بسم الله الرحمن الرحيم
السلام عليكم ورحمة الله وبركاته
شلونجن شخبارجن ان شاءالله تكونون بخير رجعنا ببارت جديد لطيف خفيف اتمنى تنال اعجابكم
قراءة ممتعه
الكاتبه " نمنم الحمدانيه
__________________________________
( يـا بـلـوة گـلـبـي الحلـوة 🫀)
____________________________
كنار "
شفت عريب نايم فوك واحد ويضربه واخوانه يحاولون يفكونه منه ميكدرون هو مستمر بالضرب والنسوان يبجون ويصرخون اول مره بحياتي اشوف هيج شيء كدامي ببيت اهلي مجان احد يعلي صوته هيج بابا جان مسالم وكرم كذلك شفت نواهل اجت بتجاهي بعدها وكعت محسيت بشيء
نواهل " كعدنا الصبح كالعاده مثل أي يوم نزلت جوه شفتهم يتريكون صبحت عليهم
نواهل " صباح الخير
الكل " صباح النور
خوله " جيبيلج استكانه وتعاي تريكي
الحجيه " وينه ذيج المعفنه متكعد صار الظهر
عريب " عوفيها خل تشبع نوم
الحجيه " شو من هسه صاير خروف لك اعريب
عريب " عادي اصير ثور هم الها
الحجيه " اخر وقت والله شفنا اعريب يمشي بشور مره
الحجي " عوفيهم الله يديمهم لبعض
خوله " امين
الحجيه " هسه اني شكلت انت بزمانك مجنت تسمع مني لا خير لا شر
الحجي " لكل زمن دوله ورجال
عريب " عاش هالسان
الحجيه " انجب انت
خوله " احنا راح نروح اليوم ناخد نيشان حور ونحدد موعد لخطوبه
الحجيه " انتي ومنو تروحون
خوله " انتي واني وزينب وكنار
عريب " كنار متروح
خوله " ليش ابني
عريب " هيج مريدها تطلع واذا سمعت رايحه اكسرها
خوله " هاي هيه بكيفك
الحجيه " من ايمت صاير تكسر لك
عريب " من اليوم تريدين اجرب بيج هههههههههه
الحجيه " تضل بلا اخلاق ومتحترم
نواهل :"
كاعدين نتريك ونسولف عادي اندك الباب راح رائف فتح الباب دخل حسن ونرجس بس حسن وجهه ميتفسر
الحجي " هلا ابني كعدو
حسن " مشكورين جدي مجايين نكعد بس عندي جم كلمه احجيها واروح
