بسم الله الرحمن الرحيم
السلام عليكم ورحمة الله وبركاته رجعنا ببارت جديد اتمنئ تنال اعجابكم وتستمتعون بيها
قراء ممتعه
الكاتبه : نمنم الحمدانيه
................................................
من شفتك شفت روحي بلا مرايه ولگيتك تشبه البيه وحيد وحزنك ولايه .
لـ مصطفى الخزاعي
................................................
رجعت لبيت شفت ماما كاعده تبجي وتلطم وحالته حاله
كنار " ها لكيتو لو لا
ليان " ماكو اختفئ راح سندي راح وليدي
كنار " شلون اختفئ ليش هو ولد صغير يضيع
ليان " ولج مدري مدري روحي اسألي ابوج
كنار " بابا شبي كرم وينه
دلير " نتصل عليه مغلق اتصلنا لأصدقاء يكولون من زمان رجع لبيت
كنار " بلكت سيارته متعطله وخلص شحن تلفونه هسه يرجع ليش تتفاولون عليه
دلير " ان شاءالله خير كومي روحي تغدي
كنار " ممشتهيه بعدين اكل
ليان " دلير شنو الحل هسه راح نضل كاعدين ننتظر
دلير " اذا عندك حل كولي
ليان " روح لشرطه
دلير " اذا رحت لشرطه شكول ابني عمره ٢٣ وضايع
ليان " بلكت صايره شيء احد خاطفه وضاربه
دلير " يمعوده كافي تتفاولين عليه أن شاءالله مابي شيء
ليان " ان شاء الله
لمغرب كرم مارجع وماما وبابا بدو يقلقون واتصلنا عليه الف مره مغلق
ليان : كتلك صايرله شيء كلبي مو مطمن ابني راح من ايدي يمههه لحكيني ابني راح
دلير : كولي يالله بعد منعرف شيء لا تتفاولي عليه بالشر سكتي
كنار : بابا خل نروح لشرطه والمستشفيات ندور عليه
دلير : اذا مامر ٢٤ ساعه لغيابه منكدر نسوي شيء
ليان : ونكعد هيج وابني مختفي معرف عايش لو لا
دلير : راح اروح ادور عليه
كنار : خل اجي وياك بابا
دلير : لا بابا كعدي ويه امج لا تفتحون الباب لاحد
كنار : اوك بابا
كنار : راح بابا يدور على كرم واني وماما ضلينا قلقين بالبيت وماما ماجف دموعها وماوقفت لسانها عن الدعاء مرت الساعات وصار اليل وبابا ماكو لصبح واحنا كاعدين انفتح الباب ودخل بابا ركضنا عليه
