بسم الله الرحمن الرحيم
السلام عليكم ورحمة الله وبركاته شلونجن شخبارجن راح نبدي بقصه جديده حلوة ورومنسيه والقصه حقيقه وصايره بالواقع بس اكيد نضيف عليها شوي بهارات حتى نطلع بنتيجه تعجبكم وتستمتعون بقراتها اتمنئ تنال اعجابكم لاتنسون التصويت واكتبوا ارائكم بالتعاليق موعد النشر كل يومين بارت
قراءة ممتعه"🍂
الكاتبه : نمنم الحمدانية
.................................................................
لازم يصير العكس ويضيع تعبي علمتني الدنيا من
أرتاح أحط ايدي اعلئ كلبي.
........................................................
تركيا/ إسطنبول 7:30
ليان: كرم كوم وليدي الساعه سبعه ونص كوم علمود تلحك لجامعتك
كرم : كمت يمه بس بلا امر عليج حضريلي القميص الأبيض بين مااسبح
ليان:يمه ايمت تبطل هالعاده راح تمرض يايمه الدنيا برد وجاي تمرض
كرم : ميخالف يمه متعود
ليان: براحتك يمه خليت القميص يم المرايه اروح اكعد اختك ينرادلها ساعه تسشور كفشتها
ليان: كنار كنار يمعوده شنو هالنومه المايعرفك يكول ميته دكومي
كنار: يممممه عوفيني بس شوي بس خمس دقايق واجي وراج والله
ليان: الف مره ينعاد هالسناريو هسه كدامي تكومين تريدين كل يوم تشلعين كلب اخوج وهو ينتظرج تخلصين
كنار: ايمت اتزوج فارس أحلامي واخلص منكم
شبي هذا طول كلش
ليان: ليش منو يتحملج خلف الله علينا متحملين خبالج ودرجاتج النازله يوم عن يوم وفارس احلامج شكله حصانه مكسوره رجله هههههههههه
كنار : تضحكين عليه راح تشوفين شلون راح يجي بحصان حني يخبل
ليان : ولج الناس تكول ابيض مو حني
كنار : مريد ابيض اريد حني وشعره طويل
ليان: الريوك حاضر تعالي وراي لا تتاخرين
كنار: حاضر حياتي
كنار : صباح الخير يااحلئ عائله بكل الكون
دلير : صباح العسل لابنيتي الحلوة تعالي ابوسج
ليان:عوفها خل تتريك وتولي ساعه لتكعد من نومها واخوها ينتظرها
كنار : ها ست ليال تغارين مني لان بابا يحبني اكثر منج
دلير : ههههههه عوفيها ليال هاي مدللتي الحلوة
