات عليا داك الما ليكان فداك السطل وضرباتني برجلها
ونطقات لاستفزاز : يلاه جففي ولا غنجفف بيك
شديت داك الجفاف لي أقل ما يقال عنه
"زبل "......ودموعي خيووط من عيني ...
بقيت كنحرك فداك الجفاف بحكم ماكنعرفش مجفف ولا نشقا اصلا ....وكلما ما دوزتش على شي وسخة كتخبطني برجليها ...
تا كملت وحسيت بعضامي دكدكو عليا وهي تجيب وأحد السطال ديال الما وعاودات خوااتو
...وهي تنطق تاني بطنز : اوووه نسيتي ما دوزتييش هاااديي
أنا ما قدييتش نصبر حسسييت بالحقد حسيت بالكراهية ما عرفتهاش علاش كديير فحااال هاكا ...ولكن ماقدييتش نزيد نصبر دويت بصراااخ ودموعي شااقيين طريقهم فتقاسيم وجهي وبدييت كنخوي فقلبي : علاااش كددييري فيااا فحاال هااكا واش انا مصددر التسلية ديااالك مااشي حشووومة عللييك عتاابرييني فحااال بنتك ...وااش يعجبك ديير شيئ وحدة فبنتتك فحاال هااكا ....
شداتني من فكي وقربات وجهها لوجهي ولات طولها حمرا ..وخرجات فيا عينيها وهضرات مزيرة على سنانها : ماا تجبدييش بنتيي على فمك نتيي مااشي فمستوااهااا .
...هزاات يديييها تال السما ..أما أنا غمضت عيني ....تا تسمع صوت أنثوي رخم : عاايشة
طلقات مني وهي كترعد وكتشوف فييها وااا أنا حلاييت عيني كنشوف فيها كااانت بنت زعرة ببشرة بييضا وعينين زرقيين وفصالة رقيقة لابسا سروال جلد مزير كحل وتريكو بالكول فنفس اللون وملامحها حاديين حاطة نضاضر فاللون الاسود فوق شعرها الطويل وملامحها هاديين بابتسامة خفيفة على وجهها ..
دخلات لعندها وقربات من عائشة شداتها من فكها وصرفقاتها .(.أنا شهقت بصدمة)..
ابتاسمت ليها وهي شادا وجهها بين يديها : عائشة يا عائشة ياك كنقول ليك دائما ما تبقايش تحكري على اللي صغر منك ولا لا ؟؟
عيشة بدأت كدمع وكترعد : سم...سمح..يليا امدام ...ولاء مااابا ...قااش نعااود
أنا انطلقت باستغراب وباتسامة فنفس الوقت: هيء هي نتيي ولاء ليي قالت لياا ختيبي جلييلة هييء هييء
...وسعات ابتسامتها وقربات لعندي خاشيااني فحضنهاا ...بدون تردد مديت يدي تا أنا معنقااها وبديت كنبكي وكنعاود ليها ..وهي اكتفات بأنها كتومأ ليا برأسها بابتسامة .... تا حبست من البكا عاد خرجاتني على برا جلسنا فواحد الكراسا وشدات ليا من يدي ...

ولاء : وااش عرفتي علااش سميتي ولاء ...
هزيت راسي بنفي ونيفي حمر ورموشي فازكين بالدموع ....ضحكات ليا فوجهي ...
ولاء : بابا لي مسميني باش كلشي يطيعني وما يخالفش امري حيت كيعتابرني أميرة بالنسبة لييه ....عرفتي داابا شنو بغييت
وليت هزيت راسي تاني بنفي ...
ولاء : بغيتك نتي تشدي بلاصتي وتكوني الأميرة بلاصتي امرك ما يتخالفش ...وما كنقبلش الرفض
...بقيت كنشوف فيها بعدم فهم : ماا ما فهتكش ...
ولاء : ههه بغيتك تكوني ختي. الصغيرة ...وما نقبلش لا كجوااب ..
وسعت عيني فيها بصدمة وقلبي كيضرب بجهد : ااه ااه موافقة اصلا ما عن كل تا شي خيار آخر ....
ابتاسمت ليا وشداتني من حناكي : داابا نتي عتابريني اختك الكبيرة واي بغييتيها قوليهالي وااخا .....

