إجتمع فيك كل الحسن وخربه حُبي

٧

ام نواف: ياحليلهم الله يحفظهم
نواف: البنات هنا؟؟
امه: لا راحن قبل شوي لأمي
نواف: زين بروح اخذ غفوه
امه: لاتتاخر صلاة الظهر بعد دقايق
نواف: انشاءالله
ودخل غرفته مقفل الباب وراه

في الطريق كان رائد ياخذ غفوه و سند يسوق
ناظر بالمرايه الامامي و كيف هو يبتعد عنهم
تنهد يفرك جبهته بتعب يكمل طريقه بصمت
مايسمع فيه الا اغنية 'امسكوني قبل لااطيح'
ذوق رائد الله يحفظه!

في الديره وقت العصر كانت يُسرى و البنات في المزرعه فله ووناسه
قالت ام نواف: اي عاد قلت لهم يجيبون امهاتهم يسيرن علينا
ام سامي: زين سويتي والله ام رائد سوالفها ماتنفوت
ميثاء بإستغراب: الحين خاله نواف كيف عرفهم؟؟
ام نواف: خوياه في الدوره
همهمت ميثاء وهي تكمل: طيب كيف عرفتي امهاتهم
ام نواف: عاد هذي خالتك ام نواف
يُسرى وهي تاكل حلا: واضح واضح تموتين على العلاقات
رمت ام نواف الكوب عليها وشرقت يُسرى: والله لين ماتعدلتي لازوجك الحايلي يابنت فيصل
يُسرى: حايلي ولا ولد ام سعد
ميثاء: وش سالفته؟؟
يُسرى: ابد الله يسلمك قالتلي بالعرس تراك لولدي الي بيجي من البعث قلت خير انشاءالله ورحت عنها
ام سامي بشهقه: ياللي ماتستحين تكلمي باادب مع الكبار
ام خالد: يُسرى قومي انقلعي من السفره
يُسرى:زين بروح العب عند النخل
وراحت فعلاً

في حايل بعد ماوصلو رائد و سند كل واحد توجه لبيته..
دخل سند البيت وهو يحس روحه لو نام عند الدرج مو حاس من كثر التعب
شاف امه و اخته ندى بالصاله وتقدم يسلم عليهن و باس راس امه وهو يسأل عن حالها
و حال ندى جلس مده معهن ثم وقف يقول: عاد بروح انام و ارتاح اذا اذن المغرب قوميني ندى  زين
ندى: ابشرر
وراح لغرفته يرتاح
دخل ونزل ثوبه و اخذ منشفته يتروش
يغسل شعره بقوه وهو يحاول يمحي كل اليومين والليله هذيك من باله لكنه طول الوقت يفكر فيها
تنهد وهمس: صدق ان الانثى مسيطره حتى برا بيتها
اخذ منشفته ينشف شعره وطلع لغرفته
لبس ملابس و رمى نفسه على السرير ونام

في الديره وقت العِشاء كانو في بيت الجده و كل واحد طايح بمكان من التعب
ام سامي: هذا الي ابيه يدورون الفراش دوره
ام نواف: اخخ نادر كسر ظهري وانا الحقه
ام خالد: مالهم الا كذا لعب لعب لين الواحد يطيح من التعب
رنا وهي ترضع بنتها: بنتي بفصلها عن ورعانكم وبحطها بقفص ذهبي عشان ماتختلط معهم وتصير متوحشه
ميثاء: الله يالكيووته
رنا: اكيد
يُسرى بملل: عندكم سوالفن غيرها؟؟
ام خالد: سولفي علينا يالونيسه
تربعت يُسرى وهي تعدل ترمس القهوه وتقول: امسعن بسالفة العود من اول ركزه
صاحت ميثاء و ضحكت ام نواف و ام سامي قامت تصلي و رنا قعدت تلاعب بنتها
شافتهم يُسرى وقالت: كذا يعني؟
وقامت تاخذ جوالها تطقطق عليه

يتبع..