Unicode
"အတ္တရဲ့စေရာ"
💐အပိုင်း(၈)💐
"နောက်နှစ်ရက်လောက်နေရင်သမီးပြန်လာမှာပါ....ဘွားစိတ်မပူနဲ့နော်"
"နှစ်ရက်ဆိုလည်း ဘွားစောင့်ရမာပေါ့ကွယ်...မြေးရဲ့ပညာရေးကအရေးကြီးပါတယ်"
"ဘွားကလည်းမြေးအတွက်အရေးကြီးပါတယ်နော်..အဝေးကြီးမှာ ဘွားကိုနေ့တိုင်းသတိရနေတာ...သမီးဟိုရက်တွေက ဖုန်းဆက်တော့ ဘွားအိပ်နေတယ်ပဲအန်တီကပြောလို့ မခေါ်ခိုင်းတာပါ....ဘွားအနားမှာမရှိပေမဲ့လည်း ညတိုင်းဘွားကိုရည်မှန်းပီးကန်တော့တယ် သမီးကို ဆုပေးနော်"
"ငါ့မြေးလေး လိုအင်တွေမတောင့်တပဲပြည့်ဝပါစေ..ကိုယ်ကျန်းမာသလိုစိတ်လည်းချမ်းသာပါစေ....ရှေ့ဆက်မယ့်ဘဝတက်လမ်းမှာလည်း ခလုတ်မထိဆူးမငြိပဲအဆင်ပြေချောမွေ့ပါစေကွယ်"
"ပေးတဲ့ဆုနဲ့ပြည့်ရပါစေဘွား....သမီးမရှိတုန်း ဆေးမှန်မှန်သောက်ရဲ့လားဟင်...အန်တီချိုကရော ခြံထဲလိုက်ပို့လား..ပူတူးနဲ့အန်တီကရော ဘွားအိပ်တဲ့အထိ စောင့်ပေးရဲ့လား"
"မြေးရဲ့တာဝန်တွေအကုန် သူတို့ကျေပါတယ်ကွယ်....စိတ်မပူနဲ့ စာသာမြန်မြန်ကြိုးစားပီး ဘွားဆီပြန်ခဲ့...ဘွားမျှော်နေမယ်နော်"
"ဟုတ်ဘွား ဘွားကိုချစ်တယ်...အရမ်းချစ်တယ် မွ"
"ဘွားလည်းချစ်ပါတယ်မြေးလေးရယ်....ဖုန်းချတော့လေ...စာကျက်ချိန်နောက်ကျနေဦးမယ်"
"ဟုတ် တာ့တာဘွား"
ဖုန်းချလိုက်ပေမဲ့ အလင်းရင်ထဲ မကောင်းပါ
ဘွားအသံက နည်းနည်းတိမ်ဝင်နေသလိုရှိသည်
ချက်ခြင်းသွားကြည့်ပြန်ရင်လည်း ရန်ကုန်မှာရှိပါရက်နဲ့ သူ့ကိုရှောင်ပုန်းနေပါတယ်ထင်မှာကို မလိုလား။
မသွားလက်စနဲ့ မသွားသေးတာပဲကောင်းပါတယ်လေ။
"အဘွား နေကောင်းလားအလင်း"
ဖုန်းခုံဘေးမှာ ထိုင်ငေးနေသည့် အလင်းနားသို့ မေမေရောက်လာပီးမေးခြင်းပင်။
"ကောင်းတယ်တဲ့ အမေ...နောက်နှစ်ရက်နေရင် လာမယ်လို့ပြောထားတာ မနက်ဖြန်ပဲသမီးသွားတွေ့လိုက်တော့မယ်"
YOU ARE READING
အတ္တရဲ့စေရာ / အတၱရဲ႕ေစရာ [Complete]OC
FantasyUnicode & Zawgyi Available. Unicode မင်းကို လက်ထပ်ချင်တာက ဘွားရဲ့အမွေတွေပိုင်ဆိုင်ရဖို့မဟုတ်ဘူး...ချစ်လို့...မထင်မှတ်ပဲ မင်းကို ချစ်မိသွားခဲ့လို့.. Zawgyi မင္းကို လက္ထပ္ခ်င္တာက ဘြားရဲ႕အေမြေတြပိုင္ဆိုင္ရဖို႔မဟုတ္ဘူး...ခ်စ္လို႔...မထင္မွတ္ပဲ မင္းကို ခ...
![အတ္တရဲ့စေရာ / အတၱရဲ႕ေစရာ [Complete]OC](https://img.wattpad.com/cover/322291267-64-k811512.jpg)