إجتمع فيك كل الحسن وخربه حُبي

٢

طول الطريق و ذيك اللحضه ماهيب راضيه تروح عن بالي، اخ بس متأكد انها ناعمه!
هزيت راسي و انا احاول ابعدها عن بالي
مانيب سند اذا فكرت كذا تفكير!!
ناظرت للطريق بس صوت رائد طلعني من سرحاني

رائد: ليش دفعت عنها؟
سند: شرايك تكتب قصة حب من اول دفعه
كمل بعصبيه: ترا واضح البنت تورطت وانا ساعدتها قل حب قل!!
لف له رائد بحاجب مرفوع وهو يهز راسه: شفيك؟؟
لف سند للطريق وهو معصب
رائد: يالليل الحين جايبك نتونس مع بعض والا نكد؟؟
سند: ركز بطريقك و خل عنك الكلام
صد رائد وهو يعرف ان هذي حالته اذا عصب
وفضل الصمت وهو يكمل طريقه لديرة نواف

عند يُسرى كانت بالسياره مع اهلها و اخوها الكبير خالد مشغل لهم شيله عشان مايحسون بالطريق
كانت تناظر الطريق و تعيد التفكير اذا شافتهم مره ثانيه هل تعتذر؟؟ و تشكره على دفعه؟
تنهدت و مر الوقت ووصلو البيت و نزلو اغراضهم و توجهت لغرفتها بتعب منسدحه على السرير تردد: اخخ راسي وظهري و بطني يوجعوني
رنا الي ترضع بنتها بضحك:كل هذا؟
نور: تدلع خليها
يُسرى: نور وقسماً بالله لين قمت لأتوطى ببطنك!!
صمت.. ماقدرن يمسكن ضحكتهن وضحكن بقوه مع بعض ثم تحلفت تنام بعمق

في سيارة رائد وقف قدام مسجد الديره وناظر حوله وشاف نواف يلوح له وبيده كرة الطائره
إبتسم سند وقال: حبهم لكرة الطائره اقوى من كرة القدم!
رائد: ابد بس هذي لعبه ليليه لهم
نزلو وهم يسلمون على نواف والشباب الي معه وجلسو يسولفون و يضحكون

نواف: عاد والله ماتخطون تنامون الليله عندي
سند: لا لا عندنا اشغال بكره و لاودنا نكلف عليك
نواف: افاا ياسند انتم تكلفون علي لاوالله زعلت
ضحك رائد وهو يكلمه: كل شين الا زعلك يانوافووه

مر وقت ثم اخذهم نواف معه للبيت يقول لخواته يجهزون مكانهم
سند بهمس لرائد: مالت عليك فشلتنا الله يفشل عدوك
رائد: انت وراء ماتبلع؟ خلنا نعيش اللحضات
قلب سند عيونه بملل منه وهو يسمعه يعيد نفس الكلام، رجع نواف وهو يقول: تفضلو من هنا
لحقوه ودخلهم المجلس وكان حاط فرشهم و بجانبهن شاحن تقدم رائد وهو يهز راسه: كفوو نوافووه تعال اضمك
نواف وهو يدفه: يارجل وخر هناك بس
جلسو بفرشهم يسولفون و قاله رائد عن البنت الي بالكووفي و نواف منهار ضحك اما سند كان وده يقوم يقص لسان رائد الي قعد يشرح البنت و كيف نظراتها ويعبر عن كمية قهره

نواف: ياخي كله بزر تلاعبه ع الفاضي ليه؟
رائد: اقولك البزره ضحكتلي عادي وتجي تلفها عني ليه؟
نزل سند شماغه و انسدح يتلحف يحاول ينام
لين قال نواف: عاد بما انكم هنا زادت الفرحه فرحتين و بعد بكره عندنا زواج خوينا سالم وشرايكم تحضرون؟
رائد وهو يصفق: اكيد الاجازه حقتنا مطوله
ضحك نواف اما سند ماكان بيده حيله ولف عنهم ونام

يتبع..