👑 الجزء 10👑

اومات ليها براسي بايجاب واستمرت بنطق كلمة شكرا مرارا وتكرارا ودموعي والو واش بغاو يحبسو ....

فالعشية جات لعندي هازا صاك باج كبير بين يديها مداتولي وقاتلي "بدلي حوايجك وخلينا نمشيو لدارنا ".....
جملة وحدة خلات مشاعري يتحركو وشعور غريب يخالجني ...شديت من عندها داك الصاك ودخلت للافيسي ( الحمام ) ...نزلت حوايجي قطعة قطعة و تخشيت تحت الرشاشة كينزل عليا الما بارد ....دوشت بالخف وخرجت كنشف راسي بواحد الفوطة صغيرة لبست دوك الحوايج لي كانو عبارة على صايا قصيرة كحلة ما واصلاش ركبة كحلة وبيل سماطي بيض وقميجة. فالكحل كاتعقد من الخصر وسبرديلة فالبيض ...لبست ديك اللبسة ومشيت المرايا كنشوف راسي وكنبعد قصتي من على جبهتي لي ولات كولها جروح بسباب الركل لي كانت كاضربني بيه ديك عائشة وعاودت قاديتها تاني مغطيا بيها وجهي ....خرجت لعند ولاء لي كانت كتسايني مربعة يديها وملامحها الهادئة لي مكتغيرش والإبتسامة لي يمكن ليك تلمحها من البعيد على وجهها ....شدات ليا من يدي مزيرة عليا وخرجنا من الحبس اومايسمى بمصطلح " الغبار " قالتها ختي جليلة ...

بقينا غاديين تاوصلنا لواحد البلاصة فحال الشركة عملاقة بناء فيه اكتر من 24طابق
...طلعنا فلاسانسور وانا غير مبهوضة من جمالية المكان وتنضيمه ...
مشينا أنا وياها تحت أجواء انحناءات الموضفين لولاء احتراما ليها ...وولينا  تاني دخلنا لواحد البيرو كبيير تاني عامر بنباتات واللوحات الفنية وجالس وااحد السيد كبير فالعمر ...أكتافه ضخمة ملامحو حادة وعينيه خوضر كباار يديه طولها خوااتم ...ووشامو طالع من يدو تا لعنقو ....
غير شاف ولاء وهو ينوض من بلاصتو متقدم لعندها حاط يديه على ضهرها وضامها لعندو
هو : هههه ولاء توحشتك امييرتي ...
ولاء : بابا كنضن كبرت على هاد الألفاظ ...
هو : ههه عمرك ما غتكبري بالنسبة لي غتبقاي دائما اميرتي الصغيرة .....
ولاء : كاين شي مييسيون ( mission) جديدة
هو : لا لا اميرتي خاضها ترتاح ...
ولاء : هههه لا بااراكاا ...المهيم جيت عندك اليوم وجبت معايا الضياف ..
دار شاف فيا مبتاسم ...بادلتو بنفس الشي ...ودار لعندها : شكون هاد الصغييور لي معاك
ولاء : ختتيي ....هادي ختيي بغيتك دخلها معايا فالحالو المدنية .....
هو : هههه لي بغات ببنتي ...بالعكس أنا فرحاان غيولييو عندي جوج امييرات فداار وحدة ...
ولاء : سميتك نادين ياك
أنا : اااه نادين ...نادين اليازيدي
هو : اليازيدي ؟؟ بنت يوسف اليازيدي ؟؟؟
أنا : اااه الله يرحمووو ويوسع عليه
هو : امميين... لا باباك كان الصديق ديالي حسبيي راسك ختك ولاء وحسبييني فحال باك أنا غندييرك فوق راسي ...على كل أنا سميتي عمران اليgرو ...ودابا غنقل ليك كنيتي...غتولي سميتك ناادين اليgرو ....

.....يتبع