my strong princess اميرتي القوية( قصة كاملة بالدارجة المغربية)

بارت 3

،👑الجزء 5👑

....دخلت لبيتي منهارة طحت على الناموسية وكنحس براسي مخنوقة ..والدنيا دارت بيا ....طلقت العنان لدموعي ولشهقاتي لي كاتعبر على العذاب لي كانحس بيه ....بكيت تاشبعت واستلمت النعاس هاربة من الواقع الكئيب لي كانعيشو ....
تا استيقظت على صوت شهقات بكاء  انوثية صادرة من البيت لي حدايا....وقفت مخلوعة لبست فرجلي ومشيت كنقلب على مصدر الصوت دخلت ولقيت ختي نسرين كتجمع حوايجها ودموع شاقين طريقهم فوجهها ....
تلاحيت عليها كنطبطب عليها وكتحاول نهدأها.....
أنا  بصوت باكي : نسرين ...صافي احبيبتي ماشي مشكيل الذنب ماشي ذنبنا حنا ماغانتفرقوش ...غادي غير نتاباعدو شوية ونرجعو لبعضنا
نسرين : ياك اختي غنبقاو خواتات ...مغاتنساينيش
رجعت بلور وشديت من حناكها الحومر: واش منيتك كاين شي واحد كينسى ختو ...أنا كنمووت علييك الهبيلة ...واخااا
هزات رأسه بايجاب و هي باقا كتدمع : اممم واخااا
انا : يلاه صافي باراكا من البكا اجي نتعاون نجمعو حوايجنا أنا وياك

...جمعنا حوايجنا أنا وياها ووجدنا ليفاليز ونعسنا بجوج معانقين .....صبحنا صباح على صوت القرآن مطلوق بجهد وصوت ديال عباد الله كيدويو والصداع والبكاء .. عرفنا بلي الجنازة اليوم لبسنا عباياتنا وبغينا نخرجو لعند الناس نستالمو التعازي .....ولكن مع حطيت رجلي برا الباب ديال البيت حسيت بالدوخة وبراسي تقال عليا تراجعت وجلست فوق الناموسية..ومشات نسرين جابتلي الما شربتو ...وجلست كنحاول نرجع النفس فراسي هبطات من عيني دمعة وحدة مسحتها دغيا وقلت فنفسي: خاصني نقوي راسي على قبل ختي ...تشجعي اناديين..تقديي تحققي لي بغييتي ...
ابتاسمت لختي وشديت من يديها وجريتها جلستها حدايا : نسرين ..
نسرين : اممم شنو اختي....
جربتها لحضني معنقاها وكنهضر معاها بابتسامة: ختي شنو باغا تولي فاش تكبري
نسرين : ماتزال معرفتش ...يمكن ...طبيبة ولا أستاذة
أنا : وااعديني تجاربي تا تحققي حلمك وديري الحاجة لي بغيتي ...بلا ماتخلي تاحاجة تمنعك
نسرين : امممم كنواعدك ...وانتي وااعديني نبقاو نتلاقاو
أنا : كنواعدك

وهادي كانت اخر محادثة بيني وبين ختي توأمي ولي كانت كلشي بالنسبة ليا

👑الجزء 6👑

.......................بعد شهرين .....................

.....غير سمعت خطواتو هربت وتخبيت فبيتي وشديت عليا الباب ....من بعد ما تفرقنا أنا واختي مشيت معاه لدارو كانت خاويا...يعني كنت غير أنا وياه فالدار بوحدنا...الاسبوع الاول دااز مزيان .... الاسبوع التاني نفس الشي ......تا شويا ولا سيد كيتصرف فشكاال ..كنكون فالدار بوحدي شي مرات كنغسل الماعن ولا كنطيب شيحاجة تا كيجي يبدأ يتلمس فيا ولا يلصق على ضهري ولا كيبدا يلوح ليا شي هضرة ماهيااش ....مؤخرا وليت كنخاف على راسي وكنتخبا منو ......
.....دخل للدار هاز قرعة دالشراب فيديه وكيعيط بصوت مبحوح : نادييين ...نادييين عمك جااا مغتسلمييش علييااا...نادين
..جا كيدق فالباب دبيتي وانا مخلوعة وقلبي مقبوض عليا بعدت على الباب وتخشيت تحت كاشتي وانا نسمع التهراس ديال الجاج طلقتها بغوتة ...تا كيبان ليا الباب تحل ودخل منو كيتمايل يمين وشمال وريحة الكارو والشراب فيه مجهدااا ....زيرت على كاشتي وانا كنشوف فيه مخلوعة تا جا قدامي شدني من شعري مبتاسم : نادييين علااش انادين كتعدبييني
أنا بديت كنغوت وكنبكي وشادا من يديه حيت كنحس بيه كيقطع شعري بيديه : اااا هيء هيء عمي طلقنييي هيء
طلق من شعري وصمكني : شششش مادويييش أنا ماشي عمك نتي نتي ماشي بنت خويا ...نتي حبيبتي نتي مراتي ....
هزات راسي بنفي وانا كنبكي : لا لا لا لا اعمييي مدييرش هااكا اعمييي عافاك هيء هيء
هو : لا أنا ماعمكش أنا غنتبت ليك بلي ماعمكش
...شدني من فكي السفلي مزير عليا وخشا فمي فوسط فمي وبدا كيجر ليا فشفايفي بزز عييت مندفع فيه ونحاول نبعدو عليا ....تا دفعني على الأرض طيحني...وهبط فوق مني كيحاول ينزل ليا السماطي ديال الكسوة بزز ولكن كنت مزيرة عليها ومنعتو تا كنشو فيه وقف وبدا كيحل السمطة دسروالو ....دورت راسي كنشوف جنابي تاطحت على واحد الحديدة ما عرفنا كاع ديالاش ولا منين جات ...هزيت بيد يدي كنترعد ونزلت عليه بيها للرأس ...طاح قدامي كيتوجع وكينادي بسميتي ..
خرجت من الدار كنجري معارفاش تا فين غادا .....

وهنا غتبدا رحلتي نحو المجهول

.....خليو فووت وكومونتيير.... توقعاتكم البارتات الجايين 🙃☺️