my strong princess اميرتي القوية( قصة كاملة بالدارجة المغربية)

البارت 21

👑الجزء41👑

لازار : اووه شكون جاا خفتي على الكتكوتة..
جوريك : شنو بغيتي
لازار : بغيت ندوقها ولا الحلوة دوقها غير بوحدك عيب اجوريك عيب ...المشاركة زوينة ..
جوريك : غنفرع زا***ما دبوك يا ولد **حبة إلى مابعدتيش منها
لازار : تا الواليد مسكين االله يرحمو كان باغي يدوقها ..كتشهي فالصراحة ديك القطيطة ...
جوريك : بغيتي دوق الحلوة !؟؟
لازار : معلوم علاش لا
كفض على يديه وقرب منو بغضب شدو من الكول وبدا كينزل عليه بالبونيا تا تخلط وجهو بدم ...
جوريك : عتابر هدشي غير تحذير مازال ندوقك كتر لابغيتي ...
خرج من تماك طالعة ليه القردة توجه ديريكت للقصر لعند الواليدة ديالو ....
نايلين : ولدي مالك معصب ياك لاباس
جوريك : ماتشغليش بالك الواليدة ...جيت غير نشوفك ونمشي ...
نايلين : مزيان اولدي تانا مكرهتكش تجي تجلس معايا فالقصر ..
جوريك : من بعد الواليدة مشغول هاد الساعة...
نايلين : بخاطرك اولدي ...
..دوز معاها وقيت تاوصلات الوقتية ديال الغدا عاد مشا من عندها ديريكت للقصر  ديالو

....من بعد دقائق قليلة كان قدام البوابة دخل كيتمختر فمشيتو كيف العادة تا لمحها مشتتة فوق الفوطوي طالقا شعرها ولابسا بيجامة فالزرق غامق بسروال وشوميز ... ومخلية شعرها مطلوق على راحتو قدامها باكية ديال شيبس كتاكل فيه وكتفرج فيلم ملهيا معاه
...كتاكل بهدوء ومراقبة احداث الفيلم بتركيز تام ...
سها فمنضرها وجمالها الفاتن. وهي واخدة قمة الراحة ديالها ..تا استوعب راسو عاد نطق : احم احم نادين

دورات نص وجهها شافت فيه ورجعات دورات وجهها التلفازة تكمل تفراجها ناطقة بعدم اهتمام :مالك ؟؟
جوريك : اممم والو ..
دارت خنزرات فيه ..حركات رأسها بلا حول ..ورجعات دورات وجهها تكمل تفراجها

.....بعد مدة قليلة كان خرج من دوش لابس شورط قصير وحاط فوطة على راسو كينشف بيها شعرو...مع هاد المنضر دخلات نادين لبيتو بلا دقان  وهي شادا فيديها بواطة ديال لgلاص ووفمها معلقة ...طلعات فيه ونزلات من راسو تالرجليه : فيا جوع
طلع فيها حجبانو : وشكاديري دابا ماشي كتاكلي
نادين : هادا ماكيتعتابرش ماكلة فيا جوع ...ماكتعرفش دير صواب ديك ساع خليني فداري قادا بمخي ...
جوريك : عارفاني ماشي من النوع لي كينفذ الأوامر وما كنقبلش بالتهديد ..
نادين : تانا ماجيتش نتشاور معاك جيت غير نعلمك...وماتنساش لي فراسي رآه فراسي واخا طير وتنزل ..
جوريك : طوالك اللسان القطيطة ..
نادين : لساني ماضي ونخاف عليك من حدتو ولكن سلاحي كتر ...فادور لهيه لبس علك وهبط شوف لنا ماناكلو ...

...مشات مخلياه وراها مبتاسم بخبث وراسو عامر افكار ..

👑الجزء42👑

نزل لتحت وجد طبق ديال الريزوتو (لي ماكيعرفوش هو طبق من الروز بالبيض والدجاج والخضر وهو أكلة إيطالية ) وعيط ليها ...جات كتعوج فمشيتها كيفما موالفا حط ليها طبسيل قدامها طاحت فيه عمية تاكل وتقول ماكلين ...تاكملات وسلات عاد طلعات فيه عينيها لقاتو كيشوف فيها بابتسامة جانبية وهي تخنزر فيه ونطقات بحدة : هادا لي علمك طياب خاصو يتحكم عليه بالاعدام ...حيت هادا رآه م ماشي ماكلة ..ماعجبنيش
جوريك : اممم باينا على وجهك ..نوضي بدلي حوايجك رآه عندي بريكول خاصني نقديه
نادين : اممم مزيان ملي عرفتي بلي نتا لي محتاجين ماشي أنا لي محتاجاك
جوريك : فيك قوة الهضرة سيري تلبسي ويلاه
نادين : اوكي

سمحوليا على الغبرة ..«منهار دفنوه مازاروه »
ولكن هانياا 🤞🕊️
لي داخل لعندي لانستا رآه عارف علاش كنت غابرا
لموهيم هاوا بارت جديد تفاعلوا عليه وخليو ليا آرائكم 💗💗🥀