my strong princess اميرتي القوية( قصة كاملة بالدارجة المغربية)

البارت 28

👑 الجزء 56👑

...دخلات كطقطق بصباطها والانظار توجهوا لجيهتها وهي كتمشى بكل رشاقة ممسوقاش
لشنو داير بيها ....
جلسات جنب البارمان وطلبات طلبها المعتاد خدات ستيلو وورقة وبدأت كتخطط فيهم وكتخصر فملامح وجهها بانزعاج ملي استعوبات راسها كتكتب اسمو لمراات كثيرة ...شدات الورقة كمشاتها ولسبب ما حطاتها فجيب الفيسط ديالها عوض ماترميها ...
شربات زجاجة مشروبها بتأني تا كملاتو وخرجات طلعات فلوطو ديالها وهي فقمة وعيها ديريكت وقفات حدا واحد الطموبيل وهرسات جاج ناطقة ببرود : عيط البوليس
تعصب داك خونا لي كان راكب فطموبيل وبدا كيغوت ويهلل تا جمعاتها معاه ناطقة : دير لي قلت ليك
هو : وا..وااخا
نادين : قوليهم حالة اعتداء
استغرب من طلبها ولكن دار لي قالت ..وبالفعل جاات السطافيط وعاملوها بعكس لي توقعات تماما ..عاملوها باحترام كبير وبأدب وكأنها ماشي هي المجرمة ..طلبو منها أنها تركب لور ..وتحركو مع الطريق
..غير وصلات نزل الضابط دخلها معاه ومد ليها ورقة توقع عليها ناطق بخوف : تفضلي آنسة وقعي
نادين : شنو هادا
ضابط : مخالفة وغتخلصي مبلغ بسيط وغاتخرجي
نادين :   اممممم ماشي هاد التهمة كاادخل للحبس
ضابط : بصح امدام ولكن عندنا أوامر مانخليوكش تحطي رجلك تم
نطقات مغززة سنانها بينها وبين نفسها : جووريك
نادين : هاانتا غااندفع المبالغة وأنا كمواطنة صاالحة كنطلب منكوم تعاقبوني وااخا

ضابط : ماا نقدرش الآلة
نادين : بغيت الغرفة لي فيها السجينة عيشة كريم ...ولا ( طلعات خنجر صغير وفرمشة عين حطاتوليه تحت عنقو بعيد بإنشات قليلة على وريده) شنوبالك ..
ضابط : و..واخا الآلة تفضلي
تمشااو فداك الممر لي باقا عاقلة عليه فحالا يلاه البارح كتشوف رأسها وهي كتعرض للاذية بطريقة غير مبررة ..شنو دارت باش تلقى هاد الكره كلو ؟ ولا باش تعذب هاد العذاب كامل ؟ واش ممنحقهاش تفرح ؟ ..اسئلة دازو فدماغها برهة من الوقت حسات برأسها رجعات للماضي الكئيب ..مي مشاعرها تقلبو لغضب لحضة شافتها فرحانة كضحك قدامها فحالا معمرها اذاات روح ديك الطفلة البريئة وكانت وحدة من مسببين الضرر فحياتها ..

نادين : خليني هنا ومترجعش ليا تالغدا
ضابط : وااخا الآلة ..

👑الجزء 57👑

بعد لحضات تلقى اتصال وجاوب عليه فالبلاصة ملي عرف المتصل : شنو واقع ياك لاباس
..: مسيو وااحد السيدة من الصور لي عطيتينا جاات وهددات بالقتل بشرط اننا نخليوها دخل السجن المركزي
جوريك : كييفاش ..شكون هادي
....: اسمها ناادين يمكن
جوريك : Fuck ...هاني جاي
قطع ونزل للوطو ديالو وحرك مكسيري ..

مرات نصف ساعة عاد لحق ..كيبان ليه مخرجين بااياصات ولومبيلونص وااقفا قدام المركز ديال الشرطة ..تخلع وحرك رجليه كايجري خايف يكون صابها شي مكروه أو سوء....
تا كاتبانلو خارجا وكاتجمع فشعرها ووجهها مزين بنقط ديال الدم وقفات حداه وبتاسمات حاطة يديها على خصرها وناطقة ببرود : خساارة كنت بااغا غير نلعب معاهم
جوريك : ناادين شكااتخربقي
نادين : جييتي فوقتك وصلني للعمارة ديالي مابغيتش نوسخ لموطو ديالي بدم ..ندوش ونرجع نااخدو ..

طلعات فيها عينيها وكيف عادتو لقاتو الابتسامة شاقة وجهو من الطرف تال الطرف
..ما فهماتش سبب ابتسامتو وابتاسمات ليه بميوع مدورة عينيها للجهة لخرى ..

تحرك من قدامها حط يديه على كتف الضابط لي وقف عليهم ولي خبرو بأنها سيفطات ربعة ديال السجينات المستعجلات فظرف ساعة ديال المكانة ....

ورجع لعندها جرها من يديها طلعها فلوطو وتوجه بيها للقصر

يتبع 🌻

«صوتوووو⭐»