بسم الله الرحمن الرحيم
السلام عليكم ورحمة الله وبركاته شلونجن بنات شخبارجن ان شاءالله تكونون بخير رجعنا ببارت جديد لطيف خفيف اتمنى تنال اعجابكم
قراءة ممتعه
الكاتبه " نمنم الحمدانيه
______________________________________
رغم بُعدك
بس بَعدك
هذاك أنتَ
العزيزَ الـ ما
يجَي بَعدك !
_____________________________________
نواهل " اني زينه مابيه شيء بس دخت
غياث " تمام كومي تعاي خيتي ساعدوها
شلناها وكعدنها يم نانا حور جابت ماي الها وشربناها
خوله " شبيج حبيبتي انتي بخير
نواهل " زينه اني مابيه شيء دوخه عاديه
كنار " كومي نروح لبيت
الحجيه " هاي بسبب الهزات ممجبورة تتركصين
نواهل " غير فرحانه لابن عمي
ام غياث " تسلمين حبيبتي ربي يسعدج
نواهل " من عيوني عمتي ليش جم غياث عدنا
حور " خاله خل نروح اني ونواهل وكنار لبيت
خوله " براحتكم بس منو ياخدكم
ام غياث " وين تروحون صعدوها لغرفه البنات ترتاح هسه تصير زينه
كنار " لا شكرا خاله بس علاجها بالبيت نروح حتى تشربه
ام غياث " اي هيج منكدر نكول شيء
نواهل " خل غسان ياخدنا
ام غياث " لحظه اصيحه حتى يجي
نواهل " تمام
اجئ غسان رحنا ويه اني ونواهل وحور
غسان " ليش رجعتو بعد وكت
كنار " نواهل مريضه
غسان " شبيج نواهل اخدج لدكتور
نواهل " لا صرت احسن راح اشرب علاجي واصير زينه
غسان " مابيج غير العافيه ان شاء الله
نواهل " الله يعافيك
وصلنا لبيت ونزلنا حور فتحت الباب ودخلنا كعدنا بالصاله ونواهل بدت تبجي
حور " وشكو تروحين وتبجين وتعذبين نفسج
نواهل " مجاي تفهمون عليه ولكم اني جاي اموت تفهمون هالشيء
حور " بلا نفهمج بس انتي ماتحاولين تفهمينه
نواهل " شفهم حور شفهم تريدين افهم بيوم وليله خطب وراح يصير بحضن وحده ثاني تريدين احطم كل أحلامي الورديه الي بنيته من سنوات بيوم تريدين انسئ روحي بلحظه اني مجاي اكدر على هالشيء مجاي أكدر
