Unicode
"အလုပ်ကပြန်လာပြီး အိမ်ထဲမှာထိုင်၍ အမေနဲ့စကားပြောနေတုန်းမှာဝေထက်ရောက်လာပြီး
"မမ...အိမ်ရှေ့ကစာတိုက်ပုံးမှာ ဟောဒီစာအိတ်တွေ့တယ်"
ထိုစာအိတ်ကိုမြင်တာနဲ့အလင်းသိပါတယ်။မန္တလေးပွဲရုံမှမိတ်ဆွေတစ်ဦးက မော်လမြိုင်တွင်ရှိသော ပဲဆီလုပ်ငန်းသို့ ပဲ စပ်ချင်သောအကြောင်းကြားစာဖြစ်၍ချစ်ဖုန်းတို့ရပ်ကွက်ထဲက ဆီကြိတ်ဆုံကိုသွားပေးရမှာဖြစ်သည်။ထို့ကြောင့်မေ့ကိုနှုတ်ဆက်ပြီး စာအိတ်ယူကာ အလင်းအိမ်မှထွက်ခဲ့၏။
"သားလည်းလိုက်မယ်"
ဝေထက်ကပါသူမနဲ့အတူလိုက်လာရင်း လမ်းမှာ မုန့်လည်းဝယ်စားခဲ့ကြသေးသည်။
"ကြီးကြီးတိုးရေ....သမီးအလင်းပါ"
ဆီကြိတ်ဆုံက ယနေ့လူနည်းနည်းရှုပ်နေတာမို့ ခြံဝင်းထဲရောက်သည်နှင့် ဆုံလည်ကြီးအနားက အိမ်ပိုင်ရှင်ကို အလင်းလှမ်းခေါ်လိုက်သည်။
"လာလေ အလင်းရဲ့...အိမ်ပေါက်ဝကြီးမှာ ဘာလို့ရပ်နေတာတုန်း"
"ဟုတ်ကဲ့"
အလင်းတို့မောင်နှမအိမ်ထဲရောက်သည်နှင့် မြေပဲဆံကြော်တွေကျွေးလေသည်။
"သမီးတို့စားခဲ့ပြီး..ကြီးကြီးရဲ့...သမီးအိမ်မှာ ဒီစာရောက်နေလို့ ကြီးကြီးကိုလာပေးတာ"
"ဟင် ကြီးကြီးရဲ့ လိပ်စာကိုမလာပဲနဲ့...ဘာလို့အလင်းတို့အိမ်ရောက်နေတာလဲကွဲ့"
"အဖေကမှာထားတယ်....သူ့မိတ်ဆွေက ဈေးကွက်ချဲ့ချင်တယ်လို့ပြောတော့ ကြီးတိုးကိုသတိရသွားတာတဲ့...အာ့နဲ့ သူတို့ပစ္စည်းလာပြဖို့အဆင်ပြေမပြေအရင်လှမ်းအကြောင်းကြားတာ...ကြီးတိုးသာ ဝယ်မယ်ဆို သူ့ဘက်ကလူကိုယ်တိုင်လာပြီး ပစ္စည်းပြရင်းဈေးညှိမယ်တဲ့"
"အဲ့ဒါများ ဖုန်းဆက်လိုက်ပါရောလားသမီးရယ်....ကြေးနန်းတွေ စာတွေနဲ့ လာပို့ရတာလဲ အချိန်မကုန်ဘူလား"
"အဖေကကြီးတိုးကိုမတိုင်ပင်ခဲ့ရတော့ ဖုန်းထဲကပြောရင် မသင့်တော်ဘူးထင်လို့ဖြစ်မယ်"
YOU ARE READING
အတ္တရဲ့စေရာ / အတၱရဲ႕ေစရာ [Complete]OC
FantasyUnicode & Zawgyi Available. Unicode မင်းကို လက်ထပ်ချင်တာက ဘွားရဲ့အမွေတွေပိုင်ဆိုင်ရဖို့မဟုတ်ဘူး...ချစ်လို့...မထင်မှတ်ပဲ မင်းကို ချစ်မိသွားခဲ့လို့.. Zawgyi မင္းကို လက္ထပ္ခ်င္တာက ဘြားရဲ႕အေမြေတြပိုင္ဆိုင္ရဖို႔မဟုတ္ဘူး...ခ်စ္လို႔...မထင္မွတ္ပဲ မင္းကို ခ...
![အတ္တရဲ့စေရာ / အတၱရဲ႕ေစရာ [Complete]OC](https://img.wattpad.com/cover/322291267-64-k811512.jpg)