في حايل كانت ندى تصحي سند وصحى قايم يصلي العِشاء ثم طلع للصاله الي فيه امه واخوانه وجلس معهم يسلم ويسولف
نايف الاوسط: ها عاد كيف القصيم؟
سند: زينه مع انها حاره شويه بس تمشي
عبدالرحمن: انشاءالله مرتاحين هناك
سند: ابد ماقصرو بشين حتى غدونا مفطح
ضحكت امه وهي تقول: ماسلمت على ام نواف؟
سند: الا وتقول زورونا وهاتو امهاتكم
امه بإبتسامه: ياحليلها ام نواف تحب الجمعات
هز سند راسه وهو يعقد حواجبه: واجد يالغاليه رحت وهي تجهز لجمعة المزرعه
صفقت امه بيدها: ايه ارسلتلي جلستهم الله يسعدهم
نايف وهو متكي: حلوو حلوو ياام عبدالرحمن تتواصلين مع اهل القصيم ماتعلمينا بشين!!
ام عبدالرحمن: لتكون طنيان بس
نايف: ايوالله
سند: ازعجتنا وش تبي فيهم؟
نايف: اطقطق
عبدالرحمن: سند امس زارتنا خالتي ام سمير
زفر سند بصمت وقال: وش علمها؟
عبدالرحمن: تسلم عليك وتقول متى الزياره
ضحك وسكت وهو يقوم رايح للمطبخ عند ندىشافها تقصص السلطه للعشاء وكلمها: تبيني اساعدك بشين؟
ندى: لا يامل طولت العمر تسلم بس سولف علي
جلس على الكرسي: اسألي
لفته له بحماس: قول الصدق من قعدتك هناك شفت بنات القصيم؟؟
ناظرها سند بصمت وهي تناظره بحماس
لين تنهد وقال: ماشفت احلى من ندى اختي
ضحكت ندى وضمته وهي تقول: ياعمرري يااخوي.. بس خل عنك اللف والدوران اكيد شفت وحده هاا؟؟؟
سند: شتبين؟؟
ندى: قلي شراح تخسر!
وقف وهو يفتح جواله وتجاهل سؤالها طالع من المطبخ ورايح للحوش
جلس هناك ودق على رائد اربع مرات ولا رد: شكله نيم هالدب مايشبعمر اسبوعين و هذا هو يوم اجازة سند ورائد
وقررو انهم ياخذون امهاتهم زياره لاام نواف
وبافعل هذا هم ماسكين خط القصيم بعد ماقالو لنواف و امه
و ام نواف ماقصرت سوت الي عليها وزود وضبطت الاستقبال و لبست جلابيه و عازمه خواتها وبالقوه جت ام خالد الي كانت مشغولهوصلو سند و رائد وامهاتهم لبيت ام نواف و نزلو مستقبلهم نواف و ابوه و دخلن الحريم لام نواف و سلمن و رحبن فيها ام خالد و ام سامي وجلسن يسولفن و يسألن عن حال بعض
كانت يُسرى جالسه جنب ام سامي و لابسه فستان تيفاني برقبه و فتحه مثلثه من النحر وميد و اكمامه لنص الساعد و كعب ابيض مع اكسسوارات ذهبيه و فاتحه شعرها وماسكه نصه فوق وجادله خصلتين من الجنب وطالعه تهبللل تهبلل
كانت تناظر فيهن و تشوف جمالهن كأنهن مو بعمر الـ ٤٠ و ٥٠ ام سند كانت لها ملامحه حلووه رغم كبرها الا انها رازه وطالعه انثى حقيقيه
و ام رائد بعد لها لمحه حلووه و هاديه
كانن يسولفن لين بدت ام نواف تعرفهن على البنات
ام نواف: الي لابسه تيفاني هذي يُسرى و الي وراها ميثاء وهذيك رنا وبنتها الجازي..
وتعرفها لين قالت ام رائد بإبتسامه: ماشاءالله الله يحفظهن جمال على امهاتهن
ام سامي: ياقلبي من ذوقك والله
ام سند وهي تناظر البنات: عاد امس ندى بنتي ماسكه خط كلام بس تسأل كيف بنات القصيم وشلونهن وووو
ميثاء: ليش ماجت معكم؟
ام سند: يووه شيجيبها خليها هناك لمن تتزوج بعدها تروح على كيفها
حست يُسرى ان كلامها مااعجبها مع انها مو غلطانه ماله داعي تجيب بنتها دام الزياره خفيفه و ماشين على العِشاء!!قالت يُسرى: مو لازم تتزوج عشان تروح لأي مكان
هي قادره تروح معكم وين المشكله؟؟
زمت ام نواف شفايفها وهي تعرف ان يُسرى بتبدا نقاش في هذا بس ام خالد قالت: بنتها وهي حره فيها خلاص
قامت يُسرى وطلعت من الصاله وميثاء تبتسم بتوتر من الجوو و ام سند قالت: ماعليه صغيره ماتعرف شيء
ام سامي: ايوالله بنات هالأيام مايعرفون شيء على بالهم الدنيا خموريشعند يُسرى جالسه بالحوش تلعب بالحصاه الصغيره ارميها فوق ثم تمسكها وتعيد الحركه
بينما تفكرر: 'معقوله اهل حايل تفكيرهم كذا؟'
اخذت كوب الكابتشينو الي جنبها تشرب منه بملليتبع..
أنت تقرأ
إجتمع فيك كل الحسن وخربه حُبي
خيال (فانتازيا)'تبقى وليف القلب لو صار ماصار، وتبقى نظر للعين لو مانشوفك'-سند 'تبقى سلاح الروح و لامنك اضرار، وتبقى عزيز وعزتك من وصوفك'-يُسرى