،👑الجزء 29👑
....نادين : جيني ملخر علاش كان معاك جووريك
ياسين : تهدني انادين أنا غادي نشرحلك ....
نادين : وااش كضحك عليا عارف شنو خدمتي ...خاصني نجيبو حي أما كوراني قتلتو شحال هادي.....دابا جيني ملخر ...
ياسين: احم ( بصوت شبه مسموع) هو لي غيدخل لينا السلعة من روسيا بلاصة فيرنانديز
نادين : اااا واش مرييض هادشي فخبار عمران ...
ياسين: اه هو لي مكلف بيه اصلا
( قلبات عينيها بعدم حيلة ) نادين : بففف ديرو لي بغيت ...أنا مابقيتش فاهمة واالو ....
......فالقصر ديال نايلين كأسا كتشرب ففنجان ديالها بطريقة راقية....لابسا كسيوة موردة فايتة الركبة وفيست فالبيض ....
...دخل جوريك كيف العادة بهيبتو وشهامتو الرجولية المعتادة حاط كارو بين شفايفو ...وشبح ابتسامة على شفاهو.....بأس ليها رأسها وجلس حداها....طفا لكارو ..وجلس كيديوي معاها بهدوء ...: بنتي ليا فرحانة اليوم
نايلين : بطبيعة الحال ولدي جا لعندي من بعد 18عام ديال الفراق ( نزلات دمعة مؤلمة من عينيها ودغيا مسحاتها ) وما بغيتينيش نكون فرحانة
( حط يديه كيدوز على حنكها بحنان ): المهم هو أنا دابا حداك ....كلشي بسباب الواليد الله يرحمو
نايلين : الله يرحمو واخا كان قاسي عليك ..خاصك تعرف شحال كان كيبغيك وشحال من حاجة دار على ودك
( اكتافى أنه يهز ليها راسو بايجاب ...ويبادلها أطراف الحديث)حتى بادرت قائلة : ولدي وااخا ندوي بالدارجة رآه بدأت كتنسالي الروسية شوية وااخا هي لغتي الام ....
جوريك : اممم دوي باش ما بغيتي ...
....تلاحت فحضنو كتنعم بدفئ ابنها لي كان غايب عليها لمدة طويلة ......
.......ليلة باردةومضلمة دازت على كل من ابطالنا وكل وفين سارح وكلا وفاش كيخمم ...تا نعس على ضو القمر الا نادين لي كاتعاني باش يزورها النعاس ....
صبح الصباح ....
وواخيرا بعد مدة طويلة قدرات تنعس وااخا غير شوية ...فاقت مختصرة وجهها وعاقدة حويجباتها على الشمس لي قتاحمات غرفتها وضواتها ....غسلات حالتها ودوشات ....رطبات جسمها ..وخرجات كتقاد فحالتها كتستاعد للخروج ...تا تلقات اتصال من عند عمران شخصيااااا ......
...ناااريي اش غيكون بغاها 🤫🤫
👑الجزء 30👑
....استغربت من اتصالو بيها شخصيا ...ولكن جاوباتو بعدم تفكير كونه زعيم العصابة ....
عمران : السفاحة ..
نادين : تفضل سي اليغرو اش عندك ....
عمران : راك بنتي زعمة ضروري نديو بطريقة رسمية ....
نادين : كنفضل نبقاو هاكا....
عمران : المهيم دوزي للقصر اليوم غنتغداو مجموعين ...
نادين : باشمن مناسبة ...
عمران : عندي ليك شي حاجة خاصك تعرفيها ...
نادين : اوكي ...اوحدة انكون تما
عمران : امم واخا ماتخويش بيا ...
نادين : كون هاني
....لبسات قميجة كحلا وسروال جينز لاصق سليم مونطو كري طوييل وطربوش صغير اسود وخلات شعرها مطلوق ....
....الشتا كطيح خيط من السما وارعد والبرق دايرين خدمتهم .... بسوفيطمة بيضا وسروال جينز ووشامات يديه وااضحين ..السوفيطمة فزكات لي خلا سداسيات بطنو وعضلاتو البارزة تبان بشكل واضح ....وشعيراتو الهابطة على وجهو ....منضر مثير ( متكرهيش تعلقيه فالحيط وتبقاي تبحلقي فيه ) ...حال عينيه الزورق ومتكي فوق طوموبيلتو كيشوف فالسما وكيتامل الغيام السوداء تحت زخات المطر.....
قاطع هدوءو سيارة لومبرغيني من الطراز الرفيع انييقة ورياضية ..سيارة فخمة بامتياز
...نزل منها بضخامتو وبهيبتو ..ونطق بصرخة زلزلات المكان : جووريك
التاقت ليه ببطئ بدون مايتحرك وتنهد بشوية ...
ليونارد : ولا ال*** راك غاتمرض ...نوض اصاحبي رآه عند الكلب د بوك الخدمة
جوريك : ضرك عليا ..خليني نرتاح ...رآه نخصر مك بالكلب المصعور
( مسح على وجهو بغضب ) ونطق : عمراان بااغيك عندو فالقصر .......
...شنو كتوقعو غايكوننن ....خليو ليا آرائكم فالكمونتيرات 💓💓🙃
يتبع
VOUS LISEZ
my strong princess اميرتي القوية( قصة كاملة بالدارجة المغربية)
Romance𝐌𝐲 𝐒𝐭𝐫𝐨𝐧𝐠 𝐏𝐫𝐢𝐧𝐜𝐞𝐬𝐬☯︎ > السلام عليكم أنا سميتي نادين با لاباس علييه بوكو حبة ختكم كنت عايشة فالرفاهية أنا والتويمية ديالي ههه ..... تا غيجي النهار لي غتقلب فيه حياتي رأسا على عقب ولي غيكون عمي السباب فتدميرها ... غنتحرم من كلشي غنولي...
